¹ Endi e tiembo, aggún gende ke tamba aí a jablá a ele ri ma gaclileos ri kiene pilato a mekiá ku ma goclileos ri kiene pilato a mikeá ku sacrifisio si. ² Jesús a kontentá i a enitiá: ¿Enú pensá ke e ma galileos jueba ma pekaroke ko to ma remá galileo pokke ané a sufí ri e manera? ³ Nú, I tá risi. Poro si enú tan arrepentí nó, to enú tan peresé ri e memo manera. ⁴ O aké lingoolingó gende endi diloé po kiene a kaé un torre i a kitá mbila, ¿enú pensá ke ané jueba peó pekaró ke uto kompaombre endi Jerusalén? ⁵ Nú, I tá risí. Poro si enú tan arrepentí nú enú tambié tan peresé. ⁶ Jesús a kondá e parábola: Agguie a tené un palo ri igo sembrao endi biñedo sí i ele a miní i a boká Fruto aí endi ete, poro a jayá nú. ⁷ Ma kompaombre a Chitiá a ma jaddinero: miná, po e trilingó año i a tá miní pa jayá fruto ri iguera poro i a jayá nó. kottálo ¿Pa ke rejalo gatá tiela? ⁸ Ma jaddinero a kontetá i a chitiá: "Rejálo po ete año pa i kobá po rereró ri ele i ponéle moñinga. ⁹ i si ele ta ndá fruto ma año ke tá miní, kaiko, poro si éle nadá nu, ¡kottálo!” ¹⁰ Aora, Jesús taba enseñando endi un sinagoga ría sankoló. ¹¹ I un mujé ke a tené un espiritu pukkisusio ri rebilirá po lingoolingó año, i ele taba jorobá i poleba pala nú. ¹² Kuandi Jesús a minála, a ñamala i a chitiá: "Mujé, bo sendá anrrelike ri rebilirá sí". ¹³ Ele a poné mano sí po riba ri e mujé, i aí memo e mujé a palá i a glorifiká a Rioso. ¹⁴ Poro ma gobennaró ri e sinagoga taba indignao polle Jesús a saná e sankoló. Asina ke ma gobennaró a kontetá i a chitiá a chochá ri gende ke taba aí: Sendá silingó ría pa makaniá. Miní pa enú sendá sanao antonse, endí ria sankoló nú. ¹⁵ Ño a kontetá i a chitiá:"¡Jesuítas! ¿O a kaso ka uno ri enú sottá mbodo o ngombe si nú ri ma rancho pa bebé apú ma sankoló? ¹⁶ ¿Pue tambié e monasita ri Abrahan, a kiene ma rianche a malá po lingoolingó año, nú rebé ma ligaryra su sendá anrrelike ma ría sankoló?" ¹⁷ I kuandi ele taba chitianda e ma kusa, to e ma gende ke taba kontra ele a sindí begguensa, poro to ma chochá ri gende a sindí chucumeko po ma kusa ri ansulú ke ele asé. ¹⁸ Antonse Jesuso a chitiá: ¿Kumo sendá reino ri Rioso, i kon ké soto polé komparálo? ¹⁹ Sendá kumo un grono ri motasa ke un kompaombre kujé i a tirá endi un colao si, i kresé un palo ngande, i ma kajambá ri ansulú asé nido sí endi ele". ²⁰ Uto begá ele a chitiá: "¿A ke i polé kompará ma reino ri Rioso? ²¹ Sená kumo lebarura ke un mujé a kuje i a regobbé ku trilingó merira ri arina ata ke a kresé." ²² Jesuso a bisitá ka pueblo ri kaddume a Jerusalén i a enseñá. ²³ Agguie a chitiá a ele: "Ño, ¿Sendá pokita ma ma gende ke tan sendá sabbao?" Antonse ele a chitiá: ²⁴ Enú ten ko trompiá po lendrá po ma puetta ancho nú, pokke un chochá tan tratá ri lendrá, poro tan polé nú". ²⁵ Una bé ku suamo ri posá ta palá i ta dempennanká ma puetta, antonse ma gende tan palá ajuera ir tan goppiá ma puetta chitiando, "Ño, Ño, rejá suto lendrá." i ele tan konteta, "I sabé nu kiene sendá enú ni ri ke paraje enú a miní". ²⁶ Antonse enú tan chitiá, "Suto a kumé i a bebé flende ri bo i bo a enseñá endi kaya li suto." ²⁷ Poro ele tan kontetá, "I tá chitiá a enú, i sabé nú ri ke paraje enú sendá. ¡salino kurilembo ri mí, puekkisusios!" ²⁸ Enú tan yolá i tan soná riende sí kuandi enú miná a Abraam, Isaak, Jakob i a to ma profeta ri reino ri Rioso, poro enú tan sandá tirao pa juera. ²⁹ Ané tan yegá ri este, oste, notte i sur, i tan kujé oreo endi mesa ri komeró endi reino ri Rioso. ³⁰ Sbé eto, ma úttimo tan sendá ma primó i ma primo tan senda ma úttimo". ³¹ Pito repué, un kuangro ri fariseo a miní i ané a chitiá a ele: "Salino ri akí pakke erodes kelé kitámbila a bo. ³² Jesuso a chitiá: " salino i chitiá a e sorro: "Miná, i tá ichá juera epiritu puekkisio i tan saná agué i maana, endi trilingó ría I tan yegá endi meta". ³³ Endi kuakié kaso, sendá nesesirá pa mi siguí agué, maana i ría repué ri maana, pokke sendá asettable nú kitambila a ma profeta kurilembo ri Jerusalén. ³⁴ Jerusalén, Jerusalén, kiene kitámbila a ma profeta ir tirá piegra a ma mandaos a bo. kuanto i a resiá jundá monasitos sí, endi fomma ke ngaina sabé jundá ma poíto bajo ala sí, poro enú a resiá e kusa nú. ³⁵ Miná, posá si tá abandoná, I tá chitiá enú tan miná mí nú ata ke enú chitiá: "Bendisio sendá ele tá miní po merio ri Rioso ño".