¹ Kuandi Jesús ba rí montaña, un chochá rí jendé a siguí Éle. ² Un leproso miní i inklina lande rí Éle, chitiando: "Ño sí bo kelé, polé limpia mí." ³ Jesús a etira mao rí sí i tokalo chitiando: "E kelé sendá limpio." Rí un bé jueba limpio rí lepra. ⁴ Jesús chitiá a éle: "Nu chitiá e kusa ku ninguno. Bae po kaddume rí bo, i mosdlá a saseddote, i ndá ma ofrenda ke Moises mandá, kumo perito a to ané." ⁵ Kuandi Jesús abeba lendrá a Kapernaúm. Un senturión miní a Éle i pirí, ⁶ chitiando: "Ño, moso mí a ta enkamao endí posa, pa ralisao i ku ndolo ngande." ⁷ Jesús chitiá: "I a bae a kulalo." ⁸ Senturión kontestá i chitiá: "Ño, I sendá rigno rí lendrá endí posá mí; nu ma chitiá palabra i moso mí sendá kulao. ⁹ Pue I tambie sendá ombé ku autorira i tén soddao a kaggo mí. I chitiá a éle 'bae' i éle bae; i a uto 'miní,' i éle miní i am moso mí: ´asé e kusa, i éle asé." ¹⁰ Kuandi Jesús kucha e kusa, kelá ku asomblo i chitiá a kiene lo ke taba siguílo: "Rí belá belá I chitiá, ke I ta topeta nú ke fe kumo éle endí Israel. ¹¹ I chitiá, ke un chocha miní rí este i oeste, i se postrará endí mesa ku Abraham, Isak i Jakob, endí reino rí ma nsulú. ¹² Poro ma monasito rí reino sendá ichao a okurana rí ajuela, andí abeba yanto i krujir rí rientes." ¹³ Jesús chitiá a senturión: "¡Bae! Ke asiná kumo be kreé a sí memo sendá icho pa bo." I e moso jue kulao endí e memo ora. ¹⁴ Kuandi Jesús yegá a pasá rí Pedro, guatiá ke suegra rí Pedro enkama ku fiebre. ¹⁵ Jesús toka mano rí éle, i fiebre a rejala. Antonse éle lebanda i empesá a siribi. ¹⁶ Kuandí tadda miní, am jendé nyebá a Jesús un chocha rí endemonía. Éle icha ma epiritu ku una palabra, i kula a to ma jendé lo ke a ta chakoso. ¹⁷ Rí e fomma kumplí e kusa lo ke sendá richo po Isaías chakero rí Rioso, chitiando: "E MEMO KUJE TO MA ENFERMA i KAGGÁ KU TP NDOLO SUTO." ¹⁸ Antonse kuandi Jesús guatiá chocha rí jendé lande rí Éle, ndá rekao pa bae pa uto lao rí mar rí Galilea. ¹⁹ Repué un ekriba yegá a Éle i chitiá: "Piacha I siguí bo andí to paraje ke bo bae." ²⁰ Jesús chitiá: "Ma sorra ten ueko andí ta, i ma avé rí nsulú tén niro, poro Mona rí ombe tén paraje nu ní andí kola kabeso rí Éle." ²¹ Uto rí Ma rissipulo chitiá: "Ño, rejá primo ke I bae a entela a tatá sí." ²² Poro Jesús chitiá rejá muetto ke entela muetto si." ²³ Kuandi Jesús lendra andí una bakka, ma rissipulo a siguilo. ²⁴ É aki, aí a lebanda un bendabal endí mar, asina ke bakka kelá kubierta po ola poro Jesús taba ndrumí. ²⁵ Ma rissipulo miní a Éle i lebandalo, chitiando: "Sabbano, Ño; ¡suto ta pa lungá!" ²⁶ Jesús chitiá: "¿Pokke ané ta ku miero, ombe ku chirindinga fe?" Antonse Jesús a lebanda i reprendé ma biento, bendabal i mar. Repué rí a kusa to kelá kieto. ²⁷ Ma ombe kelá ku asombro i chitiá: "¿Kiene sendá e ombe, ke biento i bendabal rí mar kucha i obedesé?" ²⁸ Kuandi Jesús yegá a uto lao i taba endí terruño rí ma Gadarenos, dolingó ombe ke tabá ku ma remonios topetalo ke Éle. Ané abebá salí rí kasariabe i sendá mui agresibo, asiná ke ninggúno polé pasá po e kaddumen. ²⁹ Asina, ke ané a jarana i chitiá:"¿Ke suto tené ke bé ku bo, Mona rí Rioso? ¿Bo miní pa kí a tommenta a suto ante rí tiembo miní?" ³⁰ Antonse abeba un chocha rí pianguli taba aí seek rí ané kumendo. ³¹ Ma remonio rogá a Jesús chitiando: "Sí bo icha juela a to suto, ichano mejó andí e chocha rí pianguli." ³² Jesús chitiá: "¡Bae!" I to ma remonio salí i lendrá a ma piangulí. Asina ke to ma piangulí a kae endí mar i lungá endí apú. ³³ Ma jendé ke kuila ma piangulí a juí. I kuandi ané lendrá endí siurá, kondá tó, epesialmente lo ke a pasá ku ma piangulí. ³⁴ Asina, ke to ma siurá salí a topeta ke Jesús. Kuandi ané guatialo, ané a perí ke bae rí región sí.