¹ Todäre päi'önä icuomennä Simeónrö̧ pätecuächina'a ja̧u̧ ahuaruhuättömä yotucunä̧rö̧. Jahuätö tti̧rȩjä̧ päi'önä ttiyinä̧jä̧mä̧ Judá ahuaruhuä 'cotö tti̧rȩjä̧ pä̧cuä̧dä̧jä̧ ji̧na̧'a̧. ² Jahuaätö tti̧rȩjä̧mä̧: Berseba'i̧nä̧, Seba'i̧nä̧, Molada'i̧nä̧, ³ Hazar Sual'i̧nä̧, Bala'i̧nä̧, Ezem'i̧nä̧, ⁴ Eltolad'i̧nä̧, Betul'i̧nä̧ Horma'i̧nä̧. ⁵ Ja̧'hua̧ta̧nö̧ Simeón ahuaruhuä 'cotö tti̧rȩjä̧mä̧ Silcag'i̧nä̧, Bet-marcabot'i̧nä̧, ⁶ Bet-lebaot'i̧nä̧, Saruhén'i̧nä̧. Ja̧u̧ ötahuiyämä trecenö ji̧na̧'a̧ jäyänä huȩjö̧ ötahuiyä ppo̧u̧cu̧mä̧. ⁷ Simeón idepiyu ji̧nö̧mä̧ Ain'i̧nä̧, Remón'i̧nä̧, Eter'i̧nä̧, ja̧'hua̧ta̧nö̧ Asán'i̧nä̧. ⁸ Ja̧u̧ ötahuiyä ppo̧u̧cu̧mä̧ Baalat-beer jubö päi'önä rȩbȩhui̧pö̧nä̧ huȩji̧na̧'a̧ (juȩnȩtä̧ ji̧na̧'a̧ Néguev rȩjȩttö̧ Ramat ötahuiyä hui̧nä̧mȩ'i̧nä̧). Pi̧yȩ pö̧nä̧ i̧yä̧hui̧'i̧nä̧u̧ Simeón ö̧tä̧mö̧ minättö̧ ahuaruhuämä. ⁹ Simeón ahuaruhuäru i̧yä̧hui̧'i̧nä̧jä̧mä̧ Judá ahuaruhuä 'cotö tti̧jȩnä̧ ji̧na̧'a̧. Judá ahuaruhuä 'cotörömä rȩjȩmä̧ rö̧ä̧nä̧ i̧yä̧hui̧'i̧nä̧u̧ jo̧mȩttö̧, Simeón ahuaruhuä 'cotömä Judá ahuaruhuä 'cotö ppä'ächotö tti̧rȩjä̧ttö̧ i̧yä̧hui̧'i̧nä̧u̧. ¹⁰ Huäbodäcuä päi'önä icuomenä Zabulón ahuaruhuä 'cotörö pätecuächina'a ja̧'hua̧ta̧nö̧ ö̧tä̧mö̧ mi̧nä̧rö̧ tti̧yi̧nä̧jä̧tä̧. Ja̧huä̧jä̧ tti̧yi̧nä̧jä̧ ko̧ro̧jä̧cu̧ beipomemä Sarid jubö rȩbȩhui̧'i̧na̧'a̧. ¹¹ a̧huä̧jä̧ tti̧yi̧nä̧jä̧ ko̧ro̧jä̧cu̧ beipome ttu̧huo̧jua̧'a̧cu̧nä̧ttö̧mä̧ Marala jubö rȩbȩhui̧pa̧'a̧nä̧ Debeset rȩjȩcu̧ tö'cö päi'ina'a ja̧'hua̧ta̧nö̧ aje i̧sä̧rä̧ jubö Jocneattömä̧ pä̧tȩcuä̧nö̧ päte'ö jubötä. ¹² Saridttö ko̧ro̧jä̧cu̧ beipomemä kä̧hua̧ räopa'a hui̧sä̧ti̧'ö̧, Quislot Tobarttö̧ ko̧ro̧jä̧cu̧ beipomecu. Juorömä Deberatra̧'a̧cu̧ pä'i'ö, ja̧u̧nu̧ o'ca'amä Jafía jubö beipina'a. ¹³ Juoröttömä̧ kö̧hua̧ räopa'acu 'chä̧nö̧mä̧ Garat Jefera̧'a̧cu̧ 'chi̧na̧'a̧, ja̧'hua̧ta̧nö̧ juoröttö yabocumä Ita-Cazinra̧'a̧cu̧; juhua'a yabocumä Rimónätä̧ hui̧sä̧ti̧'ö̧ Neara̧'a̧cu̧ 'to'opö ru̧nä̧hui̧na̧'a̧. ¹⁴ Ko̧ro̧jä̧cu̧ bipomemä ttu̧huo̧jua̧'a̧cu̧nä̧ suhuato'ö i̧huä̧ji̧ Hanatónra̧'a̧cu̧ ri̧na̧'a̧ ja̧'hua̧nö̧ ja̧'a̧ Jeftettö pämäroppä päi'ome jubötä beipina'a. ¹⁵ Ja̧huä̧jä̧ rȩjȩnä̧mä̧ ötahuiyä huȩji̧nö̧mä̧ Katat'i̧nä̧, Naalal'i̧nä̧, Simrón'i̧nä̧, Idala'i̧nä̧, ja̧'hua̧ta̧nö̧ Belén'i̧nä̧ ji̧na̧'a̧. O'cajuiyönömä docenö ötahiyä ji̧na̧'a̧ ppeyänä ötahuiyä ppo̧u̧cu̧mä̧. ¹⁶ Pi̧yȩ rȩjȩ pö̧nä̧tä̧ i̧yä̧hui̧'i̧nä̧u̧ Zabulón ahuaruhuä 'cotömä ttö̧tä̧mö̧ mi̧nä̧rö̧ iyähui'ina'attö̧mä̧, ötahuiyä'i̧nä̧ ja̧u̧tä̧ ppeyänä huȩju̧cu̧mä̧. ¹⁷ Pa̧ja̧cuä̧nö̧ päi'önä icuomenä Isacar ahuaruhuä 'cotörö pätecuächina'a, ja̧'hua̧ta̧nö̧ ttö̧tä̧mö̧ mi̧nä̧rö̧ i̧yä̧hui̧'i̧nä̧jä̧ttö̧mä̧. ¹⁸ Ötahuiyä ja̧huä̧jä̧nä̧ huȩji̧nö̧mä̧ Jezreel'i̧nä̧, Quesulot'i̧nä̧, Sunem'i̧nä̧, ¹⁹ Hafaraim'i̧nä̧, Sihón'i̧nä̧, Anaharat'i̧nä̧ ji̧na̧'a̧. ²⁰ Ja̧hua̧ta̧nö̧ koro ötahuiyä ji̧nö̧mä̧, Rabit'i̧nä̧, Quisión'i̧nä̧, Abez'i̧nä̧, ²¹ Remet'i̧nä̧, En Ganim'i̧nä̧, En Hada'i̧nä̧ Bet Pases'i̧nä̧ ji̧na̧'a̧. ²² ja̧'hua̧ta̧nö̧ tti̧rȩjä̧ beipome huȩji̧nö̧ ötahuiyämä, Tabor'i̧nä̧, Sahazima'i̧nä̧, Bet Semes'i̧nä̧, ja̧u̧mä̧ Jordán aje jubötä beipina'a. O'cajuiyö ötahuiyämä dieciséisnö jo̧mȩnä̧ ji̧na̧'a̧ ppeyänä huȩju̧cu̧mä̧. ²³ Pi̧yȩ pö̧nä̧tä̧ ji̧na̧'a̧ Isacar ahuaruhuä 'cotörö tti̧rȩjä̧ jö̧nä̧ iyähui'inomemä, ttö̧tä̧mö̧ minärö iyähui'inomettömä, ja̧u̧ ötahuiyänämä ppeyänä huȩju̧'i̧nä̧ ppächi'ina'a. ²⁴ Jimöte jähuä päi'önä icuomenä Aser ahuaruhuä 'cotörö pätecuächina'a, ja̧'hua̧nö̧ ja̧'a̧ttö̧ ttö̧tä̧mö̧ mi̧nä̧ttö̧ ttahuaruhuärö iyähui'ina'a, ²⁵ ja̧huä̧jä̧nö̧ huȩji̧nö̧ ötahuiyämä Helcat'i̧nä̧, Halí'i̧nä̧, Beten'i̧nä̧, Acsaf'i̧nä̧, ²⁶ Alamelec'i̧nä̧, Amad'i̧nä̧, Miseal'i̧nä̧ ji̧na̧'a̧. Kä̧hua̧ ma̧ä̧cha̧'a̧cu̧ttö̧mä̧ ko̧ro̧jä̧cu̧ beipomemä otonä setächi'ina'a Carmelo möä'ca jubö ja̧'hua̧ta̧nö̧ Sihor Libnat ötahuiyä jubö. ²⁷ Ja̧u̧nö̧ o'ca'amä Bet Daggonttömä ka̧hua̧ räopa'acu kärächi'ö, pocöra̧'a̧tä̧ Zabulón tti̧rȩjä̧ jubötä ja̧u̧nö̧ o'comenämä Jeftettö pämäroppä päi'ome jubötä. Ttu̧huo̧jua̧'a̧cu̧nä̧ttö̧ Bet Emec jubö ja̧'hua̧ta̧nö̧ Neiel jubötä. ²⁸ Ja̧u̧nu̧ o'ca'amä 'chi̧na̧'a̧ Ca̧bu̧l ju̧bö̧ ttu̧huo̧jua̧'a̧cu̧nä̧ttö̧mä̧. Ja̧'hua̧ta̧nö̧ yabocutä 'chi̧na̧'a̧ Hebrón'i̧nä̧, Rehob'i̧nä̧, Hamón'i̧nä̧, Caná'i̧nä̧, Sidón jubö päi'önä. ²⁹ Ko̧ro̧jä̧cu̧ beipomemä Ramacu ti̧'ca̧yu̧ pä'i'ö ja̧u̧nu̧ o'ca'amä Tiro ötahuiyä 'quiyönä adicuära̧'a̧cu̧ pä'i'ö ri̧na̧'a̧. Ja̧u̧nu̧ o'ca'amä Osara̧'a̧cu̧ ti̧'ca̧cuä̧chö̧ ri̧na̧'a̧ ja̧'hua̧nö̧ ja̧'a̧mä̧ Aje de'ähuoto jubötä beipina'a, Aczib'i̧nä̧, ³⁰ Uma'i̧nä̧, Afec'i̧nä̧, Rehob'i̧nä̧ rȩjȩnä̧tä̧. O'cajuiyönä̧ ötahuiyämä veintidosnö jo̧mȩnä̧ ji̧na̧'a̧ ppeyänä huȩju̧ ötahuiyä ppo̧u̧cu̧mä̧. ³¹ Pi̧yȩ rȩjȩpö̧nä̧tä̧ iyähui'ina'a Aser ahuaruhuä 'cotörömä, ttö̧tä̧mö̧ minättö̧ ttahuaruhuärömä, ja̧u̧ ötahuiyämä ppeyänä huȩju̧ ötahuiyä ppo̧u̧'i̧nä̧ ppächi'ina'a. ³² Seisnö päi'önä icuomenä Neftalí ahuaruhuä 'cotörö pätecuächina'a ja̧'hua̧nö̧tä̧ ttö̧tä̧mö̧ minättö ttahuaruhuärömä iyähui'ina'a. ³³ Ko̧ro̧jä̧cu̧ beipomemä Helefttö kä̧mä̧da̧'a̧mä̧ yabocu 'chi̧na̧'a̧ Saananimttö Encina dau komenätä̧ 'cuä'o'ö, Adami Necebra̧'a̧cu̧ ja̧'hua̧ta̧nö̧ Jabnelra̧'a̧cu̧'i̧nä̧, Jacumttömä pocöra̧'a̧ ja̧'a̧nä̧; Jordán aje jubötä beipina'a. ³⁴ Ko̧ro̧jä̧cu̧ bepomemä Aznot Tobarttö̧mä̧ kä̧hua̧ ma̧ä̧cha̧'a̧cu̧ kärächi'ö yabocu 'chi̧na̧'a̧ Hucocu; Zabulónrömä pätechächina'a sura̧'a̧cu̧tä̧, ja̧'hua̧ta̧nö̧ Aserömä kä̧hua̧ ma̧ä̧cha̧'a̧cu̧nä̧tä̧ juhua'atäcu Judárömä Jordán Aajettömä kä̧hua̧ räopa'acunä̧tä̧. ³⁵ Ötahuiyä 'quiyönä aditö ku̧nä̧hui̧nö̧mä̧ pi̧yȩ ji̧na̧'a̧; Sidim'i̧nä̧, Zer'i̧nä̧, Hamat'i̧nä̧, Racat'i̧nä̧, Cineret'i̧nä̧, ³⁶ Adama'i̧nä̧, Ramá'i̧nä̧, Hazor'i̧nä̧, ³⁷ Cedes'i̧nä̧, Edrei'i̧nä̧, En Hazor'i̧nä̧. ³⁸ Ja̧'hua̧ta̧nö̧ pi̧yȩ ötahuiyä'i̧nä̧ ji̧na̧'a̧; Irón'i̧nä̧, Migdal El'i̧nä̧, Horem'i̧nä̧, Bet Anat'i̧nä̧, Bet Semes'i̧nä̧. Ocajuiyönä ötahuiyämä diecinuevenö jo̧mȩnä̧ ji̧na̧'a̧ ppeyänä huȩju̧ ötahuiyä ppo̧u̧cu̧mä̧. ³⁹ Pi̧yȩ rȩjȩpö̧nä̧ ji̧na̧'a̧ Neftali ahuaruhuä 'cotörö tti̧rȩjä̧ päi'önä iyähui'inomemä, ttö̧tä̧mö̧ mi̧nä̧ttö̧ ttahuaruhuärö, ötahuiyä ppeyänä huȩju̧ ötahuiyä ppo̧u̧cu̧ ppächi'önä. ⁴⁰ Sietenö päi'önä icuomenä Dan ahuaruhuä 'cotörö pätecuächina'a, ja̧'hua̧nö̧ jo̧mȩnä̧ ttö̧tä̧mö̧ mi̧nä̧ttö̧ ttahuaruhuärö iyähui'ina'a. ⁴¹ Ja̧huä̧jä̧ rȩjȩ tti̧yi̧nä̧jä̧nä̧mä̧ pi̧yȩ ötahuiyä huȩji̧na̧'a̧; Zora'i̧nä̧, Estaol'i̧nä̧, Irsemes'i̧nä̧, ⁴² Saalabín'i̧nä̧, Ajalón ja̧'hua̧ta̧nö̧ Jetla'i̧nä̧. ⁴³ Ja̧'hua̧ta̧nö̧ koro ötahuiyä ji̧nö̧mä̧; Elón'i̧nä̧, Timnat'i̧nä̧, Ecrón'i̧nä̧, ⁴⁴ Elteque'i̧nä̧, Gibetón'i̧nä̧, Baalat'i̧nä̧, ⁴⁵ Jehúd'i̧nä̧, Bene Berac'i̧nä̧, Gat Rimón'i̧nä̧, ⁴⁶ Mejarcrón ja̧'hua̧ta̧nö̧ Racón'i̧nä̧, Jopettö kähuäcuähuome pä̧tȩcuä̧nö̧ kä̧jä̧nä̧mä̧. ⁴⁷ Dan ahuaruhuä o'cotö tti̧rȩjä̧ jui̧yä̧u̧mä̧; Dan ahuaruhuämä, Lesem ötahuiyäcu rohuähuinätö̧, ja̧u̧ ötahuiyä ttö̧ja̧cu̧ rohuäumä 'chu'ädinä̧tö̧. Jahuätömä o'catoi'önärö curä o'chunä cuä'äu icumä̧ ttiäre'i̧nä̧ ȩmi̧pi̧nä̧tö̧ ja̧'hua̧nö̧ jȩpö̧mä̧ juȩnȩtä̧ ka̧cuä̧mi̧nä̧tö̧. Jahuätömä Lesem pä'ö ottinomemä, Dan pä'ö o'inä̧tö̧, ttä'ominä iminä. ⁴⁸ Pi̧yȩ pö̧nä̧tä i̧yä̧hui̧'i̧na̧'a̧ Dan ahuaruhuä 'cotörö tti̧rȩjä̧mä̧ ttö̧tä̧mö̧ mi̧nä̧ttö̧ ttahuaruhuärö tti̧jyi̧nä̧jä̧mä̧, ötahuiyämä ppeyänä huȩju̧ ppo̧u̧'i̧nä̧ ppächi'önä. ⁴⁹ Jahuättö tti̧rȩjiyä̧ pö̧nä̧ iyö kättädäcuähuomenä, Israel ttö̧ja̧mä̧ jitötä tta̧mö̧nä̧ pa̧ja̧tö̧ Nun i̧tti̧ Josuérö'i̧nä̧ i̧rȩjä̧ ji̧yä̧tȩ iyinä̧tö̧. ⁵⁰ TÖ̧Ä̧NÄ̧HUA̧ hueö'a̧cuä̧, jahuätömä ja̧u̧ ötahuiyä jäepäji'a̧cuä̧tä̧ ttiyinä̧cu̧, Timnat Seramä Efraín rȩjȩttö̧ möä'quiyönä huȩji̧na̧'a̧. Ja̧u̧mä̧ ötahuiyä pä'äjita'anö jareönä aditäji'ca̧ juȩnȩtä̧ ki̧nö̧. ⁵¹ Pi̧yȩ rȩjȩ pö̧nä̧tä ji̧na̧'a̧ Sacerdote Eleazar'i̧nä̧, Num i̧tti̧ Josué'i̧nä̧ ja̧'hua̧ta̧nö̧ ttö̧tä̧mö̧ mi̧nä̧ttö̧ ttahuaruhuättö tturuhuotö jö̧nä̧ huotö'i̧nä̧ Israel ttö̧ja̧ ttö̧'cä̧tȩttö̧, Silo ötahuiyättö icu topö ttiyä'chinömä Ja̧u̧ TÖ̧Ä̧NÄ̧HUA̧ ä'ca jo̧mȩttö̧. ca̧ca̧cu̧ pä̧cuä̧huode doächi'äcuähuomettö̧. Ja̧hua̧nö̧tä̧ rȩjȩmä̧ iyä'chö cä'ädinätö̧.