1 Trilingo ría repué, endí kana rí Galilea abé un matrimonio, i mae rí jesús tabá aí. 2 Jesús i ma rissipulo sendá inbitao a matrimonio. 3 Kuandí bino akabá, mae rí Jesús chitiá Éle: "Ane ten bino nu." 4 Jesús chitiá: "Changaina, ¿pokke ba a miní pa andí mí? Tiembo mí an yegá nú." 5 Mae sí chitiá a ma jendé lo ke la sebí endí matrmonio: "To kosa lo ke Éle pirí pa ané a sé a selo." 6 Ai abebá silingó basija rí piedrá, ke ma jendé usá pa punfikasio (labao seremonial) rí ma Judíos; endí ka basija poleba ichá rí sienalingó a lingókilinó litro. 7 Jesús chitiá ané: "Nyená basija ku apú." Asiná ke ma jendé nyená to. 8 Antonse a chitiá a jende lo ke taba sebí endí matrimonio: "Kuje un chito i nyebá a mestresala." i asina ané a sé. 9 10 Maestresala probo apú ke abebá sío konbetía endí bino, poro nu sabé rí andí taba miní (poro ma sirbiente lo ke taba aí i kuje a pu sabeba e kusa). Antonse éle a ñama a konkolo i chitiá: "To jendé ndá primo bino ku juísio i kuandí ndá un chochá, e ke ndá bino barato. Poro bo nguala bino kaikopa ndá aora." 11 E primo señal Jesús a sé endí kaná ri Galilea, i a mosdla gloria sí, i ma rissipulo a kreé endí Éle. 12 Repué rí e kusá, Jesús, ma e rí sí numano sí i ma rissipulo, a kujé pa Kapernaúm i aí a kelá po un chocha rí ría. 13 Paskua rí ma judíos taba sekka, i Jesús a subía Jerusalén. 14 i topeta endí templo a jende ke bendé bueyes, obeja i paloma, i ma jende lo ke a kanbiá burú aí sendao. 15 Asiná ke Éle a kuje un latigo rí kabua i sakka a to ma jende rí templi, tambie a ma obejá i ma bueye. Éle a regá ma burú rí ma kanbiante í a rebokka ma masá. 16 Chitiá a jende ke bendé paloma: "Saká to kusa rí akí Rejen rí asé rí posá rí Tatá un mekaro." 17 Ma rissipulo a kolá ke a ta ekrito: "SELÓ RÍ POSA SÍ KOMSUMÍ MÍ." 18 Antonse ma autorira judía a chitiá: "¿Ke señal bo a mosdla, pokke bo asé to kusa?" 19 Jesús a chitiá: "Akabá ku e templo i endí trilingó ría I a lebandalo." 20 Antonse ma autorirade judía chitiá: "Kuanalingó silingó juño retemplo lo ke ta akí a polé asé, i bó a lebandaló endí trilingo ría?" 21 Poro Éle chitiaba rí kuerpo rí sí. 22 Askiná ke, repué ke jue lebandao lentro ri muetto, ma rissipulo rí sí a kolá ke Éle abía richo a kusa, i ané a kreé Ekritura i endí palabra ke Jesús taba chitiá. 23 Aora kuandí Éle tabá endí Jersalén endí Paskua, kuandí e orikí, un chocha a kreé endí nombe sí kuandí guatiá ma señal milagrosa ke Éle asé. 24 Poro Jesús nu konfia endí ané pokke Éle a kunosé a to, 25 pokke ten nesesira nu rí ke ninguno chitía kusa rí lo ke tené be bé ku ombé pokke Éle sabé to kusa lo ke abé endí ombé.