¹ Noemi, Rut quimiyaju, päjinäcua̧: chittiju ä̧ju̧cui̧, ¿Ttö̧mä̧ chusa pä'ö ja̧'a̧ ucu 'cuä'ächiö cu̧'a̧ pä'ö, ja̧'hua̧nö̧ j'a̧ ucu cuaditähuä adiu jä̧cua̧'a̧nö̧ ucurö? ² Jitä Boozmä, nä̧tö̧ a̧di̧tä̧tu̧cu̧ aditö kä̧ji̧mä̧, ¿Ja̧u̧mä̧ ujutu tacuaröhuä i̧sa̧mä̧'cö̧? Ja̧u̧mä̧ jitä yodo iäta̧ cuähuä ka̧cuo̧mȩttö̧ cebada ojiyä coepe'ö ö̧jä̧cua̧. ³ Ja̧hua̧nö̧ ja̧'a̧ttö̧ nä̧cähuipö a̧mȩu̧ tu'huoö cu'ca̧ta̧hua̧ta̧ a̧dihua̧tä 'ca̧tä̧huipö̧ pättara'a täi.Ja̧hua̧nö̧ ja̧'a̧nä̧ ja̧u̧pp uhuo̧juä̧chiönä̧mä̧ cui̧jȩcuoro ucuä̧ cuä̧nu'inä au'inä cädome jubu. ⁴ Ja̧hua̧nö̧ ja̧'a̧nä̧ jo̧mȩnö̧ kä̧hui ja̧u ä'iomenä, a̧mocuädi'i ja̧u ä'omȩ ja̧unu o'comenä̧ ja̧ucutä cui̧'cha̧, ja̧hua̧nö̧ ja̧'a̧nä̧ ijȩpö̧ ba'epö juȩnȩtä̧ cuä'ia.Ja̧hua̧nö̧ ja̧'a̧ttö̧ jua̧utä̧ pä̧cua̧ däje jȩ'cua̧'a̧ttö̧. ⁵ "Rut Noemirö̧ pä'inäju:"ttömä o'cajuiyönä̧ ucu päcuäji ta'anö jechä̧cua̧jusä̧" ⁶ Jahuanö ja̧'a̧tö̧, jahuäju mȩyȩhuinäju̧ pättara'acu, jahuata'anötä̧ ki̧miyaju jijähuäjita'anö jȩpinäju̧. ⁷ Jahuanö ja̧'a̧ BOOZ u̧cuä̧'i̧nä a̧huä̧'i̧nä ucuäji o'ca'a a̧'cua̧nä̧ eseunä̧ ji̧na̧'a̧, ja̧u̧mä 'chi̧nö 'cuä'ächiö ö̧'a̧ pä'ö u̧huä̧ju̧ote 'to'ö rötähua'a be'ipome. Jahuanö ja̧'a̧ jahuäjumä ttu̧huȩcuä̧nä chänö ö̧jä̧pu̧ juä̧o̧cuä̧ta̧ cä'epu pä̧mä̧dö̧ äi'inäju̧. ⁸ 'Cuäopina̧'a̧ yodo kä'co ja̧hua̧nö̧ ieruhua'ara̧'a̧ päi'äcu ye'ecue'inö̧. Ja̧u̧ ä̧rä̧miö̧ kärächiö topinö̧, !Ja̧hua̧nö̧ to'omenä̧ yajute isaju pi̧nä̧ju ö̧jä̧pö̧ kada'ca! ⁹ Ja̧u̧ pä'inö̧: "¿Dí cu'ä?" "Ttömä̧ Rutsä, ucutä cumuhuäyaju. Cu̧'ca̧tä̧huä̧ta̧ttö̧ a̧tto̧pi cu̧muhuäyajuru, ucutä ja̧'a̧ tö'cö cha̧hua̧ru̧hua̧mä̧." ¹⁰ Boozmä pä'inö: "Chittiju, TÖ̧Ä̧NÄ̧HUA̧TÄ̧ ppädäcu. Ä'coji cuesehuinomȩttö̧'i̧nä̧ yabonänö jitä cueseumä cui̧jȩpä̧jä̧cu̧sä̧, ja̧'hua̧nö̧ jȩpö̧mä̧ mö̧ä̧yotö ruhuotörö̧mä, ja̧'hua̧ta̧'a̧nö̧ möäyotö usurä isotö tto'ca'anämä 'cho̧co̧ju̧ päjäjujä̧. ¹¹ Ja̧'hua̧nö̧ ja̧'a̧ttö̧ chittiju, ¡Yecuecuä! O'cajuiyönä ucu päcumä̧ jȩchä̧cua̧sä̧, isopäi'önä o'catoi'önä ttö chidepiyö ttö̧ja̧mä̧ ucurumä adihuä isaju pä'ö huo̧juä̧tö̧. ¹² Jitämä̧ isopäi'önä̧ ttömä̧ tö'cönä̧ cua̧hua̧ru̧hua̧sä̧; ja̧hua̧nö̧ ja̧'a̧nä̧, ya̧tȩ kö̧ juiyó tö'cönä̧ cua̧hua̧ru̧hua̧ ttöttö'inä̧ abonä̧nö̧. ¹³ Pi̧yȩ yodomä̧ pȩnȩtä̧ ki̧'i̧pi̧, mo̧ro̧ päia'a, ja̧u̧ ucutä cua̧hua̧ru̧hua̧ a̧'cua̧rö̧nä̧ jȩö̧ttö̧mä̧, adihuä'ä, ja̧'a̧tä̧ topirö cua̧hua̧ru̧hua̧ a̧cua̧rö̧nä̧ jȩa̧'ja̧pä'ö. Ja̧hua̧nö̧ ja̧'a̧nä̧ ja̧u̧ ucu cua̧hua̧ruhua̧ a̧'cua̧ro̧nä̧ jȩö̧ juiyöttömä̧, ja̧u̧nu̧mä̧ ttötä jȩchä̧cua̧sä̧, CHU̧RU̧HUA̧'inä̧ ä'cajo̧mȩtto̧. 'cha'achö rä̧hui̧ mo̧ro̧ juome jubu päi'önä̧. ¹⁴ Ja̧hua̧nö̧ ja̧'a̧ jahuäjumä ja̧u̧ i̧jäpö̧nä̧ ä'inä̧ju̧ mo̧ro̧ juomȩ jubu. Ja̧hua̧nö̧ ja̧'a̧ttö̧ ji̧nä̧ yo̧'ö̧nä̧ ja̧i̧ porächi'ö ä̧rä̧mi̧u̧." Ja̧hua̧nö̧ ja̧'a̧ttö̧ Boozmä päi'nö: Ya̧tȩ'i̧nä̧ isaju cuähuä ka̧cuo̧mȩ i̧chäjäju pä'ö ttö̧huo̧jui̧ya̧cua̧'a̧nö̧. ¹⁵ Ja̧hua̧nö̧ ja̧'a̧nä̧ Booz pä'inö:" ucu cujonä huä̧ta̧ 'cächipö ppäepi. " Ja̧hua̧nö̧ jahuäju jȩjo̧mȩnä, sebada jä̧ji̧ a̧mä̧cö ttö̧'o̧to̧mȩnä̧mä̧ seinö jo̧mȩnä̧ a̧mä̧qui̧na̧'a̧ ja̧hua̧nö̧ ja̧'a̧nä̧ jahuäju kabonä kä'epö huä̧ni̧nö̧. Ja̧hua̧nö̧ ja̧'a̧ ja̧u̧mä̧ ötahui̧yära'atä i̧hui̧nö̧. ¹⁶ Rut kimiyaju kö̧jo̧mecu̧ kichi̧o̧menä, jäjepinäca̧: "¿ Chittiju tta̧'a̧nötä̧ jä̧jä̧'a̧cuä̧tö? Jahua'anö ja̧'a̧ Rut ädätö jiähuinäju̧ o'cajuiyönä ja̧'u̧ jȩä̧ji̧mä jahuäjuru. ¹⁷ Jahuä̧ju pä'inäju̧: Cebada u̧huä̧ju̧ o̧tȩ comprometen yautenö pa̧ja̧cuo̧me jo̧mȩnä̧ iyäjäcuasä, Jahuanö ja̧'a̧näínä päcuasä: cuimiyaju kö̧ja̧'a̧cu̧ juiájumä cuï̧'chä̧. ¹⁸ "Jahuanö ja̧'a̧ Noemí päinäju̧: " Chittiju pȩnȩtä̧ känö tta̧'a̧ri̧ cu̧huo̧jua̧ tta̧'anö cuäopaja'päö, ja̧u̧ ubomä cuächi'i̧yä̧ca̧ jitä mo̧ro̧tä̧ jo̧menö kädome jubu.