¹ Kuandi Jesús kabá rí insiña a ma dolingó risspulo, bae rí ai pa insiña i prerika endí siura sí. ² Asiná, ke kuandi Juan kuchá endí tramakua rí to ma icho rí Kristo, a mandá rekao ku ma rissipulo ³ i chitiá: "¿Sendá bo ke a miní, o sendá uto jende ke suto ten ke eperá?" ⁴ Jesús konteta i chitiá:"Bae i chitieno a Juan lo ke guatiá i kuchá. ⁵ Ma rí siego abrí, ma manko kaminá, ma leproso sendá limpio, ma jende ke polé kuchá nu ta kuchá, ma jende ke lungá a rebibí i ma kusubé resibí juena nueba. ⁶ Bienchor sendá kiene nu jaya tropieso endí mí. ⁷ Kuandi e ma ombe a kujé kaddume, Jesús komensá chitiá a un chochá rí jende rí Juan: "¿Ke jueba lo ke bo guatiá andí resietto? ¿Kaña sakudía po nbietto? ⁸ Poro ¿ke jueba guatiá? ¿a ombe bitilo ku chepa finá? Rí belá belá, kiene bití chepa finá bibí endí palasio rí ma takurimbo. ⁹ Poro, ¿ke bo salí a guatiá? ¿a chakero rí Rioso? Sí, i chitiá ke sendá ma ke chakero rí Rioso. ¹⁰ E sendá rí kiene a se kribí: 'GUATIENO, I MANDA REKAO LANDE RI BO, KIENE TÁN PERPARÁ KADDUME RI BO, LANDE RI BO.' ¹¹ I chitiá ri belá belá, ke lendro rí kiene nasé rí changaina, nigguno sendá, ma ngande ke Juan el Bautista. I aun así jende ku meno ereriko endí reino rí ma nsulú sendá ma ngande ke éle. ¹² Renje ma ría rí Juan el Bautista ate aora, reino rí ma nsulú ta sufrí biolensia, i nu ma ombe biolento kujelo ku kutú. ¹³ Pokke ma chakero rí Rioso i lei profetisá a ta Juan. ¹⁴ I sí enú kelé resibilo, e sendá Elias, a kel ke a rí miní. ¹⁵ Kiene tené oido pa kucha ke kucheno. ¹⁶ ¿Ke ke I polé kampará a generasión? Sendá kumo manosito ke a jugá endñi mekkao, ke a sendá i ñama uno ku uto ¹⁷ i chitiá: 'Suto to ka flauta pa enú, i bo sarangía nu suto a ta rí luto i enú yola nu.' ¹⁸ Pokke Juan miní kumendo pa, ni bebiendo bino, i chitiá: 'Éle tén remonio.' ¹⁹ Mona rí Ombe miní kumendo i bebiendo i ané chitiá: '¡Guatieno, éle sendá un ombe kumelón i borracho, kombilesa rí ma kobrao rí impueto i pekaore! Poro ma sabijonderia sendá justifika po kusa ke asé.'" ²⁰ Antonse Jesús komensá a reprendé ma siurá endí asé ma milagro, pokke abeba arepentio nu. ²¹ "¡Kusubé rí bo, korasín! Pokke sí ma milagro ke sendá icho lendro rí enú sendá ichó endí Tiro i Sidón, éle abeba arependío asé chochá rí tiembo ku chepa rí sako i ku senisa. ²² Poro sendá mejó pa Sidón i Tirón e ría rí juisio ke pa enú. ²³ I bo, Kapernaúm, ¿kreé ke bo sendá exaltao endí nsulú? Nu, bo sendá ichao endí abajo endí Ades (infierno); pokke si endí Sodoma jueba icho e milagro ke a sendá icho endí bo, elé jue ta ata ague. ²⁴ Poro I chitiá ke sendá ma fasi e ría rí juisio pa Sodoma ke pa bo." ²⁵ Endí e tiembo Jesús chitiá: "I alaba bó, Tatá, Ño rí nsulú i tiela, pokke bo kundí é kusa a ma sabijondo i a entendio i asé mosdlá a kiene sendá moná. ²⁶ Asiná, Tatá, pokke así i agrada bo. ²⁷ To ma kusa sendá ndao Mí po Tatá Mi. I nigguno kunosé a Moná na ma Tatá, asiná kumo nigguno konosé a Tatá na ma Moná. ²⁸ Miní a mí, to kiene makanía i ke ata mui kargao, i I ndá rekansó. ²⁹ Yebá nyugó Mí i aprende rí Mí, pokke I sendá manso i umidde rí kolasón, i enú topeta rekanso pa amma sí. ³⁰ Pokke yugo Mí sendá fasí i ligerá kagga Mí."