¹ Enú ten ke se lo memo ke I, asiná memo kumo sendá imitaro ri Kristo. ² I tán arorá enú pá enú kolá ri mí. I tán arorá enú pa asé lo memo ke i dalé a enú. ³ Aora i kelé ke enú entendé ke Kristo sendá kabea ri ma ombe, ke ma ombe sendá kabea ri changaina, i ke Rioso sendá kabea ri Kristo. ⁴ Kien ke tá orá ku kabea tapao tán traé ruina. ⁵ Poro kuakie changaina ke tá orá ku kabea éle tapao tán trae ruina. Pokke sendá lo memo kumo sí elé rapá kabea. ⁶ Pokke si ma changaina reja kabea ri elé retapá, elé ten ke kottá pelo ri elé. Pokke ri uto fomma sí a ma changaina kotá kabeo sendá ri beguensa, antose elé ten ke tapá ma kabea. ⁷ Ma ombe nú polé tené kabea ri elé tapao, pokké elé sendá ma imagen ri gloria ri Rioso. Poro ma changaina sendá gloria ri ma ombe. ⁸ Pokke ma ombe nú salí ri ma changaina. Ri uto fomma, ma changaina a salí ri ombe. ⁹ pokke ma ombe nú nasé pá changaina. Ri uto fomma, ma changaina nasé pá ma ombe. ¹⁰ Po e lason ma changaina sendá autorirá endi kabea elé, po merio ri ma angel. ¹¹ Asiná kumo suto bibí jundo endi Ño, ma changaina nesesitá ri ma ombe, i ma ombe neseitá ri ma changaina. ¹² Pokke ma changaina sendá pa ma ombe, i ma ombe sendá pa ma changaina. I to ma kusa tá miní ri Rioso. ¹³ Kritika enú memo: ¿Sendá ri bien ke ma changaina orá ku kabea elé tapao? ¹⁴ ¿ma memo naturalesa insiñá a enú ke si ombe lo ke rejá kabeo kresé, sendá desonra pá elé memo? ¹⁵ ¿memo naturalesa nú insiña a ma changaina ke kabeo ri elé lago sendá gloria? Pokke kabeo ri elé Rioso anda elé pá tapa. ¹⁶ Poro si aggun gende ten aggun uto pensamiendo, suto nú tené uto tradisió endi ilesia ri Rioso. ¹⁷ Poro endi sigiende intrusió, i polé alabá enú nú. Pokke kuandi ané reuní, nú sendá pa kusa guena, sendá pa kusa ri maddá. ¹⁸ Pokke endi primero lugá, i kuchá ke kuandi enú jundá endi ilesia, abé ribisió lendro ri enú, i kree e kusá. ¹⁹ Pokke enú ten bario kuagro, pá kien kujé aprobasió kujé rekonosimiendo enú memo. ²⁰ Pue kuandi enú jundá, nú sendá pa kume kumina ri Ño. Kuandi enú tá kume, ka kien tá kume kumina ri elé reje ande tené kumina elé. ²¹ Lingo ri enú ten kanatule i ma uto ta bebé bino. ²² ¿Enú nú tené possa pa kume i bebé bino?¿O enú tá depresiá ilesia ri Rioso i umiy kiene lo ten na nú?¿Ke polé chitiá a enú?¿ten ke alabá enú? ¡Nú polé arorá enú po e ma kusa! ²³ Pokke i kujé ri Ño lo ke i tá insiñá a enú, ke Rioso, po okurana ke risipulo traisio na Éle, a kujé pan. Repue ri abé dao nglasi, Éle a patilo i chitiá: ²⁴ Eto sendá kuepo ri mí, ke sendá pa enú. "Asé e ma kusa kolá ri Mí". ²⁵ Ri memo fomma Éle tomma kopa ri bino ripue ri sena, i chitiá: "E ma kopa sendá mi patto ri pola. Asé lo memo kuandí enú bebé bino, pá kolá ri mí." ²⁶ Pokke kuandi enú kumé ma pan ku bebé ri e kopa, enú tá proklamá lungamiendo ri Ño atá ma ria ke Éle bobbé. ²⁷ To ma lo ke tá miní pa selbrasio ri sena ri Ño ten ke arorá a Rioso ri memo manera ke i insiñá a enú.