¹ Jesus a lendrá endi barka, a bae a uto lao, i a yegá a siurá ri si memo. ² Aí, ma gende a yebá pa andi éle andi kamiya un ombe tieso ke polé kamina nú. Guatiando ma fe ri ané, Jesus a chiatiá a ombe tieso ke polé kamina nú: "Moná mi, jarochá, pekado ri bo a sendá perdonado". ³ Aí memo, má eskriba se chitiá endi si memo: "E ombe tá blasfemando" ⁴ Jesus ke sabeba lo ane a pensá a chitiá: "¿Pokke enú ta pensá kusa mala endi kolasó si? ⁵ ¿Ke sendá ma fasi ri chitiá: "Pekado ri bo sendá perdonado o palá y kaminá"? ⁶ Poro pa ke to enú kunosé ke ma moná ri ombe polé perdonar pekado, Éle a chitiá a ombe tieso ke polé kamina nú: "Palá, ngalá kamilla si i bae a posá si". ⁷ Antonse ombe a palá i bae a posa si. ⁸ Kuandi chochá ri gende a guatiá e kusa, ané a kelá asombraoo i a glorifiká a Rioso, kiene a ndá poder a ma ombe. ⁹ Kuandi Jesús a bae ri e patte, a guatiá a ombe ñamao Mateo, kiene a tá sendao endi un paraje ri kobrá impuesto; Jesús a chitiá: "Siguí mi". éle a palá i a siguí a Jesús. ¹⁰ Kuandi Jesús ta sendá a kumé endi posá, a miní pa andi éle un chochá ri recaudadores ri impuestos ku má pecadores a kumé sena ku Éle i disipulos si. ¹¹ Kuandi má Fariseo a guatiá e kusa, ané a chitiá a ma disipulos ri Jesús: "¿Pokke ma piacha si ta kumé ku e gende?" ¹² Kuandi jesús a kuchá e kusa Éle a chitiá: "Má gende ke ta chakoso nú ta nesesitá mekiro nú, poro má gende ke ta chakoso ta nesesitá mekiro. ¹³ Enú ten ke prendé e kusa: 'I kelé miserikordia i nú sakrifisio'. Pokke I a miní a diliá a gende justa nú, si no a ma gende ke sendá pekadora". ¹⁴ Ma disipulo ri Juan a miní pa andi Éle i a chitiá: "¿Pokke suto kú má Fariseo se ayuná ka rato, poro disipulo si se ayuna nú?" ¹⁵ Jesús a chitia a enú: "¿Poleba ma inbitados de una boda ta ri luto miendla konkola ta ku ané? Poro tan miní ría kuandí konkola tan sendá kitao, antonse ané tan ayuná. ¹⁶ Niggú ombe ta poné un chepa nuebo endi un bitilo biejo, asina ke chepa tán rompé ri bitilo, i patte ke nú siribí tan sendá má ngade. ¹⁷ Ma gende tampoco a poné vino nuebo endi kantiflora biejo; si ma gende tan aselo, ma kantiflora ta lompé, vino ta botá, i kantiflora tan se enfaratao. Aora si ma gende tan poné vino nuebo endi kantiflora nuebo, dolingó kusa tan presebá. ¹⁸ Miendla Jesús a ta chitiá e má kusas, pa andí éle a bae un kamajan i postrá lande ri Jesús, chitiando: "monasita mi a lungo aora memo, poro miní kú I, poné mano si endi éle i éle tan bibí". ¹⁹ Antonse Jesús a palá i a bae kú éle jundo kú ma disipulo si. ²⁰ Po kaddume, un changaína ke teneba dolingó años kú flujo ri pola, éle a miní trá ri Jesús i a tienta Éle endi chepa. ²¹ Pué a chitiá a éle memo: "Si i tan tientá chepa ri Éle, I tan sendá kulá". ²² Jesús guatiando éle, a chitiá: "Moná mi, jarochá, fe ri bo a tan kulá bo". E changaina ri un be a kulá. ²³ Kuandi Jesús a lendrá endi posá ri kamajan, a guatiá a gende ke seba tocá flauta y un chocha ri gende ke ta asé jarana po chochá. ²⁴ Éle a chitiá a enú: "Bae ri akí, e moná ta lungá nú, éle ta ndrumí". Poro ané ta rindo, i enú ta asé mofa a éle. ²⁵ Kuandi chochá ri gende a bae, Éle a lendrá, Éle a ngalá mano ri moná i moná a palá. ²⁶ E fecha a regá po to paraje ri má región. ²⁷ Miendla Jesús a pasá po aí, bilingó ombe ke poleba guatiá nú ta siguí Éle. Ane ta asé jarana i a chitiá a Éle: "¡Moná ri Davd, ten miserikordia ri suto!" ²⁸ Kuandi Jesús a lendrá endi posá, má ombe ke poleba guatiá nú a bae kú Éle. Jesús a chitiá: "¿Enú ta kreé ke I polé asé e kusa?" Ané a chitiá: "Asina, Ño". ²⁹ Antose Jesús a tentá má ojo ri ané chitiándo: "Tan asé endi enú po merio ri fe ri enú". ³⁰ Má ojo ri ané jue penené. Antonse Jesús a mandá a ané: "Kuilá pa narie sabe e kusa". ³¹ Poro má bilingó ombe a bae i ané a regá e fecha po to má región ³² Miendla ma bilingó ombe a bae ri e paraje, aí un ombe muo, ngalao po un demonio, jue yebao pa andi Jesús. ³³ Kuandi demonio jue echao fuera, ombe mudo poleba chitiá. Chochá ri gende ta kelá asombrao i a chitiá: "¡E kusa niggú begá a pasá endi Israel!" ³⁴ Poro ma Fariseo a tá chitiá: "Po merio ri yelinko ri demonio, Éle ta echá fuera má demonio". ³⁵ Jesus a bae po to ma siurá i po to ma terruño. Éle a siguí insiñando endi má masiruma ri Judío, chitiando ri ma ebangelio ri má reino, kulando to ma gende kú ndoló i ke ta chakoso. ³⁶ Kuandi Éle a ta guatiá má chochá ri gende, Éle a ten kompasió ri ané, pokke ané a ta triste i akongojao. Ané a sendá kumo obejas ke ten pastor nú. ³⁷ Éle a chitiá a ma disipulos si: "Ri belá má kosecha sendá un chochá, ³⁸ poro sendá un chito ri moso. Po tando orá a Ño ri ma kosechá, pa mandá moso pa kosecha si".