¹ Mʉgta Ẽwandamua Moiseeg jaumajim: ² "Israel pien phoborag jaauba nemkhau olibo kher pĩisim aubeemkhĩin lampara ee paag, chi araraa ich mag thʉbamkhiin. ³ Put thursim eugar aar baaudi khiin phee di biirdʉajem di ai, Aronau ʉ̃ibata, kheurag aimua ãspa num arr, chi lampara paata waisiegau Ẽwandam dauna. Mʉg iek phãpuagpam ich mag thubaagau chaain ewag thaabu urum khʉʉn phobor ithee. ⁴ Chi poor saserdoteu waisiegau paa chi lampara Ẽwandam dauna, chi lampara kandeler phin den ee. ⁵ Paanau arin ajapham auwia maigmua phaajuarrau dose pan pomaam agdʉi. Naagau tres kuarto arinden chi piesa pier. ⁶ maigmua paanau aukheraagau iler numita aukherju, iler pier aukherju sei, chi mesdam phinden wautar chi Ẽwandam khiinphee sim ai. ⁷ Paanau aukheraagau nathoo thũpham chi ẽukhasitheem bigaau pan ai jãsene pachdiu nimin jãsene deeg pam den. Amʉg nathoo thũpham phaaju Ẽwandam itheeu. ⁸ Khãai pier ʉ̃yãmeg chi por saserdoteu ãspam pier aukheer jeegau chi pan Ẽwandam khĩirphee chi chaain Israel den chaai thũrgaai, ⁹ maigmua amachdeu khojuarrau ar santo di sim arr, mag amachdeu autaar phaanaaita deeju Ẽwandamag." ¹⁰ Mʉgta ajim chi iewaa ʉʉi Israelitam, i aai ajim Egiptom, Israel phobor khʉʉr eem pʉi ajim. Jãg ʉʉi iewaa Israelitam jãujim dã am woun Israelitam dʉi chi phobor ee. ¹¹ Chi ʉʉi Israelitam iewaau iek akhãrag iekhamajim Ẽwandam thʉ̃rgaai maimua ichdeu maldesiijim Ẽwandam, mag barwai, chi õorãu aubeejim Moise arr. Chi thʉ̃r chi amigden ajim Selomit, Dibri kha, khognaan Dan eem. ¹² Maimua i phaan kher jierram di ee mag maach Ẽwandamua jautaar aai aanag. ¹³ Mag barwai Ẽwandamua iekhajim Moiseeg, jaaumajim: ¹⁴ "Pʉr athaadethʉn chi woun maa Ẽwandam maldesiitaar chi phobor aimua wab. Thʉmwe chi ʉ̃rtarkhʉʉnau paan juau i por gaai pur juarrau, maimua thʉmaan khʉʉnau igaai mogdawau baraagau. ¹⁵ Paanau iekhajuarrau chi phobor Israelag maimua jauba: "Ãbam õorãukhaija maldesiimum paan Ẽwandam ma kastigaagau. ¹⁶ Mai õr ãbamua akhãrãg iekhamug Ẽwandam thʉ̃rgaai ma thõogau. Thʉmwe chi phoborau mogdawau baraagau, õr wapam awieja aiguim awieja-Israelitam. abamuakhaija ãkhãrag iekhamun Ẽwandam thʉ̃rgaai, ma thõopui juarrau. ¹⁷ Paan eemuakhaija thõomun õr ãbam, ich chagcha thubaju thõopeyaag. ¹⁸ si magsim eeja õr ãbamua thõomug chi kham nemchaai, ich deu phagaagau, agjʉ̃r dewam deeju. ¹⁹ Ãbamua khaija paach khapeer gaai mas deemun, ich khaper gaai deetarjuta waupeiju: ²⁰ khõrẽukhai agjo khõreu, daukhai agjo dau, khier khai agjo khier. mag ichdeu wautarju ich khaper, akhoo igaai wauju. ²¹ Õr abanua nemchaidam thõomug phagaagau, mai õr abamuaja õr abam thõomug akho ma thõogau. ²² Ag ley peita wainaagau makhʉʉn warpham ithee mai chi durkhʉ ithee-Israelitam, muta paan aayau paan Ẽwandam." ²³ mag barwai, Moiseeu Israel phoborag iekhajim, maimua chi phoborau aubeejim chi woun chi dʉʉr aimua daugar, ar chi Ẽwandam maldesiitaar. thõo puyaag. Israelau ukhajim maa Ẽwandam iek Moiseu jautar.