¹ Jitämä̧ Noemi kirecuo, Elimelecmä̧ ku̧nä̧ri̧nä̧tö̧ ya̧tȩ a̧hua̧ru̧hua̧rö̧, Booz, ja̧u̧mä̧ ya̧tȩ ubo ru̧hua̧ ucuounä̧ kö̧ ji̧na̧'a̧. ² Rut, Moad ttö̧ja̧isaju, Noemirö̧ pä'inä̧ju̧: "Jitämä̧ chi̧'cha̧ hue'ittö u̧huä̧ju̧ ote ca̧ca̧tä̧tö̧ tto'ca'anä̧ 'chä̧nö̧ chö̧ca̧ca̧tä̧cua̧ju̧sä̧. Ttörö rȩrö̧jö̧nä̧ topö o'ca'a̧nä̧ 'chä̧nö̧ chȩma̧cua̧ju̧sä̧. "Ja̧'hua̧nö̧ ja̧'a̧ Noemi pä'inä̧ju̧: "Tä'i chittijú." ³ Ja̧hua̧nö̧ ja̧'a̧ Rutmä uhuäju ote ca̧ca̧tä̧tö̧ tto'ca'a̧nä pȩjipä̧jitä kö̧ca̧ta̧ta̧ pä'ö 'chi̧nä̧ju. Jahuäju ichinäju Booz i'ätta isarära'a, ja̧hua̧hua̧nö̧ ja̧'a̧ttö̧ titö tta̧hua̧ruhua̧ pinö̧jä̧ttö̧ Elimelec. ⁴ Jaumä̧ pinetä̧, Ja̧hua̧nö̧ ja̧'a̧ Booz Beléra'attö̧ ichö uhuä̧ju̧ ca̧ca̧tä̧cuä̧huä̧ ttö̧ja̧rö̧ päi'nö̧" TÖ̧Ä̧NA̧HUA̧MÄ̧ ucutucutä ijä̧cua̧!" Jahuätö ädätinä̧tö̧:" TÖ̧Ä̧NA̧HUA̧TÄ̧ ppa̧da̧cua̧jä̧!" ⁵ Ja̧'hua̧nö̧ ja̧'a̧ Boozmä̧ u̧mö̧huä̧ya̧ u̧hua̧ju̧ ca̧ca̧tö̧ aditätörö to̧pä̧rö̧rö̧ pä'inö: ¿Yajujua mö̧ä̧yajumä di isotö isajujä̧ttö̧?" ⁶ Ttumöhuä̧ya̧ u̧hua̧ju̧ ca̧ca̧tö̧ aditätörö to̧pä̧rö̧mä̧ ädätö pä'inö: Juaju möäyajumä̧ moab rȩjȩ ttö̧ja̧saju ja̧'a̧, Nohemícu̧ moab rȩjȩra̧'a̧ttö̧ ichinäju̧. ⁷ Jahuäjumä päjäcusä: Ppä'ädipönö hue'ittö u̧hua̧ju̧ ca̧ca̧tä̧tö̧ tto'ca'anä̧ 'chä̧nö̧ u̧huä̧ju̧ ote chö̧ca̧ca̧tö̧nä̧. Ja̧'hua̧nö̧ ja̧'a̧ttö̧ jahuäjumä pȩnȩ ichäjä'coju mo̧ro̧ päi'a'a kä̧mä̧dö̧ kaditaja'amä jitä jubö aditäju, jurunätä̧ isodenä̧mä 'cuä'ächi'ö pä̧mä̧dä̧ju̧." ⁸ Ja̧'hua̧nö̧ ja̧'a̧ Boozmä Rutrö pä'inö: Chittiju, pädömä̧ adiu ä̧ju̧cui̧ttö̧. korome cuähuä ka̧cuo̧mȩ 'chä̧nö̧mä̧ u̧huä̧ju̧ otemä ku̧ca̧ca̧tä̧; chu̧cuȩ cuähuä ka̧cuo̧mȩttö̧mä̧ tucuipächä. Porömä tucuipächoca'atä pȩnȩtä̧ kä̧nö̧ chu̧mö̧huäyotö nä̧tö̧ aditätucutä aditö kä̧hui̧. ⁹ Cuähuä ka̧cuo̧mȩttö̧ u̧mä̧tö̧ u̧huä̧ju̧ ca̧ca̧tö̧ ttö̧jo̧mȩttä̧ adiu topi ja̧'hua̧ta̧'a̧nö̧ korotö nä̧tö̧ tto'ca'anä̧tä̧ cui̧'cha̧ja̧. ¿U̧mä̧tö̧rö̧mä̧ ucuru mȩtto̧pä̧rö̧ juiya pä'ömä ji'ähuocö päjisä? Ja̧'hua̧nö̧ ja̧'a̧ cuahua a̧di̧ri̧jo̧mȩnä̧mä̧, 'cä̧nä̧ri̧yu̧ ajiya a̧cuä̧yö̧ ko̧mȩcu̧ 'chä̧hui̧'ö̧, ajiya u̧mä̧tö̧ huättäjoyattö cuahuaja." ¹⁰ Ja̧hua̧nö̧ ja̧'a̧ttö̧ jahuäjumä̧ Booz ä'cajome ja̧rȩyu̧nu̧ päi'inä̧ju̧, chuju'inä̧ rȩjȩ päi'ö̧nä̧. Jahuäju päjinä̧cu̧: "¿Dä̧bu̧ pä'ö adiunä̧ tocu'ä ttörömä̧, juiyo cua̧'cua̧ ro'ecujä ttorö, ttömä̧ ko̧ro̧jä̧ra̧'a̧ttö̧ ichäcuähuajusä?" ¹¹ Booz ädätö pä'inö̧: "täcö jitähuäjäcusä ucu jȩcu'ä̧jimä̧ cuirecuo korujuächinö̧ o'ca'a. Ucumä̧ kunipä̧jä̧jujä̧ cuä'orö'inä̧ cua̧ju̧ru̧'i̧nä̧ ja̧hua̧ta̧'a̧nö̧ cui̧rȩjä̧ cuhuäpächinäjä̧'i̧nä̧ cuimiyajucu ki̧'cho̧me cui̧'cha̧ pä'ö ja̧hua̧nö̧ cuicha pä'ö ttö̧ja̧ cui̧ȩru̧huä̧u̧ ttö̧jo̧cuo̧me. ¹² TÖ̧Ä̧NÄ̧HUA̧TÄ̧ iyäcuajujä jȩcu̧'i̧nö̧ micuämä̧. TÖ̧Ä̧NÄ̧HUA̧ imitömä̧ o'cajuiyönä̧ ȩmi̧, Israel ttö̧ja̧ TTÖ̧Ä̧NHUA̧, ucuru ujuabä dea'a tta̧'a̧rä̧ji̧." ¹³ Ja̧hua̧nö̧ ja̧'a̧ jahuäju päi'näju: "ucumä̧ törömä̧ eseunö̧ topujä,repeönu, Ja̧hua̧ta̧'a̧nö̧ ucumä̧ ttörö suroju 'cuaopomenä̧'i̧nä̧ repe'önö̧tä ucuocujä ttörömä̧, jahua̧nö̧ ja̧'a̧nä ttömä̧ cumuhuayajumä̧ choca'anä̧." ¹⁴ Ja̧'hua̧nö̧ ja̧'a̧ ttöcuä ttöcuome pä'iomenä Booz pä'inö Rutrö: "Pocu ichi'i, cuiti pi̧yȩ panttö̧, ja̧hua̧ta̧nö̧ tti̧'i̧ cu̧cuä̧ poya a̧'ti̧poya vino isoya". Juäjumä pämädi̧nä̧ju̧ aditö ca̧ca̧tä̧huä̧ ttö̧ja̧ ttö̧'cä̧tȩ, ja̧hua̧nö̧ ja̧'a̧ jua̧'u̧mä̧ iyinö pärähuä ote a̧u̧cu̧nä̧. Juäjumä cui̧nä̧ju̧ sujuädiomebu pä'iunä ja̧'hua̧ta̧nö̧ juttomä rötipinäju. ¹⁵ Ja̧hua̧nö̧ ja̧'a̧ juäjumä ä̧rä̧mi̧'i̧nä̧ pä'äta̧'a̧nö̧ o̧tȩ cö̧ca̧ca̧ta̧ pä'ö, Boozmä hueinö u̧mä̧tö̧ umuhuäyotörö päöcänö: "Ja̧'a̧tä̧ topätucuiju o̧tȩ cö̧ca̧ca̧ta̧'a̧nä̧ ja̧'hua̧ta̧nö̧ ti'chähuä'o̧ chuttö'inä, ja̧'hua̧nö̧ ja̧'a̧nä̧ yoriso päcuätucuäju surojänämä juäjurömä. ¹⁶ Ja̧'hua̧ta̧nö̧ ucutu'inä cu̧ca̧ca̧tä̧tu̧cua̧'chu̧ ttö'inä baropu cä'ätucui a̧cu̧nä̧ o̧'chä̧ juäju katä pä'ö cui̧ti'chätucutö, ja̧'hua̧ta̧nö̧ kä'ätucui juäju cö̧ca̧ca̧ta̧ pä'ö suronämä päcuätucuätu. ¹⁷ Ja̧hua̧nö̧ ja̧'a̧ jahuäjumä̧ ni̧pä̧ro̧me jubu päi'önä̧ ca̧ca̧ti̧nä̧ju̧ i'ättattö. Ja̧hua̧nö̧ kö̧ca̧ca̧tä̧ji̧ u̧huä̧ju̧ ote 'cä̧'chö̧ icuinä̧ju̧, Ja̧u̧ cebada u̧huä̧ju̧ otemä̧ 13nö̧ jö̧nä̧ amä̧kina̧'a̧. ¹⁸ Jahuäju cä'epöma ötahuiyära̧'a̧cu̧ 'chi̧nä̧ju̧. Ja̧hua̧nö̧ jä̧'ä̧ kimiyajumä̧ toponä̧ju̧ jahuäju kö̧ca̧ca̧tä̧ji̧. Rut'inä̧ rä'epinä̧ju̧ u̧huä̧ju̧ ote joecua'a kucua pä'ö kaditäjittö ja̧hua̧nö̧tä̧ iyinä̧ju̧. ¹⁹ Kimiyajumä̧ päjinäcua: "¿Jitä mo̧ro̧mä̧ torö cu̧ca̧ca̧tä̧jä̧ttö̧ u̧huä̧ju̧ otemä̧? ¿Tȩnȩ aditö cui̧huä̧jä̧ttö̧? Ja̧u̧ ubo ucuru ppä'ädäjirömä adiutä ppä̧dä̧cuä̧huä̧cua̧." Ja̧'hua̧nö̧ ja̧'a̧ Rutmä kimiyajuru ji'ähuinä̧ju̧ kaditäjome cuähuä ka̧cuo̧mȩ u̧ru̧hua̧ ötö'cö. Jahuäjumä pä'inäju̧: Jitä mo̧ro̧ chaditäjome pätta u̧ru̧hua̧mä̧ Booz pä'ö mi̧cua̧. ²⁰ Noemímä kö̧jo̧ri̧jö̧rö̧ pä'inäju̧: TÖ̧Ä̧NÄ̧HUA̧TÄ̧ adiu ppä̧dä̧cua̧ ja̧u̧mä̧, ujutu a̧'cua̧rä̧tö̧rö̧ cädio'oca'a ppä'ädö 'corujuo'ächinä̧tö̧rö̧ ppädi'änöta'anö ." Noemímä pä'inäju̧: "Ja̧u̧ ubomä̧ ujutu tö'cö ta̧hua̧ru̧hua̧ ja̧'a̧, ujutu tö'cö tahuaruhuä surojuttö rä'epö icuätöttö ya̧tȩ." ²¹ Moab ttö̧ja̧isaju Rut päinäju̧:" Ja̧hua̧nö̧ ja̧'a̧nä̧'i̧nä̧ päinäcua̧sä̧: Ucumä ttö chumuhuäyotö u̧mä̧tö̧ ttaditome tö'cönänö kä̧huijó, o'ca juiyönä chucuäcuähuä 'to'ö cättädome jubu." ²² Noemí köjo̧ríju̧ Rutrö pä'inäju̧: "Adihua'a chittiju, Jahuätö nä̧tö̧ muäyotucu rä'opu cuadita'amä̧, koromȩcu̧ cuaditötömä suronä me'to̧pä̧ra̧'a̧cu̧." ²³ Ja̧hua̧nö̧ ja̧'a̧nä̧ jahuäjumä Booz u̧mu̧huäyotö nä̧tö̧ u̧huä̧ju o̧tȩ ca̧ca̧cuä̧tu adicuä ttö̧ja̧cutä̧ ki̧'i̧pinä̧ju cebada uhuju'i̧nä̧ ja̧hua̧ta̧nö̧ trigo u̧huäju'inä̧ beipächome jubu. Ja̧hua̧nö̧ ja̧'a̧nä̧ jahuämä̧ kimi̧yajucutä kinä̧ju.