1 Mona, oberese a tatá ri enú endí Ño, pokke e kusa sendá gueno. 2 "ONRÁ A TATA I MAE RÍ SI" (lo kuá e ma primo rekao ku plomeso). 3 "PA POLÉ BAE BIE E ENÚ i POLÉ MBIBI PO CHOCHA RÍ TIEMBO AKI TIELA." 4 i tatá, nu proboká embesukamiento a mona si, poro krialo ku risiplina i ma rekao ri Ño. 5 Eklobo, sendá oberíente ama suamo lo ke ten aki tiela, ku repeto i tembló, ku sinseriroi ri kolosó, sendá oberíente ané kumo jueba ku Kristo. 6 Sendá oberíente kuandi ma suamo ri tiela nu ta guatiá enú. Sendá oberiente kumo eklobo rí Kristo. Asé boluntad rí Rioso rege kolosó. 7 Siribi ku to kolosó, kumo siribi pa ño pa ma sende. 8 Enú ten ke sabé ke po kualkie kusa guena ke un jende asé, tan resibi rekompesa ri Ño, sea eklobo a suetto. 9 Enú suamo, asé ma memo kusa po eklobo ri enú sin tené ke amenasalo. Enú sabé ke Éle, ke jue suamo tanto ri enú kumo ri eklobo, Éle ta endí nsulú. Enú sabé ke to ma genole sendá lo memo pa Éle. 10 Sendá juedte endí Ño i endí ma juedsa ri kutu ri Éle. 11 Koloká to amarura ri Rioso pa enú polé resetí kondla atake rí Dianche. 12 Pue suto nu tá trompia a kondla kanne i pola sino kondla ma autorirá, kamajane, kambinbate epirituale i gobénarore rí reino malbao rí okurana, kondla ma epiritu malinno rí pareje seletiá. 13 Po tanto, poné to amarura rí Rioso, pa enú polé sé kapá rí pemmanse fimme kondla mal endí e tiembo rí maldá, repué rí ke enú a kabao rí asé to kela fimma. 14 16 Po tanto, pemmanese fimme, ku sinturó rí belá belá endí sintura i puetto korasa ri juttisio 15 ku pie kolsao ku preparasío ke atree proklamasio rí ebangelio rí pa. Endí to ma sirkutansio kuje ekudo rí fe, po lo kua enú sendá kapá rí apagá ma flecha rí juego rí enemigo. 17 i kujé makasko rí sabbasió i perika rí Epiritu, la kua e ma palabra rí Rioso. 18 Ku ka orasio i lo ke pirí, ora endí to ma tiembo endí Epiritu. Ku e pensamiento, siemble ta ku ojo penene ku péseberansia miendla enú ta orá po to ma sando. 19 Orá po mindo, pe e mensaje miní kuadi ke obri nboka oreno pa I polé ndá a kunuse belá belá ke jue kundi lo repetto rí ebangelio. 20 Sendá pa ebangelio ke I asé embajaro endí karena, pa I polé chitiá abiettamende, kumo I ten ke chitiá. 21 Tikiko, numano ku gongoroko, i leal moso endí Ño e chitiará a enú rí to ma kusa, pa enú sabé kumo jue ke I ta. 22 I a manda Éle a enú ku e proposito, pa enú polé sabé kumo suto ta i pa Éle polé konsola ma kolasó rí enú. 23 Ke pa sendá kuma numano, gongoroko ku fe, rí Rioso Tatá i Ño Jesukristo. 24 Ke bugunga sendá ku to ake lo ke ten gongoroko po Jesukristo Ño suto ku gongoroko ke nu se lungá.