¹ I, po eto, kumo moso endi Ño, i a insistí a kaminá endi yamao po kuá jueba yamao. ² Bibí ku chochá ri umidá, gentilesa y pasiensia, soportando uno a uto endi ngongoroko. ³ Asé lo mejó pa mantené unirá ri Epíritu endi bínculo ri pá. ⁴ Abé kueppo y Epíritu, asina kumo tambié enú jueba yamao endi una a una eperansa. ⁵ Y abé Ño, una fe, un bautismo ⁶ y un Rioso y Tatá ri to, ke sendá sobre to, po merio ri to y endi to. ⁷ A kara uno ri suto a ndá un don ri akueddo a meria ri don ri Kristo. ⁸ Sendá kumo a disí Ekritura. "KUANDÍ ÉLE A SUBÍ A ATTURA, ÉLE A YEBÁ MÁ KAUTIBOS A KUATUBIRÁ, Y NDÁ DONES A TERUÑO." ⁹ ¿Kuá sendá signifikao ri: "Éle a subí," Poro nú ke Éle a bajá a má profundirare ri ma tiela? ¹⁰ Aké kié a bajá, sendá memo jende ke tambié a subí po ensima ri to má nsulú. Éle asé eto pa ke asina Éle a poleba yená to má kusa. ¹¹ Kristo a ndá aggú kumo apóstoles, chakero ri Rioso, ebangelisras, pastores y piacha, ¹² pa equipá a má sando pa makaneo ri serbisio, pa edifikasió ri kueppoo ri Kristo, ¹³ asta ke to suto a alkansá unirá ri fe y kunosimiendo ri Moná ri Rioso, pa ke asina a madurá y alkansá ettura kompleta ri Kristo. ¹⁴ Eto sendá pa ke suto ya nú sendá má kumo moná, nú sendá arrastrao ri akí pa allá po má olas, nú sendá yebao po to biento ri dottrina y atrapao po jende astuta ku artimañas ri error. ¹⁵ Endi paraje sí, chitiando belá endi ngongoroko, a kresé en to má manela asia Éle kié sendá kabea, Kristo. ¹⁶ Kristo a uní to kueppo ri jende ke kree y tá unió po ligamento, ri moro ke to kueppo a kresé y a edifiká asina memo endi ngongoroko. ¹⁷ Po é kusa, i a disí eto y asé petisió endi Ño, ke enú nú kaminá má kumo má gentiles ke kaminá endi futilidad ri mende sí. ¹⁸ Ané sendá ri mbila ri Rioso po ignaransia ke abé endi ané po kausa ri duresa ri kolasó sí. ¹⁹ Ané nú sindí pondonó y sé a entregá asina meno sensualidad pratikando to kusa nú kaiko kú kodisia. ²⁰ Poro eto nú sendá ke enú aprendé asekka ri Kristo. ²¹ I suponé ke enú a kuchá asekka ri Éle. I a suponé ke Éle a insiña a enú, kumo belá tá endi Jesús. ²² Enú tén ke rejá kondutta ke a tén atrá, é biejo ombe. Ete sendá é biejo ombe ke a korompé po kausa ri reseo sí ke a engañifa. ²³ Rejá a un lao biejo ombe, ri moro ke enú poleba sé renobao endi epíritu ri mende sí, ²⁴ y poleba bití to ri ombe nuebo, ke a krea a imagen ri Rioso endi juttisia y santirá- ²⁵ Po e to, rejá má mbilé y rejá ke kara uno chitiá belá ri besino sí, pokke sendá miembros má uno ri má uto. ²⁶ Kujé rabiá poro nú peká. Nu a pemmití ke só poné sobre enojo sí. ²⁷ Nú ndá paraje a dianche. ²⁸ Kuakiera ke a robá, nú poleba robá má. Endi paraje sí, ele tén ke makanea, makanea ku mano sí, pa ke asina sendá kapá ri kompatí kú jende ke a tén nesesirá. ²⁹ Niggú espresió nú kaiko poleba salí ri boka sí. Usá palabra ke sendá kaiko pa edifikasió ri aké kusa ke a neseseitá, pa ke palabra solusioná grasia a má jende ke a kuchá. ³⁰ Y nú poné triste a Epíritu Sando ri Rioso, pué sendá po Éle ke enú sendá seyao pa ría ri redensió. ³¹ Poneba a un lao to kusa amarga, ira, enojo, gritería e insultos, jundo kú to klase ri maddá. ³² Sendá amable uno ku uto, tiernos kolasó, peddoná uno a uto, asina kumo Rioso endi Kristo a peddona a enú.