¹ Pitö ji̧na̧'a̧ juhuajä rȩjȩnä̧ ruhuo hue'inätömä Israel ttö̧ja̧ rohuähuö 'chottipinäumä. Pi̧jä̧ rȩjȩ ji̧na̧'a̧ Israel ttö̧ja̧ ttȩmi̧nä̧jä̧mä̧ Jordan ajettö kä̧hua̧ raopa'cuttö kä̧mä̧dö̧ Armón aje pämäroppänä̧tä̧ 'cuä'oi'ö Hermón möä'ca jubö o'ca juiyönä Arabá rȩjȩ kä̧hua̧ raopa'acu pate'ö. ² Sehon Amorreo ttö̧ja̧ Ttö̧ru̧hua̧mä̧ Hesbonnä ötahuiyänä ki̧nö̧mä̧. Aroerttö kä̧mä̧dö̧ hue'inö Arnón pämäroppa tö'cöhuächi'önä, pämäroppa kä'copate'inä, ja̧hua̧ta'a̧nö̧ Galaad rȩjȩ kä'copäte'i, Jacob aje jubö Amonista ttö̧ja̧ tti̧rȩjä̧ beipomenä; ³ Ja̧'hua̧ta̧'a̧nö̧ Sheomä Arabättö kä̧mä̧dö̧ hue'inö Cirenä dubora jubö, kä̧hua̧ raopa'acu päte'ö Arabat duboranätä 'cuä'oi'ö kä̧hua̧ räopa'acu,Bet jesimot jubö kä̧hua̧ ieruhua'acu päte'ö,pisga möä'ca juiächome jubö. ⁴ ya̧tȩ ki̧'i̧pi̧nö ji̧na'a Refaita soto i̧sa̧ Og Basan ru̧hu̧a̧mä ja̧u̧mä ki̧nö̧ Atarotnä'i̧nä,Edreinä'i̧nä. ⁵ ja̧u̧mä Hermon möä'canä ka̧cua̧törö̧'i̧nä hue'inö, Salcanä kä̧cua̧tö̧rö̧'i̧nä o'cajuiyönä Basannä ka̧cua̧tö̧rö̧'i̧nä,Gerureo tti̧rȩjä̧ beipome jubö,Maacateos tti̧rȩjä̧'i̧nä,Galaad rȩjȩ pä̧cuä̧dä̧jä̧ o'cajuiyönätä̧,Hesbon ru̧hua̧ Sehon i̧rȩjä̧beipome jubö. ⁶ TURU̧HUA̧ DIOS umöhuä̧yä̧ Moises'ínä,Israel ttö̧jä̧mä ttujuruhui̧näu̧ jahuätömä; tu̧ru̧hua̧ Dios Moisesmä ju̧huä̧jȩ rȩjȩmä Ruben ahuäruhuä 'cotörö'i̧nä̧, Gad ahuäruhuä'cotörö'i̧nä̧ ja̧hua̧ta̧'a̧nö Manases ahuäruhuä'cotörömä jo'totörötä iyönö ju̧huä̧jä̧ rȩjȩmä. ⁷ Pitö ji̧na̧'a̧ Josue'inä ja̧hua̧ta̧'a̧nö̧ Israel ttö̧ja̧'i̧nä̧ rohuähuö ttujuruhuinä̧u̧mä̧ Jordan aje kä̧hua̧ mo̧ä̧cha̧'a̧cu̧ päte'ittö,Baal Gadttö kä̧mä̧dö̧ Libano pämäroppänätä 'cuä'oi'ö Seir tö'cö Halac mö̧ä'ca jubö. Josuemä iyä'chinö Israel ttö̧ja̧rö̧mä̧ ja̧huä̧jä̧ rȩjȩmä̧ jitötä tti̧rȩjä̧ päi'önä. ⁸ Ja̧u̧mä̧ jahuätörö iyinö mö̧ä'quiyu'i̧nä̧,pämäroppiyä'inä,Araba'inä,möä'quiyu juiächomȩ'i̧nä̧,de'a jui̧yä̧jä̧'i̧nä̧,Neguev'inä,Hititas ttö̧ja̧ tti̧rȩjä̧'i̧nä̧,Amorreos ttö̧ja̧ tti̧rȩjä̧'i̧nä̧,Cananeos ttö̧ja̧ tti̧rȩjä̧'i̧nä̧,Ferezeos ttö̧ja̧ tti̧rȩjä̧'i̧nä̧,Heveos ttö̧ja̧ tti̧rȩjä̧'i̧nä̧,ja̧hua̧ta̧'a̧nö̧ Jebuseos ttö̧ja̧ tti̧rȩjä̧'i̧nä̧. ⁹ Jahuätö ttujuruhuinä̧u̧ttö̧mä̧ Jerico ru̧hua̧'i̧nä̧ ji̧na̧'a̧ ya̧tȩmä̧, ka̧ra̧mä̧ Hai ru̧hua̧'i̧nä̧ ji̧na̧'a̧ Betel jäyä ki̧nö̧, ¹⁰ ka̧ra̧mä̧ Jerusalen ru̧hua̧'i̧nä̧ ji̧na̧'a̧,ka̧ra̧mä̧ Hebron ru̧hua̧'i̧nä̧ ji̧na̧'a̧, ¹¹ ka̧ra̧mä̧ Jarmut ru̧hua̧'i̧nä̧ ji̧na̧'a̧, ka̧ra̧mä̧ Laquis ru̧hua̧'i̧nä̧ ji̧na̧'a̧, ¹² ka̧ra̧mä̧ Eglon ru̧hua̧'i̧nä̧ ji̧na̧'a̧,ka̧ra̧mä̧ Gezer ru̧hua̧'i̧nä̧ ji̧na̧'a̧, ¹³ ka̧ra̧mä̧ Debir ru̧hua̧'i̧nä̧ ji̧na̧'a̧, ka̧ra̧mä̧ Geder ru̧hua̧'i̧nä̧ ji̧na̧'a̧, ¹⁴ ka̧ra̧mä̧ Horman ru̧hua̧'i̧nä̧ ji̧na̧'a̧, ka̧ra̧mä̧ Arad ru̧hua̧'i̧nä̧ ji̧na̧'a̧, ¹⁵ ka̧ra̧mä̧ Libna ru̧hua̧'i̧nä̧ ji̧na̧'a̧, ka̧ra̧mä̧ Adulam ru̧hua̧'i̧nä̧ ji̧na̧'a̧, ¹⁶ ka̧ra̧mä̧ Maceda ru̧hua̧'i̧nä̧ ji̧na̧'a̧, ka̧ra̧mä̧ Betel ru̧hua̧'i̧nä̧ ji̧na̧'a̧, ¹⁷ ka̧ra̧mä̧ Tapua ru̧hua̧'i̧nä̧ ji̧na̧'a̧,ka̧ra̧mä̧ Hefer ru̧hua̧'i̧nä̧ ji̧na̧'a̧, ¹⁸ ka̧ra̧mä̧ Afec ru̧hua̧'i̧nä̧ ji̧na̧'a̧, ka̧ra̧mä̧ Saron ru̧hua̧'i̧nä̧ ji̧na̧'a̧, ¹⁹ ka̧ra̧mä̧ Madon ru̧hua̧'i̧nä̧ ji̧na̧'a̧. ka̧ra̧mä̧ Hazor ru̧hua̧'i̧nä̧ ji̧na̧'a̧, ²⁰ ka̧ra̧mä̧ Simron Meron ru̧hua̧'i̧nä̧ ji̧na̧'a̧, ka̧ra̧mä̧ Acsaf ru̧hua̧'i̧nä̧ ji̧na̧'a̧, ²¹ ka̧ra̧mä̧ Taanac ru̧hua̧'i̧nä̧ ji̧na̧'a̧, ka̧ra̧mä̧ Meguido ru̧hua̧'i̧nä̧ ji̧na̧'a̧, ²² ka̧ra̧mä̧ Cedes ru̧hua̧'i̧nä̧ ji̧na̧'a̧,ka̧ra̧mä̧ Jocneam Carmelo ru̧hua̧'i̧nä̧ ji̧na̧'a̧, ²³ ka̧ra̧mä̧ Dor ru̧hua̧'i̧nä̧ ji̧na̧'a̧ Dor rȩjȩ ru̧hua̧, ka̧ra̧mä̧ Goyim ru̧hua̧'i̧nä̧ ji̧na̧'a̧ Gigal rȩjȩttö̧ ²⁴ ja̧hua̧ta̧'a̧nö̧ Tirsa ru̧hua̧'i̧nä̧ ji̧na̧'a̧. Pa̧ja̧tö̧ topömä o'catoi'önämä treinta y unonö ruhuotö ji̧na̧'a̧.