¹ Rȩjȩ José ahuaruhuä 'cotörö tti̧yi̧nä̧jä̧mä̧ cähueächi'ina'a Jordán ajettömä Jerico ötahuiyättö kä̧hua̧ räopa'acu aje o̧rä̧ rö̧jo̧mȩnä̧tä̧, de'a jui̧yä̧jä̧nä̧ do'ächi'ö, Jericottömä 'cha'achächö Betel ötahuiyättö mö̧ä̧'ca päi'omenä̧tä̧. ² Ja̧'hua̧ta̧nö̧ Betelttö kä̧mä̧dö̧mä̧ Luz ötahuiyänätä̧ 'cuä'o'ö Atarot ötahuiyättö otnänötä̧, Arquis ttö̧ja̧ tti̧rȩjä̧nä̧tä̧ pä'i'ö. ³ Jeflet ttö̧ja̧ tti̧rȩjä̧ttö̧mä̧ kä̧hua̧ ma̧ä̧cha̧'a̧cu̧nä̧ jui'ächi'ö, Bet Horón rȩjȩttö̧mä̧ jui'ächi'omenätä̧ 'cuä'o'ö ja̧u̧nu̧ o'ca'amä Gezer jubö ja̧'a̧nä̧ aje 'cuȩya̧ppa̧ huähuome jubö beipina'a. ⁴ Pȩnȩ jubö 'tocuina'a José'i̧nä̧, Manasés'i̧nä̧ ja̧'hua̧ta̧nö̧ Efraín'i̧nä̧ ahuaruhuä 'co̧tö̧rö̧ tti̧rȩjä̧ päi'önä tti̧yi̧nä̧jä̧mä̧. ⁵ Efraín ö̧tä̧mö̧mi̧nä̧ttö̧ ahuaruhuä 'cotörö tti̧yi̧nä̧jä̧mä̧ pa̧'a̧nö̧ 'tocuina'a: Tti̧yi̧nä̧jä̧ ko̧ro̧jä̧cu̧mä̧ 'tocuina'a kä̧hua̧ räopa'acuttömä Astarot Adar kä̧mä̧dö̧ Bet Horónttö̧mä̧ huä̧mi̧pä̧chö̧ ⁶ ja̧'hua̧ta̧nö̧ juorömä aje de'ähuotocu 'chä̧nö̧ 'tocuina'a. Mecmetattö kä̧mä̧dö̧mä̧ ttu̧huo̧jua̧'a̧cu̧nä̧ pä'i'ömä ka̧hua̧ räopa'acunä̧ hui̧sä̧ti̧'ö̧ Tanat Silonä 'cuä'o'ö, Janoattömä̧ kä̧hua̧ räopomettö̧mä̧ yabonänönä 'cuä'o'ö 'tocuina'a. ⁷ Janoattö kä̧mä̧dö̧mä̧ Atarot jubö mȩyȩhui̧'ö̧, Naaratnätä̧ pä'i'ö Jerico jubö rȩbȩhui̧pö̧ Jordán aje jubö beipina'a. ⁸ Tapúa pä'ö micuomettö̧ kä̧mä̧dö̧, ttu̧huo̧jua̧'a̧cu̧nä̧ttö̧ ko̧ro̧jä̧cu̧ 'tocuomemä, Canáttö ppä̧'ä̧rä̧ päi'omȩnä̧ 'cuä'o'ö aje de'ähuoto jubö beipina'a. Pa̧'a̧nö̧tä̧ iyähui'ina'a Efraín u̧tä̧mö̧ mi̧nä̧ttö̧ ahuaruhuä 'cotö tti̧rȩjä̧ päi'önä̧mä̧, ⁹ Efraín ahuaruhuä 'cotö ttidepiyö päi'önä pojocui'inomemä, Manasés ahuaruhuä 'cotö tti̧rȩjä̧ jacuätä ji̧na̧'a̧, o'tahuiyämä o'cajuiyötä ja̧'hua̧ta̧nö̧ ppeyänä huȩjö̧'i̧nä̧. ¹⁰ Jahuätömä Canaán ttö̧ja̧ Gezer pättome ka̧cuä̧tö̧rö̧mä̧ rä'epö icuocotö pinätö̧, ja̧'hua̧nö̧ ji̧no̧mȩttö̧ Canaán ttö̧ja̧mä̧ jitä mo̧ro̧ jubö päi'önä juȩnȩtä̧ ka̧cuä̧tö̧, ja̧'hua̧nö̧ ja̧'a̧nä̧ pitörömä amacö̧ jähuä ttaditönätä̧ hue'ö ttu̧ju̧ni̧nä̧u̧.