¹ Antonse Pilato kuje a Jesús i asotalo. ² Ma soddao atejé una korona rí epina. Ané a poné endi kabesa rí Jesús i bitílo ku chepa púrpura. ³ Minino a Elé i chitiá: ''Salba, Takurimbo ri ma Judíos!'' i ané lo abofetearón. ⁴ Antonse Pilato salí uta be i chitiá Jende:''Guatieno, I tré Elé juela a enú pa enú pole sabé ke I kontrá ningun kusa pa kuppa Elé". ⁵ Po tanto, Jesús sali juelá, Elé tabá ku korona rí epina i ku bitilo pulpura. Antonse Pilato chitiá ané: "¡Guatieno, a e ombe!" ⁶ Po tanto, kuandi ma prinsipale saseddote i ma ofisiale mina a Jesús, ané exklama i chitiá: "¡Krusifikalo, krusifikalo!'' Pilato chitia ané: ''Kujelo enú memo i krusifikalo, pokke i nu konseguí ningun kusa endí Elé. ⁷ Ma Judío kontestá:"Suto tene una leí, i rí akuerdo a e lei, Elé tene ke lungá pokke Elé se proklama a si memo Mona rí Rioso." ⁸ Kuandi Pilato kucha e kusa, elé kele ku ma temo, ⁹ i elé lendra endí kuartel rí gobernador uto be i chitiá a Jesús: "¿Ri andi bo miní?" poro, Jesús responde nu. ¹⁰ Pilato antonse chitiá a Elé: "¿Bo jabla mí? ¿Bo sabe nuke i tené kutu pa rejá endí liberta, i kutu pa krusifika bo?" ¹¹ Jesús kontesta elé: "Bo nu tene ningun kutu andi mí nama do ke senda ndao a bo ri lo atto. Asina ke, kiene entrega mi a bo tené pekado ma ngande." ¹² Lande rí respuesta, Pilato trato rí rejálo sueto, poro ma Judíos lebanda bo chtiando: "Si bo reja sueto a e ombe bo sendá nu kombilesa rí Sesar, kualkiera ke asé a si memo Takurimbo chitiá kondla rí Sesar." ¹³ Kuandi Pilato kucha e palabra, elé tré a Jesús pa juela i sendá endí tabiete rí tribunal endí un paraje ke a se ñama "Empedrado", poro endí Hebreo, "Gábata". ¹⁴ Aora sendá ría rí preparasio rí Pakua, kumo la ola sesta. Pilato chitiá a ma Judíos: "Guatieno, a kí a ta Takurimbo rí sí?" ¹⁵ Kanka mana rí ma saseddote kontesta: "Suto tene nu ningun takurimbo si nu Sesar." ¹⁶ Repué Pilato nda a ne a Jesús pa krusifikalo. ¹⁷ Repué ané ngalá a Jesús, i elé sali juela, ku ma krú po kuenda propia, a un paraje ñamao "paraje rí kalabera", ke endí ebreo a se ñama "Golguta". ¹⁸ Ané krusifika a Jesús ai, i ku Elé utos dolingo ombe, uno rí kara lao, ku Jesus endí merío. ¹⁹ Pilato tanbíe kuje i kribí un le trero i ponelo endí krus. Ai taba ekrito: "JESUS RI NASARET TAKURIMBO RI MA JUDIOS". ²⁰ Chocha rí ma Judíos a lee e letrero pokke ma parajé andi krusifikaron a Jesús sendá sekka rí ma siuia. Letrero sendá ekrito endí Ebreo, endí Latín i endí Griego. ²¹ Repúe makankamana rí ma saseddote rí ma Judíos chitiá a Pilato: "Kribí nu 'Takurimba rí ma Judios', mejó ke resí: ''Elé chitiá: 'I sendá Takurimbo rí ma Judíos'''. ²² Pilatos kontestá: "Lo ke i kribí yá, i ya kribílo". ²³ Repué ke ma soddao krusifika a Jesús, ané ngala ma bitilo i ase kualingo piaso; un troso pa ka soddao i ma chepa. Aora chepa taba ku kotura nú pokke sendá un so troso. ²⁴ ??? ²⁵ Repué kombetsa uno ku uto: ''Negaleno nu, mejo icha suette pa be rí kiene sendá.'' E kusa sendá pa kumplí ekritura ke chitiá: "REPATILO BITILO MI LENDRO RI SI, I PO MA CHEPA MI ICHÁ SUETTE." ²⁶ Kuandí Jesús guatiá a mae sí i a rissipulo ke Elé gongorakia ma ai palao, Elé chitiá a mae sí: "¡Changaina, guatia, mona sí!" ²⁷ Antonse Elé chitiá a rissipulo: "¡Guatiá, mae rí bo!" Rendjé e ola e rissipulo a bae ku elé pa andí posa sí. ²⁸ Repué rí e kusa Jesús, pokke Elé sabeba ke toma kusa sendá icha,ri a kueddo a ekrituras, chitiá: "I tené sé." ²⁹ Abeba ai un kalabuko ku bino amaggo a sina ke ku una eponja epapá koloká endi boka. ³⁰ Kuandí Jesús probá bino amaggo, Elé chitiá: "Senda akabao". Elé agacha kabesa i entregá Epirítu sí. ³¹ Antonse ma Judíos, pokke sendá rí a rí preparasiórí Pakua. Asina ke ma kuepo nu kelá endí kru to sankolo (Pokke sankolo sendá e ría impotante i epesia). Asina ke a perí a Pilato lompé pienna rí ané i kita kuepo rí krú. ³² Antonse ma soddao minino i lompé ma pienna rí primo ombe i rí uto ombe ke sendá krusifikao jundo a Jesús. ³³ Kuandí kujeno pa andí Jesús, ané guatia ke ja abeba lungá, asiná ke nu patí pienna sí. ³⁴ Poro, uno rí ma soddao chusá po su kostiya ku lansa, rí un bé salí apu i pola rí Elé. ³⁵ Kiene guatiá nda perito, i períto sendá rí belá belá. Elé sabeba ke lo ke chitiá rí elé sendá ri belá belá pa ke tembié enú kré. ³⁶ Pue e ma kusa psá pa kumplí ekritura: "NI UM SO RI UESO SI SENDA PATTIO." ³⁷ Uta bé, ekritura chitiá: "ANÉ GUATIENDO A ELÉ, A KIENE TRAPASALÓ." ³⁸ Repué rí e ma kusa, Jose rí Arimatea, ke sendá rissipulo rí Jesús, (poro ekondio pokke taba ku miero rí ma Judios). Prunda a Pilato sí elé poleba yeba kuepo rí Jesús. Pilato antonse nda a elé permiso. Asina ke Jose bae i kujé kuepo i yebalo. ³⁹ Nicodemo tambié miní, kiene primo jueba pa andí Jesús endí okurana. Elé tré una mekla rí miria i sabila, ke bale poai kumo litro rí peso. ⁴⁰ Asina ke ané yeba kuepo rí Jesús i enbobelo endí tela rí lino ku ma espesia kumo sendá kotumbre rí ma Judios pa sepulta ma muetto. ⁴¹ Aora endí paraje andí Elé sendá krusifikao abeba aí un jaddin; i endí e Jaddi abeba un sepulkro nueboandí nu abeba sepultao a ninguno. ⁴² Pokke sendá ría rí preparasio pa ma Judíos i pokke sepulkro taba sekka ané poné a Jesús ai lendio.