¹ Pa gende lo ke ta kritika mí, i kelé chitiá ané: I sendá apostol, i miná a Ño ri suto. I sendá libre. Enú sendá resultao ri makaneo lo ke i asé, enú sendá ri mí. ² Si enú kree ke i nú sendá apostol, i sendá ri bela belá. Enú sendá ma prueba ri apostol ri mí. ³ Ete sendá refensa ri mí ku kiene kritika mí: ⁴ ¿Suto nú tené rerecho ri kume ku bebé? ⁵ ¿Suto nú ten rerecho pa kuje a ma changaina ke sendá kreyende, kumo ta asé ma apostol i ma numano ri Ño, ku Sefas? ⁶ ¿O sendá Bernabe ku Yo kiene lo ke tené ke makania? ⁷ ¿Kien sendá sodao po propio merio ri elé?

¿Kien tá semblá un biña i nú polé kumé ma fruta?¿Kien kuila kuagro ri obeja i nú polé bebé leche?

⁸ ¿I chitiá e ma kusa reje pensamiendo umano? ¿Resi e memo kusa endi leí? ⁹ Pue tá aí krito endi leí ri Moises: " NÚ PONÉ BABÁ A MA GUEI SI ELÉ TÁ PISÁ MA LINGÓ." ¿Sendá ri bela belá kien Rioso kelé a ma guei? ¹⁰ ¿Éle tá chitiá ri suto? Eto gue ekrito pa suto, pokke kiene tá ará ten ará endi eperansa, i kiene tá etusá ten ke etusá pá regalá. ¹¹ Si suto sembrá kusa ri eperitu endi enú, ¿Sendá ri ma ke enú da gurú a suto? ¹² Si ma uto a ejese e ma rerecho endi enú, ¿antose suto ten ma rerecho? Poro suto nú tá kelé e ma rerecho. Endi lugá, suto tá aguandá to ma kusa pá nú sendá kaggá endi ebangelio. ¹³ ¿Enú sabé ke kiene tá aí siruma tá kujé kumina ri ai memo?¿Enú sabé ke kiene ta sebí endi altar se repatí elé? ¹⁴ Ri memo fomma, Ño a mandá ke kiene tá proklama ma ebangelio kuje ma gurú ri ebangelio. ¹⁵ Poro nú kelé ninggun rerecho. I chitiá e ma kusa pá enú asé kusa po mí. I kelé lungá primeo. ¹⁶ Pokke si i tá chitiá ri ebangelio, nú ten lason pa chitiá ku guesa, pokke i polé asé nú e ma kusa. ¡Ke sendá ri mí si Yo reja ri chitiá ma ebangelio! ¹⁷ Pue i ta e ma kusa ku guto, i ten un rekompensa. Poro po kondlario sin guto, i ten reponsabilirá lo ke rioso da mí. ¹⁸ ¿antose ke sendá mi rekao? Ke kuandi i predika, i polé ofrese ebangelio sin paga i asiná rejá ri asé uso ri ma rerecho endi ebangelio. ¹⁹ I sendá libre ri to ma kusa, i bobbé un chankero ri to ma gende, pa polé ganá ma gende endi ebaneglio. ²⁰ Kuandi makania ku ma jurio, i bobbé lo memo ke ané. Kiene tá bibí bajo lei, i bobbé kumo ané, pa polé ganá ané lo ke ta bibí bajo leí. I asé e ma kusa kuandi i ta bibí guela ri leí. ²¹ Pá kiene ta juela ri leí, i bobbé uno ri ané guela ri leí, Yo memo taba guela ri leí ri Rioso, sendá bajo leí ri Kristo. I asé e ma kusa pá polé ganá lo ke ta guera ri leí.

²² Pa ma rebil i bobbé rebil, pa polé ganá ma rebil. I bobbé endi to ma kusa pa to ma gende, pa polé sabbá ané. ²³ I ta asé e ma kusa po merio ri ebangelio, pa polé se pate ri bendisió. ²⁴ ¿Enú sabé ke endi kampia to ma lo ke ta korre, un gende numá tán kuje premio?Asina ke enú ten ke kolé pa ganá premio. ²⁵ To ma lo ke tá kolé ten ke kuirá kuepo elé. Ané tá asé e ma kusa pa polé kujé premio, poro suto nú tá kolé po e kusa. ²⁶ Po tando, i tá kolé ku proposito, i nú tá trompiá ku aire. ²⁷ I somete kuepo ri mí kumo eklabo, pa ke ripue ke i preriká, Yo memo nú bobbé a pelé.