¹ Aora reja mí insiñá ri ma regalo ri epiritu, nú kelé ke enú te resinfomao. ² Kolá ke kuandi enú taba gueba aroraro ri ma idolo, ma iloro ke nú poleba chitiá. ³ Po tando, i kelé ke enú sabe ke ninggun lo ke ta chitiá po Epiritu ri Rioso polé chitiá: "Jesu sendá maldito." Ninggun polé chitiá: "Jesu sendá ño" numa po epiritu Sando. ⁴ Aora abé chochá ri don, poro ma Epiritu sendá ri Éle. ⁵ Abé bario miniterio, poro Rioso sendá Éle. ⁶ Asiná kumo abe chochá ri makaneo, poro sendá memo Rioso kiene asé e ma kusa posible. ⁷ Aora, ka kien i tán da bisio ri ma Epiritu pa probecho ri ka kien. ⁸ Pokke andá elé ma Epiritu Sando ma palabra ri sabiruria, i ma uto ma kosimiendo po memo Epiritu. ⁹ A ma uto, i dale fe po memo Epiritu, i ma uto, i dale don ri sanirá po memo Epiritu. ¹⁰ A uto i dale obra ri poder, i uto profesia. A uto i dale abilirá ri asé ritinsió ri Epiritu, a ma uto un chocha ri barieda ri lengua. ¹¹ Poro sendá memo Epiritu Sando ke ta makania endi to ma kusa, ku entregá ma don a ka kien, kumo Éle kelé. ¹² Miendla ke kuepo ri gende sendá jundamiendo ri un chochá ri patte i ka patte sendá konjundo ri un memo kuepo, sendá ri Kristo. ¹³ Pokke po merio ri Epiritu suto a bautisa, gueba Jurio o ma Gringo, libre o ri ai tramakua, to suto a bebé ri un memo Epiritu. ¹⁴ Pokke ma kuepo sendá nú senda uno numá, sendá un chochá. ¹⁵ Si ma pié chitiá: "Kumo nú sendá ma mano, i polé sendá patte ri kuepo nú," po e lason nú i polé sendá ku juisio. ¹⁶ i si ma oleja chitiá: "Kumo nú sendá ojo, i polé sendá patte ri kuepo nú," po e lason nú i polé sendá ku juisio. ¹⁷ I to ma kuepo sendá ojo numá, ¿Ronde tá sentió ri oilo? Sí to ma kuepo sendá ri oiro numá, ¿Ronde tá sentió ri ma narí? ¹⁸ Poro Rioso akomorá ka patte ri kuepo kumo Éle a aselo. ¹⁹ I si to enú sendá memo kuepo, ¿Ronde tá kuepo? ²⁰ Pokke aora abé chocha ri miembro, poro un memo kuepo. ²¹ Ma ojo nú polé chitia a ma mano: "I tené nesesirá ri bo nú." Ni ma kabea polé chitiá a ma pié: " I tené nesesirá ri bo nú." ²² Poro ma miembro ri kuagro ke pese ma rebil sendá ri kuagro. ²³ I ma patte ri kuepo ke suto sendá ke pese ke nú ten baló, suto tán ané ma balo, i mienbro ri kuagro ke nú sendá ri onra suto tán dale onra. ²⁴ Aora ma miembro nú ten nesesirá ri se presentao ku onra, pokke ané ten onra. Poro Rioso a jundá to ma miembro, i Éle anda ma onra kiene fatá. ²⁵ Éle asé e ma kusá pá nú a be ribisió endi kuepo, po kontrario enú ten ke kuila enú memo. ²⁶ I kuandi aggun ri enú sufrí, to ma kuagro sufrí. O kuandi aggun miembro ri kuagro kuje onra, to ma miembro tan alegrá. ²⁷ Aora enú sendá kuepo ri Kristo, i enú sendá ri e memo kuagro. ²⁸ Rioso tambié andá regalo ri ma ilesia primeo, ripue a ma chakero, ripue a ma piacha, ripue kiene ta asé makaneo ri Rioso, ripue ma don ri sanirá, kiene ta ayulá, kiene ta asé makaneo ro aminitrá, i kiene ten chocha ri lengua. ²⁹ ¿Enú sendá Apostol? ¿Enú sendá profeta? ¿Enú sendá piacha?¿To enú ta asé makaneo ri Éle? ³⁰ ¿To ané ten don ri sanirá?¿To ané ta chitiá endi lengua?¿To ané entendé ma lengua? ³¹ Buká ma don ma ngandé. Poro i tán insiñá ma kadume gueno.