¹ Josuemä täcö bö̧o̧sa̧ ö̧ja̧'a̧ Tu̧ru̧hua̧ Dios pä'inö:"Ucumä täcö bö̧o̧ i̧sa̧jä̧,ja̧hua̧nö̧ ja̧'a̧nä̧ rȩjȩmä̧ ji̧nä̧ rö̧ä̧nä̧ ki̧'i̧pa̧'a̧ 'chotipa pä'ömä." ² Pi̧yȩ rȩjȩ ja̧'a̧ ji̧nä̧ ka̧cui̧pö̧mä̧: o'cajuiyönä Filisteos ttö̧ja̧ tti̧rȩjä̧'i̧nä̧ ja̧hua̧ta̧'a̧nö̧ o'cajuiyönä Jesuritas ttö̧ja̧ tti̧rȩjä̧'i̧nä̧, ³ (Sihorttö kä̧mä̧dö̧, Egipto rȩjȩttö̧mä̧ kä̧hua̧ räopa'acu päte'ö, ja̧hua̧ta̧nö̧ kä̧hua̧ u̧hua̧jua̧'a̧cu̧ 'chä̧nö̧ Ecron rȩjȩ beipomȩ jubö, ju̧huȩnȩ päte'ö ji̧na̧'a̧ Cananeos ttö̧ja̧ tti̧rȩjä̧ pä̧ttä̧jä̧mä̧;Filisteas ttö̧ja̧ttö̧ ji̧mö̧tȩnö̧ ruhuotömä: Gaza ttö̧ja̧ttö̧'i̧nä̧,Asdod ttö̧ja̧ttö̧'i̧nä̧,Ascalon ttö̧ja̧ttö̧'i̧nä̧, Get ttö̧ja̧ttö̧'i̧nä̧, Ecron ttö̧ja̧ttö̧'i̧nä̧, ja̧hua̧ta̧'a̧nö̧ Aveos ttö̧ja̧ tti̧rȩjä̧'i̧nä̧.) ⁴ kä̧hua̧ ö'ohue ja̧'a̧cu̧ttu̧mä̧, Cananeos ttö̧ja̧ tti̧rȩjä̧ o'cajuiyönä 'choicuoca'a ja̧hua̧ta̧'a̧nö̧ Mahara rȩjȩ'i̧nä̧ Sidonio tti̧rȩjä̧ jacuä kä̧tö̧rö̧'i̧nä̧,Afecnä̧tä̧ 'cuä'oi'ö ,Amorreos ttö̧ja̧ tti̧rȩjä̧ beipomȩ jubö; ⁵ Gabonitas ttö̧ja̧ tti̧rȩjä̧'i̧nä̧,o'cajuiyönä Libano rȩjȩ kä̧hua̧ räopa'acu päte'ö,Baal Gadnä̧tä̧ 'cuä'oi'ö Hermon möä'ca kada'canä̧tä̧ Lebo Hamat jubö. ⁶ Ja̧hua̧ta̧'a̧nö̧, o'catoi'önä̧ Libano mö̧ä̧'quiyunä ka̧cuä̧tö̧rö̧'i̧nä̧ Misrefot Maim ttö̧ja̧ ttö̧jo̧mȩ jubö,o'catoi'önä Sidon ttö̧ja̧'i̧nä̧. Chȩpä̧cuo̧tö̧ Israel ttö̧ja̧ su̧ro̧da̧u̧ ttä'ca. Jahuätö tti̧rȩji̧yä̧ jä̧ji̧mä̧ Israel ttö̧ja̧ tti̧rȩji̧yä̧ päi'önä cuiyätucua jitötä tti̧rȩjä̧ päi'önä pädinö ta̧'a̧nö̧. ⁷ Tti̧rȩjä̧ pö̧nä̧ cuiyätucuaja nuevenö huotörö ahuaruhä 'cotörömä ja̧hua̧nö̧ ja̧'a̧nä̧ manases ahuaruhuä jö'totörömä ji̧nä̧ 'to'opö cuiyätucuaja." ⁸ Manases ahuaruhuä jö'totörö'inä,Ruben ahuaruhä 'cotörö'inä ja̧hua̧ta̧'a̧nö̧ Gad ahuaruhuä 'cotörö'inä Moises i̧yi̧nä̧u̧ tti̧rȩjä̧ päi'önä Jordan ajettömä kä̧hua̧ räopa'acu päte'ö, ⁹ Aroerttö kä̧mä̧dö̧ Arnon aje pämäroppä ö̧yö̧'ca̧ri̧nä̧tä̧ pä'i'ö ( ppämäroppänä ka̧cu̧ ötahuiyä o'cajuiyönä̧tä̧ ),Medeba mȩje'ca o'cajuiyönätä ja̧hua̧ta̧'a̧nö̧ Dibon jubö; ¹⁰ Amorreos ttö̧ja̧ ttu̧ru̧hua̧ Sehon öäre ötahuiyä o'cajuiyönä, ja̧u̧mä̧ Hesbonnä kä̧nö̧ hue'inö ,Amonitas ttö̧ja̧ tti̧rȩjä̧ beipome jubö. ¹¹ Galaad rȩjȩ'i̧nä̧ ,Jesuritas tti̧rȩjä̧'i̧nä̧,Macateos tti̧rȩjä̧'i̧nä̧,Hermon mö̧ä'ca o'cajuiyönä,Basan'i̧nä̧ , Salca jubö; ¹² Og ruhuo hueome Basan rȩjȩ o'cajuiyönä,ja̧u̧mä̧ hue'inö Astarolnä'inä ja̧hua̧ta̧'a̧nö̧ Edreinä̧'i̧nä̧ (jahuätö Refaitamä Moises cuä'ö icuomȩttö̧ ka̧cui̧pi̧nä̧tö̧ ji̧na̧'a̧. ¹³ Ja̧hua̧nö̧ ja̧'a̧nä̧ Israel ttö̧ja̧mä̧ cuä'ö icuocotö pi̧nä̧tö̧ Jesuritas ttö̧ja̧rö̧'i̧nä̧,Maacateos ttö̧ja̧rö̧'i̧nä̧. Jahuätö Jesur ttö̧ja̧'i̧nä̧ ja̧hua̧ta̧'a̧nö̧ Maaca ttö̧ja̧'i̧nä̧ jitä pi̧yȩ mo̧ro̧ jubö päi'önä Israel ttö̧ja̧cu̧tä̧ ka̧cuä̧tö̧. ¹⁴ Ja̧hua̧nö̧ ja̧'a̧nä̧ Levis ahuaruhuä 'cotörömä Moisesmä iyocö pi̧nö̧ tti̧rȩjä̧mä̧. Ttu̧ru̧hua̧ Diosrö, ku icu iyähuätä ji̧na̧'a̧,ttöäre adicuä päi'önä iyinö̧mä̧, Tö̧ä̧nä̧hua̧ Dios Moisesrö päinö̧ta̧'a̧nö̧. ¹⁵ Moisesmä Ruben ahuaruhuä 'cotörö tti̧rȩjä̧ 'torö iyinö̧,ttahuaruhuäcu pö̧nä̧rö̧. ¹⁶ Jahuätö tti̧rȩjä̧mä̧ Aroerttö kä̧mä̧dö̧ ,Amon aje pämäroppä ö̧yö̧'ca̧ri̧nä̧tä̧ 'cuä'oi'ö ja̧u̧ pämäroppänä ka̧cu̧ ötahuiyä'inä ,Medeba meje'ca o'cajuiyönä̧tä̧. ¹⁷ Ja̧hua̧ta̧'a̧nö̧ Rubenmä̧ Hesbon'i̧nä̧ ȩmi̧nö̧, mȩjȩ'canä ka̧cu̧ ötahuiyä o'cajuiyönä̧tä̧,Deibon'i̧nä̧, Bamot Baal'i̧nä̧, ja̧hua̧ta̧'a̧nö̧ Bet Baal Meon'i̧nä̧, ¹⁸ Jahaza'i̧nä̧, Cademot'i̧nä̧, Mefaat'i̧nä̧, ¹⁹ Quiriataim'i̧nä̧,Sibma'i̧nä̧, ja̧hua̧ta̧'a̧nö̧ Zaret Sahar pämäroppänä kä'ca möä'ca'i̧nä̧. ²⁰ Ja̧hua̧ta̧'a̧nö̧ Rubenmä̧ ȩmi̧nö̧ Bet Peor'i̧nä̧,Pisga juiächomȩ'i̧nä̧,Bet Jesimot'i̧nä̧, ²¹ O'cajuiyönä möä'ca pämäroppänä̧ ka̧cu̧ ötahuiyä'i̧nä̧, o'cajuiyönä Amorreos ru̧hua̧, Sehon ru̧hua̧ hueino̧mȩ jubö,Jesbonnä kä̧nö̧ hue'inö, ja̧u̧mä̧ Moises cuä'ö icuinä̧cu̧ pinö Madian ruhuotöcutä,Evi'i̧nä̧, Requem'i̧nä̧,Zur'i̧nä̧,Hur'i̧nä̧, ja̧hua̧ta̧'a̧nö̧ Reba'i̧nä̧, ru̧hua̧ Sehon u̧mö̧huäyotö ju̧huä̧jä̧ rȩjȩnä̧ ki̧nä̧tö̧rö̧'i̧nä̧. ²² Ja̧hua̧ta̧'a̧nö̧ Israel ttö̧ja̧mä̧ curä'chunä cuä'ö icuinä̧tö̧ ähuettä juȩpä̧rä̧cu̧ jueö pähuä i̧sa̧ Beor i̧tti̧ Balaamrö̧'i̧nä̧,korotö cuä'ö tticuinä̧cu̧mä̧ ja̧u̧'i̧nä̧ ji̧na̧'a̧. ²³ Ruben ahuaruhä 'cotö tti̧rȩjä̧ beipomȩmä̧ Jordan aje jubö ji̧na̧'a̧. Ju̧huȩnȩ jubötä ji̧na̧'a̧ Ruben ahuaruhuä 'cotörö iyähui'ina̧'a̧mä̧,bäreu ötahuiyä'inä,ppo̧ö̧ ötahuiyä'inä ttahuaruhäcu pö̧nä̧ ttö̧ja̧cua̧ pä'ö. ²⁴ Pi̧jä̧ rȩjȩtä̧ ji̧na̧'a̧ Moises Gad ahuaruhuä 'cotörö i̧yi̧nä̧jä̧mä̧, ttahuaruhuäcu pö̧nä̧ ttö̧ja̧cua̧ pä'ö: ²⁵ Jahuätö tti̧rȩjä̧mä̧ Jazer rȩjȩ'i̧nä̧ ji̧na̧'a̧ o'cajuiyönä Galaad rȩjȩnä̧ ka̧cu̧ ötahuiyä'inä, Amonitas kä'conätä 'cuä'oi'ö,Aroer jubö,Raba pä̧tȩcuä̧nö̧ kä̧hua̧ räopome päte'ö ji̧na̧'a̧, ²⁶ Hesbonttö̧ kä̧mä̧dö̧ Ramat Mizpa ja̧hua̧ta̧'a̧nö̧ Betonim jubö,ja̧hua̧ta̧'a̧nö̧ Mahanaimttö̧ kä̧mä̧dö̧ Debir rȩjȩ beipome jubö. ²⁷ Ja̧hua̧t'a̧nö̧ pämäroppä ,Bet Aram'i̧nä̧,Bet Nimra'i̧nä̧, Sucot'i̧nä̧,Safon'i̧nä̧,Sehon ru̧hua̧ Hesbon uruhuo hueinomȩmä̧ o'cajuiyönä̧tä̧ ju̧huä̧jä̧ beipomȩmä̧ Jordan ajenätä ji̧na̧'a̧. Cineret dubora pämäromȩttö̧mä̧,Jordan ajettömä kä̧hua̧ räopa'acu päte'ö 'cuä'oi'ö . ²⁸ Pi̧jä̧ rȩjȩtä̧ ji̧na̧'a̧ Gad ahuaruhuä 'cotörö iyähui'inä̧jä̧mä̧, bäreu ötahuiyä'inä,ppo̧ö̧ ötahuiyä'inä,ttahuaruhuäcu pö̧nä̧ ttö̧ja̧cua̧ pä'ö. ²⁹ Moisesmä Manases ahuaruhuä 'cotörömä jö'totörötä tti̧rȩjä̧ iyinö. Jahuätö päjätörömä iyinö ttahuaruhuäcu pö̧nä̧ ttö̧ja̧cua̧ pä'ö. ³⁰ Tti̧rȩjä̧mä̧ kä̧mä̧di̧na̧'a̧ Mahanaimttö̧,Basan o'cajuiyönä, Og ru̧hua̧ hueino̧mȩ o'cajuiyönä̧tä̧, ja̧hua̧ta̧'a̧nö̧ Hai'i̧nä̧ Basan rȩjȩnä̧ ka̧cu̧ sesentanö̧ otahuiyä bäreu'inä; ³¹ Galaad kä'conä̧tä̧,Astarol'i̧nä̧,Edrei'i̧nä̧, ötahuiyä kä'copäte'inä,Basan rȩjȩttö̧ Og ruhuo hueino̧mȩmä̧. pi̧yȩ ötahuiyämä Manases i̧tti̧ Maquir ahuaruhuärö iyähui'inö( Maquir ahuaruhättömä jö'totörötä, iyähui'ina̧'a̧ ttahuaruhäcu pö̧nä̧rö̧). ³² Pi̧yȩ rȩjȩtä̧ ji̧na̧'a̧ Moab meje'cattö Moises jahuätörö iyinö̧mä̧,Jordan aje ya̧nä̧ ji̧jä̧,Jericottömä kä̧hua̧ räopa'acu päte'ö. ³³ Moisesmä Levi ahuaruhuä 'cotörömä tti̧rȩjä̧mä̧ iyocö pi̧nö̧. Israel ttö̧ja̧ Ttö̧ä̧nä̧hua̧ Diostä ji̧na̧'a̧ , jahuätö tti̧rȩjä̧ päi'önä hua̧mä̧, jahuätörö päinö̧ta̧'a̧nö̧.