¹ Repué rí e kusa, sendá orikí rí ma judiíos í Jesús a subí a Jerusalén. ² Endí Jerusalén rí lao rí puetta rí ma obejá, abebá un estanke ke a se ñama Betesda endí Hebreo, ke teneba nilingó porticos. ³ Un cocha rí jende ke taba chakoso, ke nu polé guatiá, ke nu polé kamina í manko ke a ta aí, eperando ke apú mobé. ⁴ Pokke un angel rí ño bajá í mobé ma apú endí agun tiembo, í kiene polá lendrá endí apú, mlenda apú taba enbarbaka, poleba kela sano rí to chakosería ke poleba tené. ⁵ Abebá aí un ombe ke taba chakoso po trinalingó trilingí jaño. ⁶ Kuandí Jesús guatiá éle akostao aí, í repué rí nda kuenda ke éle abebá tao aí po un chocha rí tiembo, Éle chitiá: "¿Bo kelé sendá sano?" ⁷ Ombé chakoso a kotesta: "Ño, I tené nu a ningun ke polé yeba mí pa andí estan ke kuandí apú kumensa a mové. Kuandí I kelé yega aí, uto lendra primo ke I." ⁸ Jesús chitiá: "Lebanda, kujé eterá rí sí, í jarría." ⁹ Rí un be e ombé sendá sana, a kujé eterá, í kaminá. Poro, e ría sendá ría ke poleba makania nu. ¹⁰ Asina ke ma Judíos chitiá éle ke sendá sano: "Ajue sendá ría andí pole makania nu í bo nu polé kaggá eterá sí." ¹¹ Éle a kontesta: "Kiene a sana mí, a chitiá mi: 'Kujé eterá sí í jarría.'" ¹² Ane prundá: "¿Kiene sendá e ombé ke chitiá e kusa: 'Kujé eterá sí í jarría'?" ¹³ Poro, kiene jue sano sabe nu kiene sendá éle; pokke Jesús bae sín éle nda kuenda, pokke taba un chocha rí jendé endí e paraje. ¹⁴ Repué rí e kusa, Jesús topeta a e ombé endí tramakua í chitiá: "¡Mina ke bo a sendá sano! Peka ma nu, pokke kusa peor polé pasá ku bo." ¹⁵ E ombé a bae i chitiá a ma Judiós ke jueba Jesús kiene sana éle. ¹⁶ Aora, po e kusa, ma Judiós peseguí a Jesús, pokke Éle a sé a kusa endí a ría ke pole makania nu. ¹⁷ Jesús a kontesta ané: "Tatá mí, makania í I tambie makanía." ¹⁸ Po e kusa, ma Judiós a buka kíta mbila rí Éle aun má, pokke nu guala ría endí nu polé makania si nu ke tambie ñama a Rioso Tatá sí, asiendose lo memo ke Rioso. ¹⁹ Jesús a kontesta: "Rí belá belá I chitiá: Nu polé e Mona asé na nú po kuenda memo, si nú lo ke Éle guatiá a Tatá sí asé, e kusa memo asé Mona. ²⁰ Pokke Tatá gongorokía a Mona sí í a mosdlá to ma kusa ke Éle memo asé, í Éle mosdlá kusas ngande ke a tá pa to enú a somblá. ²¹ Pokke kuma Tatá lebundá a ma muetto í nda mblia, asína memo e Mona a kiene kelé ndá mbila. ²² Pokke Tatá a ninguno jusga, sí nu ke ndá to juisio a Mona sí, ²³ pa ke rí e fomma to jende onrá a Mona asina kumo onrá a Tatá. Kiene nu onrá a Mona nu polé onrá a Tatá kiene a mandá. ²⁴ Rí belá belá, kiene kuchá palabra, mí í kreé endí kiene a mandá mí polé tené mbila etenna í nu sendá kondenao, si nu ke a pasá rí muette a mbila. ²⁵ Rí belá belá, i chitiá ke ora miní, i ora sendá, kuandí ma muetto kucha bo rí Mona rí Rioso, i kiene kucha bibirá. ²⁶ Pokke, asina kumo Tatá tené mbila endí e memo, asina tambié Éle nda a Mona tené mbila endí e memo, ²⁷ i Tatá a ndá autonra a Mona pa ejekuto juisio pokke Éle sendá Mona rí ombé. ²⁸ Nu asomblá rí e kusa, pokke miní orá endí to kiene a ta endí tumbá a kucha bo rí mí ²⁹ i a salí: kiene asé kusa kaiko, a resurresion rí mbila i kiene asé kusa mala, a resurresion rí juisio. ³⁰ I polé asé na po kuenda propia. Kumo kucha, jusgá i juisio mí sendá justo pokke I buka nú bolunta propia, sinu asé to kusa rí kiene a mandá mí. ³¹ Sí nda testiminio rí I memo testinmonio mí nu sendá rí belá belá. ³² Uto sendá kiene testifika rí mí í I sabé ke testimonio ke Éle nda rí mí sendá rí belá belá. ³⁴ Enú a mandá chakero a Juan, í éle a testifikao rí belá belá. ³³ Poro testimonio ke I a resibí sendá rí ombé nú. I chitiá a kusa pa enú polé se sabbó. ³⁵ Juan sendá mechon ke ardía i nda lú, i to enú kelé ba gosá endí lú rí éle po e tiembo. ³⁶ Poro, testimonio ke I tené sendá ma ngande ke e ke Juan tené, pokke ma kusa ke Tatá nda mí pa I asé, e memo obra ke I asé, testifiká rí mí. ³⁷ Enú a kucha nú rí bo. I a be guatiáo fomma rí sí endí ningun tiembo. ³⁸ i palabra sí nú a ta bibí endí enú, pokke kreé nu endí a kelé ke Éle a mandá. ³⁹ Enú eskabatá ma ekritura pokke aí enú pensá ke tené mbila etenna, i e mema ekritura sendá pertio rí mí, ⁴⁰ i enú kelé nu miní a mí pa pole tené mbila etenna. ⁴¹ I resíbí palabra rí ombé nú, ⁴² gongoroko rí Rioso endí enú memo. ⁴³ I a miní endí nombre rí Tatá mí í enú a resíbí mí nu. Sí uto miní endí nombe propio, enú a resíbílo. ⁴⁴ ¿Kumo polé kreé, enú ke resíbí alabansa uno ku uto, poro buka nu alabansa ke miní rí uniko Rioso? ⁴⁵ Nu pensá ke I akusá enú lande rí Tatá. Kiene akusá enú sendá Moises, endí kiene enú poné ma eperansa. ⁴⁶ Sí enú kreé endí Moises, a kreé endí Mí pokke éle kribi kusa rí mí. ⁴⁷ Sí enú nu kreé endí ekrito rí éle, ¿Kumo enú a kreé endí palabra mí?