¹ Repué rí e kusa, Jesús bae a uto lao rí Mar rí Galilea, tambie ñamao Mar rí Tiberias. ² Un chochá rí jende taba seguí Éle, pokke tabán guatiá to ma siñal lo ke Éle taba asé endí to jende lo ke taba chakoso. ³ Jesús a bae a un lao rí montaña í a sendá ai ku ma rissipulo. ⁴ (Aora, e Paskua orikí rí ma judíos, taba sekka.) ⁵ Kuandi Jesús a lenbanda kala sí i guatiá un chocha rí jende a miní pa andí Éle, a chitiá a Felipe: "¿Andí suto kompla pan pa to jende lo ke a ta akí polé kume?" ⁶ (Poro Jesús chitiá e kusa pa probá a Felipe, pokke Éle sabeba lo ke Éle memo taba asé.) ⁷ Felipe a kontestá: "Bilingónana denarios rí pan tan akansá nu pa ma jende kuje un chito." ⁸ Un rí ma rissipulo, Andres, numano rí Simón Pedro, a chitiá a Jesús: ⁹ "Aki abe un mona ke a ten nalingó panes rí sebada i dolingo peskao, poro ¿ke sendá e kusa po to ma jende lo ke a ta kí?" ¹⁰ Jesús chitiá: "Asé ke ma jende sendá." (Abeba un chocha rí yebba endí a paraje.) Asina ke ma ombé a sendá, abeba aí sekka rí nalingónana jende. ¹¹ Antonse, Jesús a kujé ma pan í repué rí ndá nglasia, ndá a to jende lo ke taba sendao, í rí mema fomma ma peskao, tanto kumo ané kelé. ¹² Kuandi ané a kelá jatto, Éle chitiá a ma rissipulo: "Junda to ma piaso ke kela, pa pele na nu." ¹³ Asina ke ané junda i a yená dolingó kanasta ku piasos ke abeba kelao rí ma nalingó pan rí sebada; ma piaso ke a kelá rí to jende lo ke a kume. ¹⁴ Antonse, kuandi ma jende guatiá e siñal ke Éle asé, chitiaron: "É sendá rí belá belá profeta ke a miní a mundo." ¹⁵ Kuandi Jesús ndá kuenda ke ané tabá ke ganá rí kujelo sin Éle kelé pa aselo takurimbo, Éle a bae solo pa andí montaña uta bé. ¹⁶ Kuandi tadde miní, ma rissipulo a baja pa andí mar. ¹⁷ Lendrando ané a una bakka, a nabegá po mar pa Kapernaún. Taba okurana endí ora, ¹⁸ i Jesús taba sin yegá andí ané. i soplá un juette tempesta i mar a ta embejukao. ¹⁹ Kuandi abeba remao sekka rí nalingó a silingó kilomatro, ané guatiá a Jesús kamina andí mar ke a mí i ané a kujé mero. ²⁰ Poro Éle chitiá: "¡I sendá! Ten miero nú." ²¹ Ané antonse a kelé resibílo endí bakka sí i rí un bé bakka a yegá a tiela pa andí ané taba bae. ²² A uto ría, to ma jende lo ke taba a uto lao rí mar ku éle, guatiá ke nu abé uta bakka aí na má una, í ke Jesús nu abeba lendrao aí ku ma rissipilo, si nu ke ma rissipulo taba bae solo. ²³ i tamie, taba algun bakka ke a yegá renje Tiberias, sekka rí paraje andí ané taba kumé pan, repué ke ño ndá nglasia. ^{24 25} Kuandi to ma jende guatiá ke Jesús ní ma rissipulo taba aí, ané memo a kuje bakka í a bae a Kapernaún a buka a Jesús. Repué rí topeta ku Éle endí uto lao rí mar, ané chitiá Éle: "Rabí, "¿kuandi bo a yegá akí?" ²⁶ Jesús a kontesta, chitiando: "Rí belá belá, enú ta buka mí, nu po ke guatiá siñales, sí nu pokke kume rí ma pane í kela jatto. ²⁷ Makania nu po kumina ke bo tené nesesira, sí nu po kumina ke a kelá pa mbila ettena, ke Mona rí ombé kelé ndá; pokke Rioso Tatá a poné makka sí endí Éle. ²⁸ Antonse ané chitiá a Éle: "¿Ke suto polé asé pá polé asé ma obra rí Rioso?" ²⁹ Jesús kontestá: "E sendá obra rí Rioso: ke to enú kreé endí kiene Éle a manda." ³⁰ Asina ke ané chitiá: "Ke siñal bo ta asé antonse, pa suto polé guatiá i kree endí bo? ¿Ke bo asé? ³¹ Tatá suto a sume rí mana endí resietto, pokke kumo a ta ekrito: "RIOSO NDÁ A KUME PAN RI NSULÚ." ³² Repué Jesús chitiá ané: "Rí belá belá i chitiá, ke nu sendá Moises kiene ndá pan rí nsulú, sí nu ke sendá Tatá mí kiene ndá a pan rí belá belá rí nsulú. ³³ Pokke pan ri Rioso, sendá a kele ke bajá rí nsulú i ndá mbila a mundo." ³⁴ Askina ke ané chitiá: "Ño, ndá sieble rí e pan." ³⁵ Jesús chitiá: "I sendá rí mbila; kiene miní a mí ba ten kanatule, i kiene kree endí mí nu ba te gana ri bebé apú ma. ³⁶ Poro I chitiá ke suto a mina mí, i nu kree. ³⁷ To kusa ke Tatá ndá mí, a miní a mí, i kiene miní a mí, I nu icha juera rí mí. ³⁸ Pokke I a bajá rí nsulú, nu pa asé bolunta mí, sí nu bolunta rí kiene a manda mí. ³⁹ i se sendá bolunta rí kiene a manda mí. i e sendá bolunta rí kiene a manda mí, ke I pelé nú ningun rí lo ke Éle ndá mí, si nu ke resusite endí e ría rí fin. ⁴⁰ Pokke é sendá bolunta rí Tatá mí, ke to a kel ke guatiá Moná i kree endí Éle, tené mbila etenna i I a resusita endí a ría final." ⁴¹ Antonse ma judíos a kumensá a murmurá rí Éle pokke Éle abeba chitiao: "I sendá pan ke a bajá rí nsulú." ⁴² Ané chitiá: "¿Nu sendá e Jesús, mona rí José, kiene suto a kunosé i mae tambie? ¿Kumo, antonse, e sendá kiene a chitiá aora: 'I a bajá rí nsulú'?" ⁴³ Jesús a kontestá: Rejá rí murmurá una ku uto. ⁴⁴ Ninguno polé miní a mí na ma ke Tatá, kiene a manda mí, tree a mí, i I a tá, resusita endí a ría final. ⁴⁵ Atá ekrito endí ma profeta: "TO MA JENDE SENDÁ INSIÑAO PO RIOSO." To ma jende ke kucha í aprendé rí Tatá polé miní a mí. ⁴⁶ Ninguno guatiá a Tatá sí, na ma a kel ke a miní ri Rioso, e kiene guatiá a Tatá. ⁴⁷ Rí belá belá i chitiá: Kiene kree, tené mbila etenna. ⁴⁸ I sendá pan rí mbila. ⁴⁹ Ma Tatá rí enú kume rí maná endí resietto, i lungá. ⁵⁰ É sendá pan ke bajá rí nsulú, i kiene kume rí Éle, lungá nú. ⁵¹ I sendá pan ku mbila ke miní rí nsulú. Kiene kume rí e pán, ba ten mbila pa siemple. E pan ke I ndá, sendá kanne mí po mbila rí mundo. ⁵² Ma judíos a kuje rabía a kumensá a epepita uno ku uto, chitiando: "¿Kumo polé e ombé ndá a suto rí kanne sí pa kume?" ⁵³ Antonse Jesús chitiá: "Rí belá belá I chitiá: na ma ke enú kume kanne rí Moná ri ombé i bebé pola rí Éle, enú nu tené mbila endí enú memo. ⁵⁴ Kiene kumé kanne Mï i bebé pola Mím tené mbila etenna; i I resusitá endí ría final. ⁵⁵ Pokke kanne mí sendá kumina rí belá belá i pola Mí sendá toma rí belá belá. ⁵⁶ Kiene kume kanne Mí i bebé pola Mí kela endí Mí, i I endí Éle. ⁵⁷ Asina kumo Tatá ke ndá mbila a manda mí i asina kuno I bibí po kuenda rí Tatá mí; asina memo kiene kume rí mí, a í bibí tambie po Mí. ⁵⁸ É sendá pan ke a bajá rí nsulú, nu kumo e ke tatá rí enú kume, i lungá. Kiene kume rí e pan tené mbila pa siemple." ⁵⁹ E kusa chitiá Jesús endí sinagoga, miendla taba insiña endí Kapernuaúm. ⁶⁰ Antonse chocha rí ma rissipulo ke a kucha e kusa, chitiá: "É sendá ina insiñanso difísi; ¿kiene polé asetta?" ⁶¹ Pokke Jesús memo sabé ke ma rissipulo sí taba murmura rí a kusa, a chitiá ané: "¿E kusa ofende ané?" ⁶² Antonse, ¿sí enú guatiá a Mona rí ombé subí andí Éle taba? ⁶³ Sendá Epiritu kiene ndá mbila; kanne nu ndá na palabra ke I chitiá sendá epiritu, i sendá mbila. ⁶⁴ i asina, abé aguno rí enú ke nu kreé." Pokke Jesús a sabé renje e prinsipio kiene sendá ke nu kreé, i kiene sendá éle ke a traisoná. ⁶⁵ Éle chitiá: "E po kuenda rí e kusa ke I chitiá ke ninguno polé miní a mí, na má ke Tatá kelé." ⁶⁶ Po kuenda rí e kusa, chocha rí ma rissipulo sí a bae í nu keleba ta ku Éle. ⁶⁷ Jesús antonse chitiá a má dolingó: "¿Kele enú bue tambie?" ⁶⁸ Simón Pedro a kontestá: "Ño, ¿pa andí suto a bae? Bo a tené palabra rí mbila etenna i suto a kreé ⁶⁹ i sabé ke bo sendá e sando rí Rioso. ⁷⁰ Jesús chitiá: "¿Nu sendá I kiene a kujé a enú, i lingó rí enú sendá moso rí dianche? ⁷¹ Éle taba chitiá rí judas, a mona rí Simón Iskariote, pokke sendá éle, lingó rí dolingó, kiene a traisioná a Jesús.