¹ Po eto, kombetí endi imitaro ri Rioso, kumo moná sí amao . ² Y kaminá endi ngongoroko, asina kumo Kristo a amá a suto y ndá a ele memo po suto. Éle jüe ofrenda y sakrifisió, pa sé aroma agradable a Rioso. ³ Inmoralidad sesual o kuakié impuresa o kodisia sensual nú tén ke sé mensioná endi enú, pué eto sendá nú apropiao pa má sando ri Rioso. ⁴ Nú tén ke sé mensionao kú libertinaje, má

konbersasió nesias o chiste ke nú agradá, lo kuá sendá nú apropiao. Má bié tén ke sé agradesimiendo.

⁵ Pué enú sabé y poleba tá seguro ke niggú jende sesualmente ke nú tén moral, ke nú sendá pura o kodisiosa, ke sendá idolatra, tén niggú erensia endi reino ri Kristo y Rioso. ⁶ Nú rejá ke narie a engañifá kú palabra ke nú tén ná. Po kausa ri é kusa enojo ri Rioso tá yegá sobre má moná ri desobediensia. ⁷ Asina ke nú sendá partise kú ané. ⁸ Pué ante enú jueba okurana, poro aora sendá lú endi Ño, asina ke kaminá kumo moná ri lú, ⁹ pué fruto ri lú sendá lo memo ke endi to bondad,juttisia y belá, ¹⁰ probá y deskubrí lo ke sendá agradable a Ño. ¹¹ Nú pattisipá endi obra ke nú ndá ná ri okurana, endi paraje, mottrá. ¹² Pué má kusa echa po ané endi sekreto, sendá un chochá ri pondonó pa nú má mensioná ¹³ To má kusa, kuandí sendá rebelao po lú, kelá pa mottrá. ¹⁴ Pué to lo rebelao sendá iluminao. Po eto, a disí: " Deppet+a, bo ke a ndrumí, y lebandá ri muetto y Kristo a briyá endi bo." ¹⁵ Po eto tén kuilao kumo andá, nú kumo jende nesia, sinú ke a sabé. ¹⁶ Sabbá tiembo, pokke má ría sendá nú kaiko. ¹⁷ Nú sendá sonso, endi paraje sí, entendé kuá sendá boluntá ri Rioso. ¹⁸ Y nú emborrachá kú bino, pokke é kusa lo ke a yebá a kondutta imprudente. Kambio ri e kusa, sendá yeno ri Epíritu Sando, ¹⁹ jablá a kara uno kú salmos,imnos y kansiones epirituales, kantando y alabando a Ño kú to kolasó, ²⁰ to tiembo ndá bugungá po to má kusa endi nombe ri Ño suto Jesukristo a Rioso Tatá, ²¹ sometió uno a uto endi reberensiá po Kristo. ²² Má birikueta, sométanse a má ombé sí, asina kumo a Ño. ²³ Pué ombé sendá kabea ri birikueta, asina kumo Kristo tambié sendá kabea ri ilesia, Éle memo ke asé Salbaró ri kueppo. ²⁴ Asina kumo ilesia tá akalá a Kristo, asina tambié má birikueta tén ke tá a má ombe si endi to. ²⁵ Má ombe, amá a birikueta sí kumo tmabié Kristo amá a ilesia y a entregá asina memo po ilesia, ²⁶ pa ke Éle a santifiká, limpiandola po labamiendo ri apú kú palabra, ²⁷ y asina a presentá asina memo kumo ilesia gloriosa, sin mancha ni arruga, ni kuakié uto kusa, sinú sanda y sin falta. ²⁸ Ri memo moro, má ombe tén ke amá a má birikueta memo kumo kuepo si memo. Kié amá a birikueta sí, amá asina memo. ²⁹ Narie nunka a oria kueppo ri ele memo, sinú ke a nutrí y a tratá kú kuilao, asina kumo Kristo tambié nutrí y a tratá ilesia kú kuilao, ³⁰ pué suto sendá patte ri kueppo Sí. ³¹ Po é kausa ombe a tá rejá tatá sí y a mae sí y tá uní a birikueta sí, y má bilingó a kombetí endi un solo kanne. ³² É sendá belá ngande ke tá ekondiá, poro i tá jablá sobre Kristo y ilesia. ³³ Aun asina, kara uno ri enú tén ke amá a muhé sí kumo asina memo, y birikueta tén ke onrá a ombé sí.