¹ Jesús a disí a má risipulo:" Sendá seguro ke abé kusa ke nú yebá a enú a peká, poro ¡aí ri aké po merio ri kié a miní! ² Sendá mejó pa ele si piegra ri molino juese puetto endi pekueso y echao endi mar, a ke ele kausá a uno ri eto tropesá chikito. ³ Kuilá enú. Sí numano sí a peká, chitiá kú ele, y sí ele arrepentí, peddonalo. ⁴ Sí peká kondla bo sielingó bé a ría, y sielingó bobbe a i, y a disí: 'I arrepentí', ¡bo tén ke peddonalo!" ⁵ Má apóstoles a disí a Ño: "aumentá fe ri suto" ⁶ Ño a disí: " Sí a tén fe kumo semiá ri mostasa, bo a disí a é árbol ri sikomoro: 'Sé desarraigado, y sé plantao endi mar', y a oberesé bo. ⁷ Poro ¿kié ri enú, tén sierbo arando o kuilando obejas, disí kuandí a bobbé ri kampo: 'Miní ri un bé y sentá a kumé.'? ⁸ Nú a disí ele a ete: '¿Prepará mí kusa pa mí kumé, y poné sinturon arereró ri chepa sí y sibí mí asta ke i a kabá ri kumé y bebé, antonses repué bo a kumé y a bebé'? ⁹ ¿Ndá bugungá a siebo pokke asé má kusa ke a mandá? ¹⁰ Asina tambié, kuandí asé to lo ke a mandá asé, tén ke sisí: 'Sendá sierbos ke a siribi nú. Ná má asé lo ke tén ke asé."' ¹¹ A suseré ke miendla Éle a biajá a Jerusalén, taba biajando po fronteras ri Samaria y Galilea. ¹² Miendla a lendrá a un aldea, aí a topetá kú dilingó ombé ke a tá leprosos. Ke a palá sepalao ri Éle ¹³ y a gritá chitiando: " Jesús, Piachá, tén miserikordia ri suto." ¹⁴ Kuandí Éle a disí: "Bae y motrá a má saserdotes." Y a suseré ke miendla ané bae, sendá limpiao. ¹⁵ Kuandí uno ri ané a guatiá ke jueba sanao, a bobbé, kú kutú boso grorifikando a Rioso. ¹⁶ I a jinká a má ri Jesús, ndando bugungá. Éle jueba samaritano. ¹⁷ Jesús a kontestá. "¿Nú jueba limpiao to dilingó? ¹⁸ ¿Andi tá má nilingó? ¿Nú abé má uto ke bobbé a ndá gloria a Rioso, ke nú sendá é forastero?" ¹⁹ Éle a disí "Lebandá, y bae. Fé sí a saná bo." ²⁰ Éle a tá poné endi dudá po má fariseos sobre kuandí reino ri Rioso a miní, Jesús a kontestá y a disí: "Rein ri Rioso nú a yegá kú má señá ke poleba guatiá. ²¹ Ni a disí: '¡Miná akí!' o, '¡Miná ayá!', pokke reino ri Rioso ya tá endi enú." ²² Éle a disí a má risipulos: "Má ría a miní kuandí enú a resea guatiá uno ri má ría ri Moná ri Ombé, poro nú a guatiá. ²³ Antonse a disí a enú: '¡Miná, aí! ¡Miná, akí!' Poro nú salí o a kolé trá ané, ²⁴ pué kumo relámpago apalesé kuandí a replandesé ri un patte ri nsulú a uto patte ri nsulú, asina Moná ri Ombé sendá endi ria sí. ²⁵ Poro primó, Éle a tén ke sufrí chochá ri kusa y sé rechasao po é generasió. ²⁶ Kumo a susedé endi ría ri Noé, asina tambié a susedé endi má ría ri Moná ri Ombé. ²⁷ Ané a kumé, a tomá, a kasá, y a ndá a matrimonio, asta ría ke Noé a lendrá a arka, y dilubio a yegá y a enfaratá a tó ané. ²⁸ Asina memo, kumo a seseré endi ríari Lot, ané a kumé, bebé, a komplá, a bendé, a sembrá, y edifiká. ²⁹ Poro endi ría ke Lot a salí ri Sodoma, a yobé fuego y asufre renje nsulú y má enfaratá a to. ³⁰ Ri memo manela sendá é ría ke Moná ri Ombe sendá rebelao. ³¹ É ría, ele ke a tá endi asotea, nú a bajá a saká to é kusa lo ke tén endi posá sí. Y ke ele ke tá endi kampo akí nú a bobbé. ³² Kolá a esposa ri Lot. ³³ Kié bukká nganá mbila sí a pelé mbila memo, poro kié a pelé mbila sí a sabbá mbila memo. ³⁴ A disí, endi okurana abé bilingó jende endi balentiela. Lingó a sé tomao, y uto a sé rejao. ³⁵ Abé bilingó muhé ke molé juntas. Una a sé tomao, y uto a sé rejá." ³⁶ Abé bilingó endi kampo; lingó a sé tomao y uto a sé rejao. ³⁷ Ané a prundá: "¿Andi, Ño?" Y Éle a disí: "Andi a tá kadáber, aí tambié a jundá má buitres."