1 Ja̧'hua̧nö̧ ja̧'a̧ Leví ö̧tä̧mö̧ mi̧nä̧ttö̧ ahuaruhuä tturuhuotömä Sacerdote Eleazar'i̧nä̧ Nun i̧tti̧ Josué'i̧nä̧ ja̧'hua̧ta̧nö̧ Israel ttö̧ja̧cuo̧mȩ jacuättömä ttö̧tä̧mö̧ mi̧nä̧ttö̧ ttahuaruhuä tturuhuotö'i̧nä̧ ttö̧jo̧mȩcu̧ ichi'ö. 2 pä'inä̧tö̧ jahuätörö Canaán rȩjȩttö̧ Silottömä̧: TÖ̧Ä̧NÄ̧HUA̧MÄ̧ hue'inö Moisésnämä, ujutu ttö̧jä̧cuo̧mȩ tä̧ji̧mö̧ ttucuä'cua'i̧nä̧ ko̧mȩ cuiya pä'ö. 3 Ja̧'ha̧nö̧tä̧ TÖ̧Ä̧NÄ̧HUA̧ hueähuänä Israel ttö̧ja̧mä̧ Leví ahuaruhuärumä tti̧rȩjä̧'i̧nä̧ ja̧'hua̧ta̧nö̧ ttä̧ji̧mä̧ ttucuä'cua ko̧mȩ'i̧nä̧ tti̧yi̧nä̧u̧. 4 Ja̧'hua̧nö̧ ja̧'a̧ttö̧ pa̧'a̧nö̧tä̧ pätecuächina̧'a̧ icu tottomenä Coat ö̧ta̧mö̧ mi̧nä̧ttö̧ ahuaruhuä sacerdotetö̧ Aarón i̧tti̧mö̧ Leví ahuaruhuärömä, ötahuiypmp trecenö jo̧mȩnä̧ ȩmi̧nä̧tö̧ Judá ahuaruhuä 'cotörö tti̧yi̧nä̧jä̧ttö̧í̧nä̧, Simén ahuaruhuärö tti̧yi̧nä̧jä̧ttö̧'i̧nä̧ ja̧'hua̧ta̧nö̧ Benjamin ahuaruhuäru tti̧yi̧nä̧jä̧ttö̧'i̧nä̧. 5 Coat ahuaruhuä ppä'ächotöttö ka̧cui̧pä̧jä̧tö̧mä̧ icu tottomenä ötahuiyämä dieznö jo̧mȩnä̧ ȩmi̧nä̧tö̧, Efraín ahuaruhuä tti̧rȩjä̧ttö̧'i̧nä̧, Dan ahuaruhuä tti̧rȩjä̧ttö̧'i̧nä̧ ja̧'hua̧ta̧nö̧ Manasés ahuaruhuättö ppä'ächotö tti̧rȩjä̧ttö̧'i̧nä̧. 6 Ja̧'hua̧ta̧nö̧ Gersón i̧tti̧mö̧rö̧mä̧ iyähui'ina'a icu tottomenämä ötahuiyämä trecenö jo̧mȩnä̧ Isacar ahuaruhuä tti̧rȩjä̧ttö̧'i̧nä̧, Aser ahuaruhuä tti̧rȩjä̧ttö̧'i̧nä̧, Neftalí ahuaruhuä tti̧rȩjä̧ttö̧'i̧nä̧ ja̧'hua̧ta̧nö̧ Basan ötahuiyättömä Manasés ahuaruhuä tti̧rȩjä̧ttö̧'i̧nä̧. 7 Merari i̧tti̧mö̧rö̧mä̧ iyähui'ina'a ötahuiyämä docenö̧ jo̧mȩtä̧, Rubén ahuaruhuä tti̧rȩjä̧ttö̧'i̧nä̧, Gad ahuaruhuä tti̧rȩjä̧ttö̧'i̧nä̧ ja̧'hua̧ta̧nö̧ Zabulón ahuaruhuä tti̧rȩjä̧ttö̧'i̧nä̧. 8 Israel ttö̧ja̧mä̧ icu topö Leví ahuaruhuärömä tti̧rȩjä̧ iyinätö̧, ttä̧ji̧mö̧ ttucuä'cuacutä, TÖ̧Ä̧NÄ̧HUA̧ Moisésnä hueinöta'anötä̧. 9 Judá ahuaruhuä 'cotörö'i̧nä̧, Simeón ahuaruhuä 'cotörö'i̧nä̧ ja̧u̧ rȩjȩttö̧mä̧ pi̧yȩ ötahuiyä pönä̧tä̧ i̧yä̧hui̧'i̧nä̧u̧, pi̧yȩ ja̧'a̧ ja̧u̧ ötahuiyä imimä. 10 Pi̧yȩ ötahuiyämä Aarón i̧tti̧mö̧ iyähui'ina'a Coat ahuaruhuä ttö̧'cä̧tȩnä̧ ka̧cuä̧tö̧rö̧, jahuätömä Leví ahuaruhuä ji̧na̧'a̧. Isopäi'önä jahuätö ji̧na̧'a̧ ä̧cuo̧mȩnä̧ icu tottomenä pä̧tȩcuä̧chi̧nä̧u̧mä̧. 11 Israel ttö̧ja̧mä̧ Quiriat Arba'i̧nä̧ (Arbamä Anac jä'o ji̧na̧'a̧), juä̧nȩmä̧ Hebrónä ji̧na̧'a̧, Judá mö̧ä̧'ca 'cä̧tȩ jo̧mȩ, isotö ttucuä'cua ko̧mȩ jäyänä. 12 Ja̧'hua̧nö̧ ja̧'a̧nä̧ cuähuä ka̧cuo̧mȩmä̧ ötahuiyä'i̧nä̧ jäyänä huȩju̧ ötahuiyä'i̧nä̧ Jefone i̧tti̧rö̧ i̧rȩjä̧ päi'önä ttiyina ji̧na̧'a̧. 13 Sacerdote Aarón i̧tti̧mö̧rö̧mä̧, Hebrón rȩjȩnä̧tä̧ iyinä̧tö̧, ttäjimö ttucuä'cuacutä ju̧huȩnȩmä̧ dajahuächö ki̧'ä̧cuä̧huä̧ ötahuiyä ji̧na̧'a̧ cuä'ö chicuarö pättoca'anä ttö̧ja̧sa̧rö̧ cuä'ö icuäjätö, ja̧'hua̧ta̧nö̧ Libna ötahuiyä'i̧nä̧ ttä̧ji̧mö̧ ttucuä'cuacu, 14 Jatir ötahuiyä'i̧nä̧ ttä̧ji̧mö̧ ttucuä'cuacu juhua'atäcu Estemoa ötahuiyä'i̧nä̧ ttä̧ji̧mö̧ ttucuä'cuacu. 15 Ja̧'hua̧ta̧nö̧ tti̧yi̧nä̧u̧ Holón ötahuiyä'i̧nä̧ ttä̧ji̧mö̧ ttucuä'cuacu, Debir ötahuiyä'i̧nä̧ ttä̧ji̧mö̧ ttucuä'cuacu, 16 Air ötahuiyä'i̧nä̧ ttä̧ji̧mö̧ ttucuä'cuacu, Juta ötahuiyä'i̧nä̧ ttä̧ji̧mö̧ ttucuä'cuacu ja̧'hua̧ta̧nö̧ Bet semes ötahuiyä'i̧nä̧ ttä̧ji̧mö̧ ttucuä'cuacu. Pitö ta̧ju̧ ttahuaruhuä 'cotörö ttiyinö ötahuiyämä nuevenö jo̧mȩnä̧ ji̧na̧'a̧. 17 Benjamin ahuaruhuä 'cotörömä Gabaón ötahuiyämä ttä̧ji̧mö̧ ttucuä'cuacu ttiyinäu, Geba ötahuiyä'i̧nä̧ ttä̧ji̧mö̧ ttucuä'cuacu, 18 Anatot ötahuiyä'i̧nä̧ ttä̧ji̧mö̧ ttucuä'cuacu ja̧'hua̧ta̧nö̧ Alamón ötahuiyättömä uminä ka̧cu̧ ötahuiyä'i̧nä̧ pa̧ja̧cuä̧nö̧ jo̧mȩnä̧. 19 Aarón i̧tti̧mö̧ sacerdote päi'önä huotörö ttiyinö o'cajuiyönä ttä̧ji̧mö̧ ttucuä'cua ka̧cu̧cu̧mä̧ trecenö jo̧mȩnä̧ ji̧na̧'a̧. 20 Ja̧'hua̧ta̧nö̧ Coat ahuaruhuä ka̧cui̧pä̧jä̧tö̧mä̧, Leví i̧tti̧mö̧ Coat ahuaruhuämä, ttidepiyumä icu topö ttiyina'a ku̧nä̧ri̧nä̧tö̧, Efraín ahuaruhuä tti̧rȩjä̧nä̧ttö̧. 21 Jahuätörömä Siqueäm ötahuiyänä ttä̧ji̧mö̧ ttucuä'cuacutä Efraín mö̧ä̧'canä ttiyinäu, dajahuächö ki̧'ä̧cuä̧huä̧ ötahuiyä'i̧nä̧ cuä'ö chicua pättoca'anä ttö̧ja̧sa̧rö̧ cuä'ö icuätö, Gezer ötahuiyä'i̧nä̧ ttä̧ji̧mö̧ ttucuä'cuacutä, 22 Kibsaim ötahuiyä'i̧nä̧ ttä̧ji̧mö̧ ttucuä'cuacutä ja̧'hua̧ta̧nö̧ Bet Horón ötahuiyä'i̧nä̧ ttä̧ji̧mö̧ ttucuä'cuäcutä, o'cajuiyönämä pa̧ja̧cuä̧nö̧ ötahuiyä ji̧na̧'a̧. 23 Dan ahuaruhuä 'cotörö'i̧nä̧, Coat ahuaruhuä 'cötörö'i̧nä̧ Elteque ötahuiyä ttä̧ji̧mö̧ ttucuä'cuacutä ttiyinäu, 24 Ajalón ötahuiyä'i̧nä̧ ttä̧ji̧mö̧ ttucuä'cuacutä ja̧'hua̧ta̧nö̧ Gat Rimón ötahuiyä'i̧nä̧ ttä̧ji̧mö̧ ttucuä'cuacutä, o'cajuiyönämä pa̧ja̧cuä̧nö̧ ötahuiyä jina̧'a̧. 25 Manasés ahuaruhuä 'cotöttö ppä'ächotö, Coat ahuaruhuä'i̧nä̧ Taanac ötahuiyä ttä̧ji̧mö̧ ttucuä'cuacutä ja̧'hua̧ta̧nö̧ Gat Rimón ötahuiyä'i̧nä̧ ttä̧ji̧mö̧ ttucuä'cuacutä tti̧yi̧nä̧u̧, todäre ötahuiyätä jina'a. 26 Coat ahuaruhuättö ka̧cui̧pä̧tö̧ ttidepiyumä ttä̧ji̧mö̧ ttucuä'cua ka̧cuo̧mȩ o'cajuiyönämä dieznö ötahuiiyä ji̧na̧'a̧. 27 Manasés ahuaruhuä 'cotö'inä, Gersón ahuaruhuä 'cotö'i̧nä̧, pitömä Leví ahuaruhuättö ppä'ächotö ji̧na̧'a̧ jahuätörömä iyinä̧tö̧ Basán rejettömä Golán ötahuiyä ttä̧ji̧mö̧ ttucuä'cuacutä, juȩnȩmä̧ cuä'ö chicuaröjä pättoca'anä cuaä'ö icuäjätö dajahuächö ttö̧jo̧mȩ ötahuiyä jina'a, ppächönämä Beestera ötahuiyä'inä ttä̧ji̧mö̧ ttucuä'cuacutä, o'cajuiyönämä todäre ötahuiyätä ji̧na̧'a̧. 28 Gersón ahuaruhuä 'cotömä Isacar tti̧rȩjä̧nä̧ huȩju̧ ötahuiyä Cisón'i̧nä̧ ttidepiyu päi'önä ȩmi̧nä̧tö̧, ttä̧ji̧mö̧ ttucuä'cuacutä ppächönä, Deberat ötahuiyä'i̧nä̧ ttä̧ji̧mö̧ ttucuä'cuacutä, 29 Jarmut ötahuiyä'i̧nä̧ ttä̧ji̧mö̧ ttucuä'cuacutä, ja̧'hua̧ta̧nö̧ En-ganim ötahuiyä'i̧nä̧ ttä̧ji̧mö̧ ttucuä'cuacutä, pa̧ja̧cuä̧nö̧ ötahuyätä ji̧na̧'a̧. 30 Aser ahuaruhuä 'cotömä Miseal ötahuiyä'i̧nä̧ ttä̧ji̧mö̧ ttucuä'cuacutä, Abdón ötahuiyä'i̧nä̧ ttä̧ji̧mö̧ ttucuä'cuacutä, 31 Helcat ötahuiyä'i̧nä̧ ttä̧ji̧mö̧ ttucuä'cuacutä, ja̧'hua̧ta̧nö̧ Rehob ötahuiyä'i̧nä̧ ttä̧ji̧mö̧ ttucuä'cuacutä, o'cajuiyönä pa̧ja̧cuä̧nö̧ ötahuiyätä ji̧na̧'a̧. 32 Neftalí ahuaruhuä 'cotörömä iyinä̧tö̧ Gersón ahuaruhuä 'cotörömä Galileanämä Cedes ötahuiyä'i̧nä̧ ttä̧ji̧mö̧ ttucuä'cuacutä, ja̧u̧ ötahiyämä ttö̧ja̧sa̧rö̧ cuä'ö tticua pättoca'anä cua'ö icuätö dajahuächö ttö̧jo̧mȩ ötahuiyä ji̧na̧'a̧; Hamot ötahuiyä'i̧nä̧ ttä̧ji̧mö̧ ttucuä'cuacutä, ja̧'hua̧ta̧nö̧ Cartán ötahuiyä'i̧nä̧ ttä̧ji̧mö̧ ttucuä'cuacutä, o'cajuiyönämä tresnö ötahuiyätä ji̧na̧'a̧. 33 O'cajuiyönä ötahuiyämä trecenö̧ ji̧na̧'a̧, Gersón ahuaruhuä o'catoi'önärö iyähui'inomemä ttä̧ji̧mö̧ ttucuä'cuacumä. 34 Leví ahuaruhuättö ppä'ächotö Merari ahuaruhuämärömä, Zabulón ahuaruhuämä iyinä̧tö̧: Jocnea ötahuiyä'i̧nä̧ ttä̧ji̧mö̧ ttucuä'cuacutä, Carta ötahuiyä'i̧nä̧ ttä̧ji̧mö̧ ttucuä'cuacutä, 35 Dinma ötahuiyä'i̧nä̧ ttä̧ji̧mö̧ ttucuä'cuacutä, ja̧'hua̧ta̧nö̧ Naalal ötahuiyä'i̧nä̧ ttä̧ji̧mö̧ ttucuä'cuacutä, o'cajuiyönä ötahuiyämä pa̧ja̧cuä̧nö̧tä̧ ji̧na̧'a̧. 36 Merari ahuaruhuämä, Rubén ahuaruhuä 'cotömä tti̧yi̧nä̧u̧: Beser ötahuiyä'i̧nä̧ ttä̧ji̧mö̧ ttucuä'cuacutä, Jahaza ötahuiyä'i̧nä̧ ttä̧ji̧mö̧ ttucuä'cuacutä, 37 Cademot ötahuiyä'i̧nä̧ ttä̧ji̧mö̧ ttucuä'cuacutä, ja̧'hua̧ta̧nö̧ Mefaat ötahuiyä'i̧nä̧ ttä̧ji̧mö̧ ttucuä'cuacutä, pa̧ja̧cuä̧nö̧ ötahuiyätä ji̧na̧'a̧. 38 Gad ahuaruhuämä iyinä̧tö̧ Ramot ötahuiyä'i̧nä̧ ttä̧ji̧mö̧ ttucuä'cuacutä, ja̧u̧ ötahuiyämä cua'ö tticua pättoca'anä ttö̧ja̧sa̧rö̧ cuä'ö icuäjätö dajahuächö ttö̧jo̧mȩ ji̧na̧'a̧ ja̧'hua̧ta̧nö̧ Mahamain ötahuiyä'i̧nä̧ ttä̧ji̧mö̧ ttucuä'cuacutä. 39 Merari ahuaruhuärömä iyähui'ina'a Hesbón ötahuiyä'i̧nä̧ ttä̧ji̧mö̧ ttucuä'cuacutä ja̧'hua̧ta̧nö̧ Jazer ötahuiyä'i̧nä̧ ttä̧ji̧mö̧ ttucuä'cuacutä, o'cajuiyönä ötahuiyämä pa̧ja̧cuä̧nö̧tä̧ ji̧na̧'a̧. 40 Pi̧yȩ o'cajuiyönä ötahuiyämä Merari ahuaruhuä recuätö ttidepiyu jö̧nä̧ ji̧na̧'a̧, Leví ahuaruhuä 'cotöttömä, o'cajuiyönämä docenö ötahuiyä jo̧mȩnä̧ iyähui'ina'a jahuätö icu tottomenä pätecuächäjimä. 41 Leví ahuaruhuä 'cotömä Israel ttö̧ja̧ tti̧rȩjä̧ttö̧mä̧ kä'co jo̧mȩ päte'ö i̧yä̧hui̧'i̧nä̧u̧, o'cajuiyönämä cuarenta ochonö ö̧ta̧hui̧yä̧ jo̧mȩnä̧ ji̧na̧'a̧ ttä̧ji̧mö̧ ttucuä'cua ka̧cuo̧mȩcu̧mä̧. 42 Pi̧yȩ ji̧yȩcu̧ pönä ötahuiyä jayänämä äjicuäcuähuotö ttucuä'cua ka̧cui̧na̧'a̧. Ja̧'hua̧nö̧ ka̧cui̧na̧'a̧ ötahuiyämä o'cajuiyötä. 43 Ja̧'hua̧nö̧ ja̧'a̧ttö̧ TÖ̧Ä̧NÄ̧HUA̧MÄ̧ Israel ttö̧ja̧rö̧mä̧ ja̧'hua̧nö̧tä̧ iyinö ttö̧tä̧mö̧ mi̧nä̧rö̧ chi̧yä̧cua̧sä̧ pä̧i̧nä̧jä̧ ji̧nä̧jä̧mä̧. Israel ttö̧ja̧mä̧ juä̧jä̧ttö̧ ȩmi̧nä̧ ja̧'hua̧nö̧ ȩmä̧mö̧ ka̧cuä̧mi̧nä̧tö̧ juȩnȩtä̧. 44 Ja̧u̧nu̧ o'ca'a TÖ̧Ä̧NÄ̧HUA̧MÄ̧ 'cuä'ächi'ö ttja̧cu̧nä̧ jȩpi̧nö̧ ttö̧tä̧mö̧ mi̧nä̧rö̧ ja̧'hua̧nö̧ jȩchä̧cua̧sä̧ päinöta'anö. Yorö'isö ttaboiyotö'i̧nä̧ rrohuäumä kä'ö tticuoco̧u̧ pinätö̧. TTÖ̧Ä̧NÄ̧HUA̧MÄ̧ ttaboiyotörömä ttu̧mö̧nä̧tä̧ i̧yi̧nä̧u̧. 45 Ji̧yȩtȩ'i̧nä̧ hueyecuoca'a ji̧na̧'a̧ TÖ̧Ä̧NÄ̧HUA̧ Israel ttö̧ja̧rö̧ adiu jȩchä̧cua̧sä̧ pä'ö ucuocuinö ji̧nö̧mä̧. O'cajuiyötä iso juoina'a.