¹ TÖ̧Ä̧NÄ̧HUÄ̧MÄ̧ Sión ittijuru a̧tto̧pi̧nö̧ ö̧'ä̧i̧ isoppa ajiya isoppänä̧. Ja̧u̧mä̧ Israel ttö̧ja̧ ttöadihuä mo̧ro̧jä̧ttö̧'i̧nä̧ rȩjȩ jubö päi'önä jȩpö̧ icuinä̧u̧. Ö̧ra̧huä̧ri̧'ö̧ mo̧ro̧mä̧ ö̧jä̧'i̧jo̧mȩ'i̧nä̧ u̧nu̧chi̧'i̧nö̧. ² TÖ̧Ä̧NÄ̧HUA̧MÄ̧ remä̧ ö̧jo̧ca̧'a̧tä̧ Jacob ahuaruhuärömä o'catoi'önä̧rö̧tä̧ si'epö icuinö̧. Ja̧u̧ ö̧ra̧huä̧rö̧ mo̧ro̧mä̧, Ja̧u̧mä̧ Judá ittiju kidepiyu ttoecuä'canä̧jä̧ ki'opö icuinö̧; ucuojuiyunä̧ ja̧u̧mä̧ si'epö icuinö ruhuo huehuä'i̧nä̧ ja̧'hua̧ta̧nö̧ ruhuotörö'i̧nä̧. ³ Ro̧ȩi̧nä̧ a̧mi̧surächi'äcumä̧ Israel ttö̧ja̧ ttä̧ja̧ o̧na̧ 'cui'ö icuinö̧. u̧huo̧jua̧'a̧cu̧nä̧ i̧sä̧mu̧mä̧ ȩmö̧ icuinö aboiyotö ttä'cattömä̧. Jacobrömä ku icuinö̧ ocurä ro̧ȩi̧nä̧ du'unä̧ cuoarä jäyänä ka̧cu̧'i̧nä̧ ku icuaränä. ⁴ Ttaboi̧ya̧ jä̧'i̧nö̧'a̧nö̧ u'popobö ujutu tö̧ja̧cu̧ setädinö, u̧hu̧o̧jua̧'a̧cu̧ i̧sä̧mö̧nä̧mä̧ 'poa pä'ö ji̧na̧'a̧. O'catoi'önä̧rö̧tä̧ cuä'äu icuinö̧ chutä cua'ö icua pä'ö esehuä̧u̧rö̧mä̧, Sión ittiju kojusodettömä; ja̧'hua̧ta̧nö̧ Ja̧u̧ a̧misurömä̧ ocurä jä̧'i̧nö̧'a̧nö̧ jö̧nä̧ huerächina'a̧. ⁵ CHÖ̧Ä̧NÄ̧HUA̧MÄ̧ chabo i̧ya̧ hua̧. JA̧U̧MÄ̧ o'cajuiyönä Israel ttö̧ja̧ tturuhuo ode'inä siepu icuinö. JA̧U̧MÄ̧ ja'huätö ttujuru'inä si'epu icuinö . Tta̧'cua̧ tta̧'ȩcu̧ a̧jahuäcuäcuätä rö̧ä̧ö̧nä̧ jȩi̧nä̧u̧ Judá ittiju jahuättömä. ⁶ Chutä ö̧jode'inä siepu'icuinö isode ttö̧ä̧huode 'cuarönätä. Ja̧'hua̧ta̧nö̧ siepu'icuinö ucuo kö̧nä̧ ucuocuähuome'inä. TÖ̧Ä̧NÄ̧HUA̧ siepö'icuinö ttunichi'a pä'ö todäre jo̧mȩ Siónttö̧, ucuotönö ucuohuähuäcuome'inä ja̧'hua̧ta̧nö̧ 'cuächäcuähuä mo̧ro̧'i̧nä̧, pi̧yȩ öjö'cö huiyönä ja̧'a̧ttö̧ ru̧hua̧rö̧'i̧nä̧ ja̧'hua̧ta̧nö̧ sacerdote hua̧rö̧'i̧nä̧ juiyo amisunä ja̧'a̧ttö̧. ⁷ TÖ̧Ä̧NÄ̧HUA̧ surojö jui̧'a̧ ö̧jo̧mȩ'i̧nä̧ kö'cocö pinö . Ja̧'hua̧nö̧ ja̧'a̧ttö̧ JA̧U̧MÄ̧ ttäbo iyotö ttumunä iyinö ttoju ode adiu'inä. Ja̧'hua̧nö̧ jä̧u̧ jahuätö huopö ajuäunö jä'epinä̧tö̧ TÖ̧Ä̧NÄ̧HUA̧ ojusodettö, pä'cäri jȩttö̧ mo̧ro̧ 'cua̧rö̧nä̧. ⁸ CHÖ̧Ä̧NÄ̧HUA̧ si'epö icua pä'äjin Sión ittiju ötahuiyä ttoecuä̧'ca. Ja̧u̧mä jo̧mȩnö̧tä̧ pa̧ja̧tö̧ ku̧nä̧ji̧ ja̧'hua̧nö̧ ja̧'a̧ttö̧ chutä u̧mu̧nä̧tä̧ si'epö icuäji ttoecuo'camä. Ja̧'hua̧nö̧ ja̧'a̧ttö̧ ja̧u̧ru̧mä̧ micuähuoca'a jä̧'a̧ ttoecuä o'camä; ja̧u̧mä̧ yoräteunätä̧ micuähuoca'a ja̧u̧ru̧mä̧. ⁹ Apatiyä'inä rȩjȩtä̧ rȩä̧chi̧'ä̧ ja̧'a̧; Chutä si'epö icuäji ja̧'hua̧nö̧tä̧ apatiyä yö̧ȩpä̧rö̧ o'ca'inä. Ruhuotömä ja̧'hua̧ta̧'a̧nö̧ ruhuotö tti̧tti̧mö̧'i̧nä̧ korotö tti̧rȩjä̧ du̧nä̧tä̧ cue'ächö ko̧cuä̧tö̧, hueähuä huȩnȩ'i̧nä̧ juiya'a ja̧'hua̧ta̧'a̧nö̧ tturuhuotä Dios pä'ö ji'ähuätö'inä po̧cui̧po̧co̧tö̧ TÖ̧Ä̧NÄ̧HUA̧ päömä. ¹⁰ Sión kittiju ki̧tti̧mö̧ tä̧mu̧'i̧nä̧ 'corujueinätä̧ rȩjȩ pȩjä̧tö̧. Ja'huätömä ttunä i̧sa̧ppȩ huä̧nä̧huä̧'chö̧ ja̧'hua̧ta̧'a̧nö̧ ttö̧'ca̧tä̧huä̧ oppi idicu 'ca̧tä̧huä̧'chi̧nä̧tö̧. Jerusalenttö nätö̧ uborö jerupätömä ttu ja̧rȩyu̧nu̧ päi'önä jȩpi̧nä̧tö̧. ¹¹ Chi'cherȩja̧mä̧ jäyä pä'inaa; chi'cäbiyu jacuätö'inä boreina̧a̧; chidepä jacuättö rȩjȩcö̧ dahuipina̧a̧ ro̧ȩcuä̧cho̧mȩnä̧ chidepiyu ittijuru, ötähuiyä mäniyä̧tö̧mä̧ pä'ö huäpächä ttö'inä hua'ö icuätö. ¹² jähuätö tta̧ju̧tu̧rö̧ päätö: ¿tené ka̧a̧ttö̧ u̧huä̧ju̧ otemä uva isoya'inä? jähuätö jiyupächätö ötahuiyä mäniyä̧nä̧ ya̧tȩ ttö̧ja̧'i̧sä̧ ta'ö tticuäcu ijiyuhuächaa ja̧i̧nö̧'a̧nö̧, tta̧ju̧tu̧ ttä'cattö tta̧'cua̧rö̧mä̧ ro̧ȩcuo̧tö̧. ¹³ ¿Tta̧'a̧nö̧ pädäcu ucuru, Jerusalén ittijurumä? ¿ti̧yȩcu̧ yoretö tochäcu, tta̧a̧nö̧ ppädädäcu, ubocu'inä suronä cuäopocoju Sión ittijurumä? Ucú cuttamä juiyo rö̧a̧a̧mä̧ ajé deähuotota'anö. ¿Ditäcö̧ ucuru aditö icujimä? ¹⁴ Ucuru ja̧cuȩi̧ jiähuätömä yaparetä topinätö̧ ucuru micuähuocö ja̧i̧nö̧a̧nö̧tä̧. Ucú suronä jȩcu̧mä̧ jähuätömä jiähuocotö pinätö̧ adihuäjuei cuesetiyatö peömä, ja̧'hua̧nö̧ ja̧'a̧nä̧ ucunä jähuätömä jiähuä'chä'ijätö yapareäcuähuätä. ¹⁵ O'catoi'önä juȩnȩ mä̧nä̧nä̧ 'chä̧tö̧mä̧ ttu̧mö̧ 'pȩ'ä̧tö̧ ucurumä. Jahuätömä ya̧'a̧huȩ'ö̧ ja̧'hua̧ta̧'a̧nö̧ ttupiyä poripori jȩpö̧ Jerusalén ittijurumä̧ pä'ätö: "¿Pi̧yȩ ötahuiyämä jo̧ca̧'a̧ ji̧na̧'a̧ jo̧mȩnö̧ öädihuä ki̧no̧mȩmä̧, ja̧huä̧jä̧ jä̧ttä̧jä̧ ttȩsȩhui̧nä̧jä̧mä̧? ¹⁶ Ttaboiyotömä o'catoi'önä̧ ttämä ba'epätö ja̧'hua̧nö̧ ba'epö suronä ucuocuätö ucurumä̧. Jahuätö ku'cö jui'ömä ucuocuätö ja̧'hua̧ta̧'a̧nö̧ ttacu norömä pä'ätö: "¡Jahuätörö ra'ädi'inä̧tö̧jä̧! ¡Pi̧yȩ mo̧ro̧ ja̧'a̧ ujutu tta̧tä̧rä̧'i̧jö̧ mo̧ro̧mä̧! ¡Ja̧u̧rö̧ tota pä'ö ka̧cuä̧tö̧jä̧! ¹⁷ TÖ̧Ä̧NÄ̧HUA̧ adita pä'ö a̧mö̧cuädö u̧ju̧ni̧nö̧mä̧ jȩpi̧nö̧. Päinö̧mä̧ jo̧mȩnö̧tä̧ jȩpi̧nö̧. Ja̧u̧mä̧ re'i̧nä̧ ö̧jo̧ca̧'a̧tä̧ kä'ö icuinä̧cu̧jä̧, ja̧'hua̧nö̧ ja̧'a̧ cuaboi̧ya̧ ucuru eseunä̧ jȩi̧nä̧cu̧jä̧; Ja̧u̧mä̧ cuaboi̧ya̧ ä̧jä̧sä̧nä̧ äräbe'ö ku̧ni̧nö̧. ¹⁸ ¡Ttamiso'quimä TÖ̧Ä̧NÄ̧HUA̧RÖ̧ huoa'a, Sión ittijuru tto̧ȩpäräbärö! Tti̧'chȩrejamä̧ aje mo̧ro̧'i̧nä̧ yodo'i̧nä̧ räopa'a jä̧'i̧nö̧'a̧nö̧ räopönä jȩpi̧tö̧. Ucututä cua̧mö̧nä̧ pa̧ja̧tö̧ cua̧'cua̧ cuȩmä̧tu̧cu̧nä̧mä̧ jȩ'cuä̧cuä̧huä̧tu̧cuä̧, cui'äretucu'i̧nä̧ a̧'cua̧ ȩmö̧nä̧mä̧. ¹⁹ ¡Ä̧rä̧mi̧'ö̧, yodo huopi, yodo ä̧cuo̧mȩnä̧ to̧'cuä̧ro̧mȩttö̧ kä̧mä̧dö̧! TÖ̧Ä̧NÄ̧HUA̧ ä'ca jo̧mȩttö̧ cuamiso'qui huerächönä jȩpi̧ ajiya hueracha'a jä̧'i̧nö̧'a̧nö̧. Ja̧u̧ ö̧ja̧'a̧cu̧ cu̧mö̧pi̧yä̧ cä'epi cui̧tti̧mö̧ ppäittö mäniyä̧ jö̧ta̧'a̧nö̧ 'corujuo'ächö pȩjä̧tö̧rö̧." ²⁰ Topittö, TÖ̧Ä̧NÄ̧HUA̧, a̧mö̧cuädi jitö ja̧'hua̧nö̧ jȩpä̧'i̧jä̧tö̧rö̧. ¿Nä̧tö̧mä̧ ttöacuä u̧huä̧ju̧ ttucu'anö̧, tti̧tti̧mö̧ adiu tta̧ttä̧rä̧'i̧jä̧u̧rö̧mä̧? ¿Sacerdotetö̧rö̧'i̧nä̧, profetatö̧rö̧'i̧nä̧ TÖ̧Ä̧NÄ̧HUA̧ ö̧jo̧dettö cuä'äu tticu'anö tä̧ji̧? ²¹ Mu̧ä̧ya̧'i̧nä̧, bö̧o̧sa̧'i̧nä̧ yoräteu̧nä̧tä̧ mä̧ni̧yä̧ tȩa̧ppȩnä̧ cuä'ipö u̧'u̧ttö̧mä̧. Tto chu̧mö̧huäyotö nä̧tö̧ mu̧ä̧yotö'i̧nä̧ u̧mä̧tö̧ mu̧äyotö'inä̧ curä'chunä cuä'äu tticuinä̧u̧; Ucumä̧ jahuätörö re juiyunä̧tä̧ cuä'äju icuinöjä̧. ²² Ucumä̧ a̧tȩpi̧nö̧jä̧, ji̧yȩtȩ pä'carinä̧ tticha̧ pä'ö ja̧'i̧nö̧'a̧nö̧ jö̧nä̧, ttörö tturohuähuäcuotömä o'cajuiyötä ka̧cuä̧tö̧. TÖ̧Ä̧NÄ̧HUA̧ a̧misurächi'ö mo̧ro̧mä̧ ya̧tȩ'i̧nä̧ tö'ipächocö pinö̧cö̧, totte'ächa'anä'i̧nä̧ ki̧'o̧cö̧ pi̧nö̧cö̧; Jitö chu'utädi̧nä̧u̧rö̧mä̧ ja̧'hua̧ta̧'a̧nö̧ ttu̧cuȩ'i̧nä̧ chi̧yi̧nä̧u̧rö̧mä̧ chaboi̧ya̧tä̧ si'epö icuinö̧.