¹ Po tanto numano animó a Enu ke po miseri kodia rí Rioso, presenta kuepo kumo sakrifisio mbibo sando, asettable a Rioso e sendá kútto rasional. ² Nu konfoom kur ma kusa rí mundo , si nu senda tranfoomao po merio rí renobasió rí mende, asé to a kusa pa Enú kunose kuá gueno, asettable i péfetto e boluntá rí Rioso. ³ Pue i ta chitiá ke po nglasia ke i a resibí to lo ke ta andí enú nu pensá ma rí enu memo rí lo ke ten ke pensá. A0né ten ke pensá rí un foo ma sabia, asína kumo Rioso andalo a ka uno ku un merira rí fe. ⁴ Pue suto ten un chochá rí miembro endí un kuepo poro to ma miembro nu asé memo funsió. ⁵ Rí memo fooma suto, ke sendá po chocha suto sendá un kuepo numa endí krito í suto sendá miembro rí uno ku uto. ⁶ Suto ten done deferente rí akueddo ku nglasía lo ke Rioso ndá suto. Sí agguno ten don rí chakero, ke sendá rí akueddo ku tomaño rí fe. ⁷ Sí don rí agguno sendá rí sebisío, dege no pa e sébi. Sí agguno a ten don rí inseña, regeno pa ele insiña. ⁸ Sí agguno a ten don rí esotasio, pémiti pa ele esóta. Sí agguno ten don rí ndá, pémiti pa ele aselo ku generosida. Sí don rí agguno e rí kambímbante, ke ele aselo ka kuirao. Sí don rí agguna e rí asé miserikodia, ke ele aseto ku jarochería. ⁹ Regeno ke gongoroko sendá sin ipokresia. Aborese la ke sendá malo, í pega ku akeyo ke sendá gueno. ¹⁰ Asiná ke lo ke sendá gongoroko rí andí numano sendá afetibo uno ku uto, repetta uno ku uto ku onor. ¹¹ Sendá ku bíulante, nu ku elogero; ku lo ke sendá rí Epiritu, sendá ku bítante. Ku lo ke sendá rí. Ño, e po sébi. ¹² Sendí jorocheria ku eperansa lo ke enú ten aseka rí futuro. Tené pasiensia endí ma brotokolo mantene orasió. ¹³ Patisipó endí to ma nesesirá rí ma kreyente bukeno fooma rí mottrá generosirá. ¹⁴ Bendesí ake lo ke se pésegui suto, bendesi i nu icha maddisio. ¹⁵ Tené jarocheria ku ake lo ke ta jarocho, nyolá ku ake lo ke tá nyolá. ¹⁶ Penseno rí un memo foomo uno ku uto, nu pensá ku ogguyo, sí nu asetta ma gende umilde, nu sendá sabía endi memo pensamiendo. ¹⁷ No degobé mal a miggun gende ku uto mal. Asé to ma kusa guena rí lande rí to ma gende. ¹⁸ Sí sendá posible, tiria ku pa ku ma uto gende. ¹⁹ Nu bengá enu memo, sí nu ndá luga a ira rí Rioso, pokke to ekrito: "BENGANSA A MINÍ RÍ MI, I A SENDÁ LO KE TÁN DÁ PAGÓ" Asiná Ño a chitiá. ²⁰ "PORO SI ENEMIGO BO A TEN KANATULÉ NDALE KUMINA, I SI A TEN SE ANDALE APÚ, PUE SI ASÉ TU KUSA, BO TA DONE KABBÓN RÍ GUEGO ENDÍ KABEA RÍ ANE". ²¹ Nu reja ke madola bensá bo, sí nu bensé mal ku bié.