¹ I kelé ke enú sabé, numano, ke tatá ri suto taba sigí a ma Rioso, ke a gia ané guela ri Egito, pá ané pasa mar Rojo pá pasa endi tiela seca. ² I asiná kumo suto a bautisa endi kristo. ³ Pokke to ané a kume kumina lo ke Rioso da ané, ⁴ ma roca senda Kristo. ⁵ Poro Rioso nú taba ri akuedo ku ma gende, i ma karabe ri ané a kelá aí resieto. ⁶ Aora e ma kusa sendá muetra pá suto, pa suto nú kelé kusa mala, kumo ané asé. ⁷ Aggun ri enú endi tiembo lo ke pasá sabebá arorá ma idolo. Senda kumo tá ekrito: "MA GENDE A SENTÁ PA ANÉ KUME I BEBÉ, I A LEBANDÁ PA JUGA." ⁸ Biditrilingó nananá ri asentro suto judio a lungá ria po imoralirá ri seso. ⁹ Suto nú tén ke probá Kristo, kumo ané asé i a ma kulebra a matá ané. ¹⁰ Arema, nú chitiá, kumo ané asé, i ané ange ri muete a matá ané. ¹¹ Aora, e ma kusa a pasá ané kumo ejemplo pa suto. Gue ekrito pá suto aprendé, ke fin ri tiembo tá sekka. ¹² Po tando, to kien tá ri pie ten ke kuirao pá nú kae. ¹³ To ma tentasio atá lendro ri to suto. Po kambio, Rioso sendá fiel. Éle polé rejá nú ke tentasió kujé a to suto. Ku ma tentasio, Éle tan anda suto ma fomma pá salino ri e kusa, pá suto polé aguandá. ¹⁴ Po tando, amao ri suto, salino ri ma idolatria.

¹⁵ I chitiá enú kumo gende lo ke tá pensá, pá enú polé jugá mí. ¹⁶ Ma kopa ri bino ke suto bendesí,¿Nú sendá lo memo ke kompatí pola ri Kristo? Ma pan lo ke suto patí, ¿nú sendá kompatimiendo endi kuepo ri Kristo? ¹⁷ Pokke rebio a ke abé un pan numá, suto ke sendá un chochá, suto sendá un solo kuepo. I to suto kume ri memo pan. ¹⁸ miná a ma gende ri Irael: ¿Nú sendá ané kiene tá kume kuminá ri sakrifisio ri altá? ¹⁹ ¿Ke i tá chitiá antose?¿Ke ma idolo sendá aggun kusa? ¿O ke ma kumina ri sakrifisio sendá aggún kusa? ²⁰ Pero i ta chitiá e ma kusa kuandi ma jurio tá asé ma sakrifisio, ané tá ofrese e ma kusa a ma remonio i nú sendá a Rioso. ²¹ ¡I kelé ke enú rejá ri patí kusa ku remonio! Enú polé bebé nú ri kopa ri Ño i ripue bebé ri kopa ri ma remonio. Enú nú polé sendá aí mesa ri Rioso i repué sendá aí mesa ri ma remonio. ²² Ase e ma kusa tán poné Rioso endi selo, ¿suto ten ma kutu ke Éle? ²³ To sendá legal, poro nú to ma kusa sendá ri benefisio. To sendá legal, poro nú to ma kusa asé ke ané kreé endi Rioso. ²⁴ Narie polé buka bien ri elé. Po kontrario, ka kien ten ke buka bie pa ma besino éle. ²⁵ Enú polé kume to lo ke tá aí mekaro, sin tá pensá ke sendá kumina pá ma iloro. ²⁶ Pue "MA TIELA SENDÁ RI ÑO, I MA PLENITU RI ELÉ." ²⁷ Si alguien ñamá a mí a kume, i enú kelé baé, kume to ma kusa ke abé. ²⁸ Poro si agguien chitiá: "E ma kumina sendá ri sakrifisio," nú kumé éle. Eto sendá po kausa ri kien da fecha, i po motivo ri mende. ²⁹ I nú kelé propio mende ri enú, i kelé ma mende ri ma uto. Aora ¿Pokke ma libetá ri mí ten ke se minao po uto? ³⁰ sí Yo sendá patte ri ma kumina ri gratitu, ¿pokke enú insutá mí i da nglasia? ³¹ Po tando, kuakie kosa ke enú komé o bebé, o kuakie kusa ke enú asé, asé éle pá ma gloria ri Rio. ³² Nú fatá a ma Jurio ni ma Griego, ni ma ilesia ri Rioso. ³³ I tratá ri komplasé a ma gende endi to ma kusa. I kelé na nú, sendá bien ri enú lo ke i kelé. I tá asé e ma kusa pa anú sabbá.