¹ Ttö ubomä topusä TÖ̧Ä̧NÄ̧HUA̧ i̧so̧'quȩnä̧ cuä'ö ro̧ȩpa̧'a̧ ami suräcu. ² JA̧U̧ ttörö rä'epu icuinö yo̧mȩcu̧tä̧ chi̧'cha̧ pä'ö tȩa̧hua̧mȩcu̧ chi̧'cha̧juäimä. ³ Jueönämä JA̧U̧ ttö cha̧bo̧cha̧ cua̧rö̧nä̧tä̧ ro̧ȩpä̧cu̧sä̧ 'cuäopunätä̧, mo̧ro̧ttö̧mä̧ o'cajuiyönätä̧. ⁴ Jȩpi̧nö̧ chidepä'inä ja̧'hua̧ta̧nö̧ chi̧jȩta̧'i̧nä̧ buäcuächönä; ja̧'hua̧ta̧nö̧ chihue'quiyu'inä tte'chö icuinö. ⁵ Ötahuiyä ttörohuähua pä'ö ttö'epu ttu̧ju̧nä'a̧ jä̧'i̧nö̧'anö ttö'epu u̧ju̧ni̧nä̧cu̧sä̧, ja̧'hua̧ta̧nö̧ ttöepinäcu̧sä̧ rädopu juiyönä cha̧'cua̧ tta̧dȩcu̧nä̧tä̧. ⁶ JA̧U̧ jȩpi̧nö̧ ttörö yo̧ö̧ o̧du̧nä̧tä̧ chö̧jö̧nä̧, jitö tabo'cö 'coru juoächinättö̧ 'cua̧rö̧nä̧tä̧. ⁷ JA̧U̧MÄ̧ ttöehuä o'cattö ttö'epu u̧ju̧ni̧nä̧cu̧sä̧ tödipächö juiyönä. Cärenäsa ämäcäsanä huötopu ti̧'ä̧dö̧ u̧ju̧ni̧nä̧cu̧sä̧ ⁸ ja̧'hua̧ta̧'a̧nö̧ ppädattö pä'ö jädepa'anä'i̧nä̧, JA̧U̧MÄ̧ ä̧ju̧cuo̧co̧cu̧ pinösä̧. ⁹ Ja̧u̧mä̧ chu̧mä̧nä̧ inäduttu 'quiyönä 'co̧'chö̧ tto'epäji; ja̧hua̧nö̧ jȩpö̧ chu̧mä̧nö̧ jäyäcu huö'epö icuäji. ¹⁰ Aje yähui abota pä'ö tta̧'a̧rö̧ ö̧'o̧mȩ jä̧'i̧nö̧'a̧nö̧, mö yähui daja hui'ö ö̧'o̧mȩ jä̧'i̧nö̧'a̧nö̧; ¹¹ Ja̧'hua̧nö̧ jȩpä̧ji̧ chu̧mä̧nä̧ huo'epö icumä, ja̧'hua̧nö̧tä̧ usurä'i̧sa̧ padi'önä jȩä̧cu̧sä̧. ¹² U'popobö setädö ttörö pätetinö 'po'o bönä 'poa pä'ö. ¹³ 'Qui̧ttä̧na̧nä̧ ȩnä̧ro̧mȩnttö̧ u̧'po̧pa̧ri̧ 'cho'ähuo'ö chu̧cuä̧ba̧ jacuä doächi'önä 'poinäcu̧sä̧. ¹⁴ ja̧'hua̧nö̧ jo̧mȩnä̧ ötahuiyä ttö̧ja̧ ya̧ttä̧huä̧'chö̧nä̧tä̧ pärohuächinösä̧, cuäopönä mo̧ro̧ ya̧ttä̧huä̧'chi̧nä̧cu̧sä̧. ¹⁵ Cha̧'cua̧tta̧'ȩcuä̧chi̧nö̧sä̧ Ja̧'hua̧nö̧ jä̧cu̧ ahuinösä̧ reo juäi dauttu adicuä. ¹⁶ Juo̧u̧mä̧ pä̧i̧cu̧nä̧ ppu̧ro̧pu̧ icuinäcu̧sä̧ chacupiyä; juo̧nö̧ o'caa kiopu icuinäcu̧sä̧ rȩjȩcu̧. ¹⁷ Cha̧'cua̧rö̧'i̧nä̧ huȩnȩ́ juiyönämä jui̧a̧sä̧; eseu kä̧cuä̧huä̧mä̧ unuchi'inösä̧. ¹⁸ Ja̧'hua̧ta̧'a̧nö̧ ttö pä'ösä: chu̧ju̧ru̧'i̧nä̧ tta̧dä̧rö̧'i̧nä̧ toe poächinaa ¡TÖ̧Ä̧NÄHUA̧! ¹⁹ Ttö cuedächinö o̧dö̧nä̧ ja̧'hua̧ta̧'a̧nö̧ chusurähuinö'inä, chöjö'quiyönä jä̧cu̧sä̧. ²⁰ Ttö 'cuäopunätä̧ amucuädösä cha̧'cua̧nä̧mä̧ däje peö jȩchi̧na̧'a̧ttö̧. ²¹ Ja̧'hua̧nö̧ ja̧'a̧nä̧ pi̧yȩmä̧ ttö amucuädösä tta̧ä̧rö̧kä̧nö̧ ji̧yȩtȩ. ²² TÖ̧Ä̧NÄ̧HUA̧ jueönä eseu repeömä yorö'iso beipächocö ja̧'hua̧ta̧'a̧nö̧ rȩrö̧jö̧nö̧ toömä beipächocö, ²³ Mo̧ro̧ji̧nö̧'a̧cuä̧ jähuätömä jarepätö ja̧'a̧; Ucu päcuinö̧'a̧nö̧tä̧ jȩ'cu̧mä̧ rö̧ä̧ö̧ ja̧'a̧. ²⁴ "Ttömä pä'inö̧sä̧ CHÖ̧Ä̧NÄ̧HUA̧TÄ̧ ja̧'a̧ ttörö i̧yä̧huä̧cuȩ jö̧nä̧ hua̧mä̧", ja̧'hua̧nö̧ jo̧mȩttö̧ ja̧u̧rö̧tä̧ tta̧dä̧rä̧cua̧sä̧. ²⁵ TÖ̧Ä̧NÄ̧HUA̧MÄ̧ adihuä i̧sa̧ ja̧'a̧ jitö churutä tta̧'ä̧rä̧tö̧rö̧mä̧, chu Ja̧u̧rö̧ usurumä. ²⁶ Juiyo adihua'a 'corujueinä TÖ̧Ä̧NÄ̧HUA̧TTÖ̧ ki̧'ä̧cuä̧huä̧ tta̧huä̧rä̧cuä̧huä̧nä̧mä̧. ²⁷ Juiyo adihua'a mö̧ä̧ya̧ jä̧i̧tä̧ usurä ȩmä̧huo̧mȩnä̧mä̧. ²⁸ 'Corujueinä katätä ttö̧ȩjä̧ma̧ hue'itö, Diostä ja̧'a̧ttö̧ usurä ttȩma̧u̧nä̧ jȩpä̧ji̧mä̧. ²⁹ Ttä rȩjȩcu̧ i̧sa̧ppȩnä̧ ja̧rȩyu̧ pätti'önä̧ hue'itö, ji̧nä̧ tta̧huä̧rä̧cuä̧huä̧mä̧ ka̧'a̧ 'cua̧ra̧'a̧. ³⁰ Cui'ebabanä ppettopa'anä̧ iyähui, ja̧'hua̧ta̧'a̧nö̧ eseäcuähuocötä rö̧ä̧cha̧'a̧nä̧ iyähui. ³¹ Isopäi'önä TÖ̧Ä̧NÄ̧HUA̧MÄ̧ 'cuäopönä̧mä̧ ya'ocuocö jä̧cua̧, ³² ja̧'hua̧nö̧ ja̧'a̧ Ja̧u̧mä̧ baraunä jȩpö̧, Ja̧u̧mä̧ chutä rö̧ä̧nä̧ repeö päö'a̧cuä̧tä̧ rȩrö̧jö̧nö̧ to̧ä̧cua̧. ³³ Ja̧'hua̧ta̧'a̧nö̧ ja̧u̧mä̧ surojuoepa'a usurä ttȩma̧u̧nä̧mä̧ jȩpo̧cö̧ pi̧jä̧ ttö̧ja̧rö̧mä̧. ³⁴ O'catoi'önä pi̧jä̧nä̧ttö̧ cärenä pȩjä̧tö̧rö̧mä̧ kȩdö̧ icua pä'ö ö̧jä̧pö̧ dȩa̧'a̧mä̧ rutähuocö, ³⁵ Ya̧tȩ adiunä jȩä̧cuä̧huä̧ mo̧ro̧jä̧nä̧ kö̧ ä'ca jo̧mȩttö̧ ä̧ppö̧tä̧ra̧ pä'ömä, ³⁶ ttö̧ja̧sa̧ adiunä jȩö̧ ä̧ppö̧tä̧rö̧ttö̧mä̧, ¡Ja̧u̧mä̧ TÖ̧Ä̧NÄ̧HUA̧MÄ̧ ja̧u̧ jueimä jȩpi̧ päa pä'ömä juiya'a! ³⁹ ¿ Dijä̧ttö̧ TÖ̧Ä̧NÄ̧HUA̧ pä'ö u̧ju̧nö̧'ca̧'a̧nä̧ pä'öanö juä̧'a̧mä̧? ³⁷ ¿Mo̧rä̧ ku̧ö̧ ättötämä̧ icho'ca'a todärecuänä̧mä̧, usurä ȩmä̧cuä̧'i̧nä̧ ja̧'hua̧tä̧nö̧ adihuäjue'inä̧? ³⁸ ¿'tä̧'a̧nö̧ pä'ö a̧cua̧rö̧ ka̧nö̧mä̧ pä'ächo̧ ö̧ja̧nö̧ ya̧tȩmä̧? ¿ tocu pä'ö ya̧tȩ ttö̧jo̧sä̧mä̧ pächo ja̧'a̧nö̧ ja̧'a̧ttö̧ surönä jȩ'ä̧i̧ ro̧ȩ po̧mȩnä̧mä̧? ^{42 40} ja̧'ä̧tä̧ topittö ujututä tä̧mu̧nä̧ pä̧jä̧ttö̧ ti̧cho̧mȩ punä̧ kä̧cu̧mo̧ totähuäcua'anä̧, TÖ̧Ä̧NÄ̧HUA̧CU̧ ppä̧tä̧cho̧mȩbu pä'iönä̧. ⁴¹ Ja̧'a̧tä̧ topittö Dios mo̧ro̧jä̧rä̧ ku̧ u̧ja̧cu̧ 'ta̧mi̧'isoqui'inä̧ tu̧mo̧'i̧nä̧ käepättöjä̧: 2 ujutumä̧ hui̧nä̧tö̧jä̧ uhuotähuäjuiyunätä̧ jarodinä̧tö̧jä̧, ja̧'hua̧nö̧ ja̧'a̧ttö̧ ucumä̧ surönä jȩpo̧'co̧tö̧ jo̧nä̧mä̧ topo'co pi̧nö̧jä̧. ⁴³ ucutä cuä̧mo̧nä̧tä̧ 'toecuäcuä huinö̧jä̧ cuä̧'i̧nä̧tä̧ ja̧'hua̧nö̧ jȩpo̧ 'to'canä̧ rujuinö̧jä̧, ja̧'hua̧nö̧ jȩpo̧ cuä'ähuo icuinö̧ suronä jȩpo̧'co̧tö̧ ju̧nä̧mä̧ topo'co pinö̧ja̧. ⁴⁴ Dajahuächöjä ajiya isoppanä ujutu jätepu ucuru rä̧bȩu̧ juiyönä. ⁴⁵ Ototä do'opu cui̧cuä̧u̧jä̧ idicu 'cua̧rö̧nä̧tä̧ ja̧'hua̧ta̧nö̧ tti̧rȩji̧yä̧ttö̧mä̧ ttöjö'cö juiyönä̧tä̧. ⁴⁶ Tabo'iyotö o'catoi'önä suronätä̧ pä̧ttä̧u̧jä̧, ⁴⁷ Yetecutä su̧ppȩ päi'inä tä'cö 'chu'ädö ku̧nä̧huo̧tö̧tä̧ huotöjä si'epu tticua pä'ö. ⁴⁸ Chi̧'chȩrȩja̧mä̧ hurächäcusä aje hurächa'a jä̧'i̧nö̧'a̧nö̧ chahuäruhuä tötte'a'a tochomenä. ⁴⁹ Ttö chiäre isoya mo̧'ö̧ kä̧cua̧'a̧ 'cuächö juiyönä; adiu juiyönä̧tä̧, ⁵⁰ JA̧U̧ rȩjȩcu̧ to'omejobu 'cä'ädö ja̧'hua̧ta̧nö̧ TÖ̧Ä̧NÄ̧HUA̧ mo̧ro̧jä̧ra̧'a̧ttö̧ to'omejobu. ⁵¹ Tochomenä juiyó barahua'a ötahuiyä ttä̧ja̧ tti̧tti̧mö̧rö̧. ⁵² Chabo iyotömä koro'inä jȩcho̧ca̧'a̧nä̧ Ppiyuhuärö 'chuttäda'a jä̧'i̧nö̧'a̧nö̧ 'chuttädäcusä. ⁵³ Ja'huätömä reju jacuä tticuinäcu̧sä̧ ja̧'hua̧nö̧ icu chu̧huä̧mȩ inädu icuähuinätö̧, ⁵⁴ ajiyamä chu jo̧mȩ rä̧bȩhui̧na̧'a̧. Ttö pä'inäsä̧: "¡Täcö pȩnȩ jubutä rä̧bȩu̧sä̧!" ⁵⁵ Cui̧mi̧ huopimösä̧, CHÖ̧Ä̧NÄ̧HUA̧, reju täcua'a jacuättö. ⁵⁶ UCUMÄ chi̧huȩnȩ ä̧ju̧cuä̧ji̧jä̧ pa̧'a̧nö̧ päda'a: "ppäcuädattö pä'ö huocha'amä cuä̧ju̧cuo̧ca̧'a̧mä̧ yȩcu̧'ä̧ttö̧." ⁵⁷ UCUMÄ chötö'cö ichinäjä̧ ji̧yȩnö̧ mo̧ro̧ ucuru huochinömä; UCU pä'inöjä: "Yecuecuä." ⁵⁸ ¡TÖ̧Ä̧NÄHUA̧, Ttö huȩnȩ́ chömä̧ ppäcuädinäcu̧sä̧, cha̧'cua̧rö̧'inä ki̧ö̧nä̧! ⁵⁹ TÖ̧Ä̧NÄHUA̧, topinöjä̧ suronä jȩtti̧nö̧mä̧ ttörö jähuätö; ucuru adihuomenätä̧ jȩpi̧ttö̧. ⁶⁰ Ucumä topäjiyä ttöjö'cocumä, o'cajuiyönä to̧ttä̧rö̧mä̧ kö'co'cotö ttörömä, ⁶¹ Ucumä ä̧ju̧cuä̧ji̧yä̧ ttöjö'cocumä, TÖ̧Ä̧NÄHUA̧, ja̧'hua̧ta̧'a̧nö̧ o'cajuiyönä jȩtta̧ peö ttämucuädö'inä ttörö. ⁶² Jähuätö toicu ttöcuocumä ttänä ttörö, ja̧'hua̧ta̧'a̧nö̧ huȩnȩtä̧rö̧ ttöcuocu'inä, 'cuäpunä moró̧ jo̧a̧cuä̧tä̧ ichaa ttörö ttöjö'cocötä. ⁶³ Topi jähuätö tti̧ä̧mä̧dö̧'i̧nä̧ tti̧jä̧mä̧dö̧'i̧nä̧; jähuätö rä̧ttö̧mä̧ ttörötä ya̧a̧huä̧'chö̧tä̧ ya̧a̧huä̧'chä̧tö̧. ⁶⁴ TÖ̧Ä̧NÄ̧HUA̧, jahuätö jȩtti̧nö̧'a̧cuä̧tä̧ jȩpi̧tö̧. ⁶⁵ ¡Ucumä ttamiso'qui dä'ätuhuönä̧tä̧ jȩ'cuä̧cua̧jä̧! ¡Ucu suronä jȩtti̧nö̧ mi̧cuämä jahuätörötä ma̧ä̧ma̧jä̧! ⁶⁶ ¡Ucumä cu̧'ä̧i̧nä̧tä̧ ru'itö mo̧ro̧jä̧ dȩa̧'a̧ ka̧cuä̧tö̧rö̧mä̧ si'epö icui, TÖ̧Ä̧NÄ̧HUA̧!