¹ Juda ahuaruhuä 'cotörö tti̧rȩjä̧ iyähui'ina̧'a̧, kä̧hua̧ ieruhua'acu päte'ö Edon rȩjȩ beipomȩ jubö,Zin de'a jui̧yä̧jä̧nä̧tä̧ 'cuä'oi'ö, ja̧hua̧ta̧'a̧nö̧ kä̧hua̧ ieruhua'acuttumä oto ä̧'chu̧ päi'omȩ jubö. ² Kä̧hua̧ ieruhua'acu päte'ömä Aje sa̧do̧to beipomȩttö̧ kä̧mä̧dö̧, aje yuhuarose päi'omȩttö̧ kä̧mä̧dö̧ kä̧hua̧ ieruhua'acu päte'ö. ³ Kä̧hua̧ ieruhua'acu päte'ö Acrabinnä̧tä̧ 'cuä'oi'ö Zin, de'a jui̧yä̧jä̧ra̧'a̧ päi'önä; kä̧hua̧ ieruhua'acu 'chä̧nö̧mä̧ Cades Bernea jubö, Hezronnätä 'cuä'oi'ö, Adar huä̧mȩnä̧tä̧ 'cuä'oi'ö,Carcaracu ppä'ächi'ö. ⁴ Asmon jäyänätä 'cuä'oi'ö, Egipto ajenä̧tä̧ huä̧mi̧'ö̧, aje sa̧do̧to beipomȩ jubö.Pi̧nȩ jubö ji̧na̧'a̧ kä̧hua̧ ieruhua'acu päte'öttö tti̧rȩjä̧ beipina̧'a̧mä̧. ⁵ aje sa̧do̧to, jäyotonä̧tä̧ 'cuä'oi'ö Jordan aje ä'ca jo̧mȩ jubö. Ja̧hua̧ta̧'a̧nö̧ kä̧hua̧ u̧huo̧jua̧'a̧cu̧ päte'imä pi̧nȩ jubö ji̧na̧'a̧,aje sa̧do̧to yuhuarose päi'omettö̧ kä̧mä̧dö̧ Jordan aje ä'coto jubö. ⁶ Bet- Hoglattö kä̧mä̧dö̧ Bet Araba tö'cönä 'cuä'oi'ö.Ja̧hua̧nö̧ ja̧'a̧ttö̧, Ruben i̧tti̧ Bohan i̧mi̧ mi̧cuo'qui ido'qui röo'qui jubö. ⁷ Ja̧hua̧nö̧ ja̧'a̧ttö̧ Debirnä̧tä̧ 'cha'ächi'ö Acor pämäroppättö kä̧mä̧dö̧, ja̧hua̧ta̧'a̧nö̧ kä̧hua̧ räopa'acuttumä, Gilgalra'acu kärächi'önä, Adumin mö̧ä'ca pä̧tȩcuä̧nö̧, ja̧hua̧nö̧ ja̧'a̧ttö̧ ju̧huȩnȩ ka̧'a̧ pä̧mä̧roppättömä̧ kä̧hua̧ ieruhua'acu. Ja̧u̧nö̧ o'ca'a, tti̧rȩjä̧ beipomȩmä̧ Seme ajehuiyä beipomȩ tö'cönä 'cuä'oi'ö Rogel jubö. ⁸ Ja̧u̧nö̧ o'ca'a, Ben-Hinom pämäroppänätä 'cha'ächi'ö Jebus ötahuiyättömä kä̧hua̧ ieruhua'acu( ju̧huȩnȩ ötahuiyämä Jeruzalentä̧ ji̧na̧'a̧ ).Ja̧hua̧nö̧ ja̧'a̧ttö̧ mö̧ä'ca ju'tä jubö Hinom pämäroppänätä, kä̧hua̧ mo̧ä̧cha̧'a̧cu̧ päte'ö,juhua'amä ki̧'i̧pa̧'a̧ kä̧hua̧ u̧huo̧jua̧'a̧cu̧ päte'ö Refaim pämäroppä beipomȩ . ⁹ Ja̧hua̧nö̧ ja̧'a̧nä̧ mö̧äbi ju'tänätä kärächi'ö Neftoa ajehuiyä ju'tänä̧tä̧ pä'i'ö, juhuoröttömä Efron mö̧ä'quiyunä̧ ka̧cu̧ ötahuiyänä̧tä̧ rä'oi'ö. Juhuoröttömä̧, Baala jacuätä ki̧'i̧pö̧nä̧ ( Quiriat Jearimmä ju̧huȩnȩtä̧ ji̧na̧'a̧). ¹⁰ Ja̧u̧nö̧ o'ca'a Baalattömä kä̧hua̧ mo̧ä̧cha̧'a̧cu̧ päte'ö Seir mö̧ä'cara'acu, ja̧hua̧ta̧'a̧nö̧ Jearim mö̧ä'ca tö'cö jäyänä̧tä̧ 'cuä'oi'ö kä̧hua̧ u̧huo̧jua̧'a̧cu̧ päte'ö ( Quesalonmä Jearimtä ji̧na̧'a̧ ),Bet-Semesnä̧tä̧ mȩyȩhuä̧chö̧ ja̧hua̧ta̧'a̧nö̧ Timnanä̧tä̧ 'cuäoi'önä. ¹¹ Jahuätö tti̧rȩjä̧mä̧ 'too̧cui'ina̧'a̧ Ecronnä̧tä̧ kä̧hua̧ mo̧ä̧cha̧'a̧cu̧, mö̧ä'ca tö'cöhuächi'önä, Sicron jacuä päi'önä hui̧sä̧ti̧'ö̧ ja̧hua̧ta̧'a̧nö̧ Baala mö̧ä'ca huäyä'canätä 'cuäoi'önä, juhuoröttömä Jabneel jubö. aje röotora'a rȩbȩhui̧'ö̧nä̧. ¹² Jahuätö tti̧rȩjä̧mä̧ 'toocui'ina̧'a̧ kä̧hua̧ mo̧ä̧cha̧'a̧cu̧ttö̧mä̧ aje röoto jäyotonä̧tä̧ . Pȩnȩ jubötä ji̧na̧'a̧ Juda ahuaruhuä 'cotörö tti̧rȩjä̧ iyähui'ina'amä, ttahuaruhuäcu pö̧nä̧ ttö̧ja̧cua̧ pä'ö. ¹³ Tu̧ru̧hua̧ Tö̧ä̧nä̧hua̧ Josuerö hueinö ji̧nö̧ jo̧mȩnö̧ päia pä'ömä, Josuemä Jefone i̧tti̧, Calerö ichinö, Juda ahuaröhuä o'cotö ttö̧cä̧tȩttö̧ ji̧jä̧tȩ rȩjȩ ichinö; Quiriat Arba rȩjȩ, juȩnȩmä̧ Hebrón rȩjȩtä̧ ji̧na̧'a̧ (Arbamä Anac jä'o ji̧na̧'a̧). ¹⁴ Calebmä Anac i̧tti̧mö̧ huämetöcuötä räepö icuinö juorötömä: Anac ahuaruhuä o'cotö Seai'inä, Ahimán'inä ja̧hua̧ta̧'a̧nö̧ Talmai'inä. ¹⁵ Juorötö kä̧mä̧dö̧mä̧ chi̧nö̧ Derbi ttö̧ja̧ ttö̧jo̧cua̧'a̧cu̧ (Derbimä Quiriat Séfer pä'ö micuinö ji̧na̧'a̧). ¹⁶ Calebmä pä'inö: "Quiriat Séfer rȩjȩ ja̧'a̧tä̧ rohuäu chöäta pä'ömä, ja̧u̧ru̧mä̧ chittiju Acsarö chiyä̧hua̧sä̧ irecua jö̧nä̧ ö̧ja̧ pä'ö". ¹⁷ Caleb ö̧jä̧hua̧ Quenaz i̧tti̧ Otoniel, chuätomenä, Calebmä ittiju Acsarö iyinö irecua jö̧nä̧. ¹⁸ A̧u̧cuä̧tȩ'ca päiomenä, Acsamä Otoniel ö̧ja̧cu̧ chi̧nä̧jö̧, ja̧hua̧nö̧ ja̧'a̧mä̧ huȩjä̧ri̧nä̧cu̧ käorö jäepa pä'ö ji̧jä̧tȩ rȩjȩ jo'tome. Ja̧hua̧nö̧ ja̧'a̧ jahuäju burrottö ki̧mȩyȩcuo̧mȩnä̧, Calebmä ittijurö pä'inö: "¿Däje ppä̧huä̧rö̧jä̧cu̧?" ¹⁹ Acsamä ädätinäju̧: "ji̧yȩtȩ ppä'ätipittö, täcö Néguev rȩjȩ cuiyäcuasä, ja̧hua̧nö̧ jö̧ta̧nö̧ aje ppöepoto jitocunä iyittö". Ja̧hua̧nö̧ ja̧'a̧mä̧ Calebmä iyinäcua̧ aje ppöepoto rȩjȩttö̧'i̧nä̧, jötojucuttö'inä ka̧cu̧ttö̧. ²⁰ Pi̧yȩ ji̧na̧'a̧ Juda ahuäruhuä o'cotörö iyähui'inömä, ahuaruhuä jitöcunärö̧ iyähui'inömä. ²¹ Juda ahuäruhuä o'cotö kä̧hua̧ ieruhuacuttö ttidepiyu, tti̧rȩjä̧ peipomecumä Edom'inä, Eran Caseel'inä, Edar'inä, Jagur'inä, ²² Cina'inä, Dimona'inä, Adda'inä, ²³ Cedes'inä, Hazor'inä, Itnán'inä, ²⁴ Zif'inä, Telem'inä, Bealot'inä. ²⁵ Hazor Hadata'inä, Queriot Hezrón'inä, (Hazor pä'ö), ²⁶ Aman'inä, Sema'inä, Molada'inä, ²⁷ Hazar Gada'inä, Hesmón'inä, Bet'inä, Pelet'inä, ²⁸ Hazar Sual'inä, Beerseba'inä, Bizotia'inä. ²⁹ Baala'inä, Iim'inä, Esem'inä, ³⁰ Eltolad'inä, Quesil'inä, Horma'inä, ³¹ Siclag'inä, Madmana'inä, Sansana'inä, ³² Lebaot'inä, Silhim'inä, Aín'inä, Ja̧hua̧ta̧'a̧nö̧ Rimón'inä; o'cajuiyönämä veintinuevenö ötahuiyä ppeyäu tti̧rȩjä̧cu̧mä̧. ³³ Möä'ca dȩa̧cu̧ttö̧ päteömä Estaol'inä, Zora'inä, Asena'inä, ³⁴ Zanoa'inä, Ganimttömä, Tapúa'inä, Enam'inä, ³⁵ Jarmut'inä, Adulam'inä, Soco'inä, Azeca'inä, ³⁶ Saaraim'inä, Aditaim'inä, ja̧hua̧ta̧'a̧nö̧ Gedera'i̧nä̧ (Gederotaim ji̧na̧'a̧). Pa̧ja̧cuä̧nä̧mä̧ ca̧rto̧cȩnö̧ ötahuiyä ji̧na̧, ppeyäu tti̧rȩjȩcu̧mä̧. ³⁷ Zenán'inä, Hadasa'inä, Migdal'inä, ³⁸ Dileán'inä, Mizpa'inä, Jocteel'inä, ³⁹ Laquis'i̧nä̧, Boscat'inä, Eglón'inä. ⁴⁰ Cabón'inä, Lahmam'inä, Quitlis'inä, ⁴¹ Gederoth'inä, Bet Dagón'inä, Naama'inä ja̧hua̧ta̧'a̧nö̧ Maceda'inä. Pi̧yȩmä̧ dieciséisnö̧ ötahuiyämä ji̧na̧ pa̧ja̧cuä̧nä̧mä̧, ppeyäu tti̧rȩjä̧cu̧'i̧nä̧. ⁴² Libna'i̧nä̧, Eter'i̧nä̧, Asán'i̧nä̧, ⁴³ Jifta'inä, Asena'inä, Nezib'inä, ⁴⁴ Keila'inä, Aczib'inä ja̧hua̧ta̧'a̧nö̧ Maresa'inä. Pi̧yȩmä̧ nuevenö ötahuiyä ji̧na̧, ppeyäu tti̧rȩjä̧cu̧. ⁴⁵ Erón ötahuiyä'i̧nä̧, ppeyänä huȩjö̧nä̧ ka̧cuä̧tö̧'i̧nä̧ ja̧'hua̧ta̧nö̧ tö'cönänö huȩju̧ ötahuiyä ppo̧ö̧'i̧nä̧; ⁴⁶ Ecrón ötahuiyättö kä̧mä̧dö̧mä̧ aje de'ähuoto rö̧o̧to jubö, o'cajuiyönä ötahuiyä ppo̧ö̧ Asdod tö'cönä̧nö̧ huȩjö̧'i̧nä̧. ⁴⁷ Asdod ötahuiyä'i̧nä̧ ja̧'hua̧ta̧nö̧ tö'cönä̧nö̧ ka̧cuä̧tö̧'i̧nä̧ juhua'atäcu ötahuiyä ppo̧ö̧'i̧nä̧, Gaza'i̧nä̧ tö'cönä̧nö̧ ka̧cuä̧tö̧'i̧nä̧ ja̧'hua̧ta̧nö̧ ötahuiyä ppo̧ö̧'i̧nä̧; Egiptottö aje o̧rä̧ rö̧ja̧'a̧cu̧ttö̧mä̧ ja̧'hua̧ta̧nö̧ aje rö̧o̧tottömä̧ jäyotonätä̧ pä'i'ö. ⁴⁸ Mö̧ä̧'cäyö päi'omettö̧mä̧, Samir ötahuiyä'i̧nä̧, Jatir ötahuiyä'i̧nä̧, Soco ötahuiyä'i̧nä̧, ⁴⁹ Dana ötahuiyä'i̧nä̧, Quiriat Sana ötahuiyä'i̧nä̧ (juȩnȩmä̧ Debir pä'ö'i̧nä̧ ottinome), ⁵⁰ Anab ötahuiyä'i̧nä̧, Estemoa ötahuiyä'i̧nä̧, Anim ötahuiyä'i̧nä̧, ⁵¹ Gosén rȩjȩ'i̧nä̧, Holón'i̧nä̧ ja̧'hua̧ta̧nö̧ Gilo'i̧nä̧. Tö'cö huȩyö̧ ötahuiyäcumä oncenö ötahuiyä ji̧na̧'a̧. ⁵² Arab ötahuiyä'i̧nä̧, Duma ötahuiyä'i̧nä̧, Esán ötahuiyä'i̧nä̧, ⁵³ Janum ötahuiyä'i̧nä̧, Bet Tapúa ötahuiyä'i̧nä̧, Afeca ötahuiyä'i̧nä̧ , ⁵⁴ Humta ötahuiyä'i̧nä̧, Quiriat Arba ötahuiyä'i̧nä̧, (ju̧huȩnȩmä̧, Hebrón pä'ö'i̧nä̧ ottinome), ja̧'hua̧ta̧nö̧ Zior ötahuiyä'i̧nä̧. Tö'cönä̧nö̧ huȩyö̧ ötahuiyäcumä nuevenö̧ ötahuiyä jo̧mȩnä̧ ji̧na̧'a̧. ⁵⁵ Maón ötahuiyä'i̧nä̧, Carmel ötahuiyä'i̧nä̧, Zif ötahuiyä'i̧nä̧, Juta ötahuiyä'i̧nä̧, ⁵⁶ Jezreel ötahuiyä'i̧nä̧, Jocdeam ötahuiyä'i̧nä̧, Zanoa ötahuiyä'i̧nä̧, ⁵⁷ Caín ötahuiyä'i̧nä̧, Guibeá ötahuiyä'i̧nä̧, Timna ötahuiyä'i̧nä̧. Tö'cönä̧nö̧ huȩyö̧ ötahuiyäcumä dieznö̧ ötahuiyä jo̧mȩnä̧ ji̧na̧'a̧. ⁵⁸ Halhul ötahuiyä'i̧nä̧, Bet Sur ötahuiyä'i̧nä̧, Gedor ötahuiyä'i̧nä̧, ⁵⁹ Maarat ötahuiyä'i̧nä̧, Bet Anot ötahuiyä'i̧nä̧ Eltecón ötahuiyä'i̧nä̧. Tö'cönä̧nö̧ huȩyö̧ ötahuiyäcumä seisnö̧ ötahuiyä jo̧mȩnä̧ ji̧na̧'a̧. ⁶⁰ Quriat Baal ötahuiyä'i̧nä̧, (Qiriat Jearim pä'ö'i̧nä̧ ottinome), ja̧'hua̧ta̧nö̧ Rabá ötahuiyä'i̧nä̧. Estas eran dos ciudades, Tö'cönä̧nö̧ huȩyö̧ ötahuiyäcumä dosnö̧ ötahuiyä jo̧mȩnä̧ ji̧na̧'a̧. ⁶¹ De'a jui̧yä̧ttö̧mä̧, ötahuiyä ji̧nö̧mä̧ Bet Arabá'i̧nä̧, Midín'i̧nä̧, Secaca'i̧nä̧, ⁶² Nibsán'i̧nä̧, 'cäruhuäbö ötahuiyä'i̧nä̧ ja̧'hua̧ta̧nö̧ Engadi'i̧nä̧. Tö'cönä̧nö̧ huȩyö̧ ötahuiyäcumä seisnö̧ ötahuiyä jo̧mȩnä̧ ji̧na̧'a̧. ⁶³ Ja̧'hua̧nö̧ ja̧'a̧nä̧ Jebus ttö̧ja̧mä̧, Jerusalén ötahuiyänä ka̧cuä̧tö̧, Judá ahuaruhuä 'cotömä, rä'epö tticu juiyönä huinätö̧, ja̧'hua̧nö̧ ji̧no̧mȩttö̧ jitä mo̧ro̧ jubö Jebus ttö̧ja̧mä̧ juȩnȩtä̧ Judá ahuaruhuäcu ka̧cuä̧tö̧.