¹ Ẽwamdamua Moiseeg iekhajim: ² "Israel pienag jauba, maimua aanag magba: "Ẽwamdamua mukhʉʉn fiesta ta jaujim, paanau mag ed khapan ta biiduwia murig jewaagau; mag ed mu fiestau. ³ Paan phig khaagau khãai sei ed, mai khain siete ed ʉ̃yãagau, ãba porduagau. Paan phidag wawaag khaban, mag ed paan ʉ̃yãagau ẽwamdamag jewaagta pʉch jooba sim ar. ⁴ Mu khʉʉn festivalta ẽwamdamua jau puajim, paanau jaukhaagau mag khãi ee burju: ⁵ nacham mes ee katorce ed edaramden, chi paskuau ẽwamdamden. ⁶ ag mes ee kince ed, chi phestivalau pan lebadur chukhum den ẽwamdam ithee. khãin siete ed, paan pan lebadur chukhʉ khonaagau. ⁷ Mag ed paanau aukherju poor duaguithee; mag ed phikhaba paan paach phidag gaai. ⁸ Paanau deekhaju neminag khoojem ẽwamdamag khãin siete ed. Khãin siete ed pordʉjuarrau mag ed ẽwamdam ithee aukherjuarrau, maimua mag ed paan phigkhabam paach pidag ee." ⁹ Ẽwamdamua iekhajim Moiseed, irik magjim: ¹⁰ "Israel pienag iekhaba mai aanag magba: "Nau paan barcheewai chi meguer mua deeg pam ai, maimua chi nemjir ooberwai, magbarwai paanau aubeegau ãupapei agdam eem chi phad ar. ¹¹ mai ichdeu oopiju chi neminag mu dauna mai idauna irik oopiju, ,mai paan thʉ̃rgai thʉbamkhĩin. Mag khãin i ʉ̃nsim edta chi phadau murig ʉaju maimua murik oopiju. ¹² Khãin ãb num eekhaija paanau murig nemin deewai mu dauna, paanau murig deeju phakchaai ãyõ abam maimua paibamta deeju chi phaam ẽwamdamag. ¹³ chi dau jʉmden deegpaawai siegau tres cuartos harin ajaphamden waarewam neukhaudʉi, wajapha phaawieta deeju ẽwamdamag, chi thʉ̃aphog ajapha thʉbamkhĩin, maimua ag dʉi ãba deeju vino litro ãb awia jãdach, ¹⁴ paanau pan abamjã khoju khabanʉm, mai phaamja mai chidau õrroomja, mag khain ed pai aubeenʉm ai deegpam ẽwamdamag. Mʉg jẽsab thʉbasisiegau ichmag paan chaai ewag udurumkhʉʉn ithee, paach jooba num arja. ¹⁵ Chi edau ãspatar aimua mag tarkhʉr ʉ̃yãutar ed mag ed ajim paanau chi nemin aubeer deetar mecidam maimua beer athad 7 khãin deyʉʉ. ¹⁶ Paanau beer awaagau 50 khãin, mag ed ajʉ khãin siete ʉ̃in aujʉ ed. Mag barwai, paanau irig deen magau nemin papauden chi õr ẽwandam ar. ¹⁷ Paanau degamua aubeeju daunumi pan ebtar magum numi jãdacham thãrjʉ̃b arinden. Arin ajapham denta wausiegau mai wajaphata phaasiegau lebaʉʉrdʉi; jãkhʉʉnta nemjõ wawam warpem deegau ẽwamdamag. ¹⁸ Paanau pan dʉita oopigau, chib 7 ayõ edam maimua memerkhog chukhʉm, phak ãb ẽwam maimua chib ẽwam. Makhʉʉn phaanaita deeju ẽwamdamag, chi padau khʉʉn dʉi ãba maimua chi dʉdʉju deeju khʉʉndʉi, wajaphata phaanai deeju mai ẽwamdam pʉ dʉi õnee sisiju. ¹⁹ Paanau chib chi emkhooita deeju, paach pekau dam jʉ̃r, mai chivo numi ãyõ ãbam thõopʉyaaguithee, deegau wajapham jãsene deeg. ²⁰ Chi phadau irig oopigau chi nacharam jĩirtaar koojem pordʉ autar Ẽwandam dauna, maimua oopiigau irig jãsene deesim chib numiim den. Makhʉʉn jãsene deegpam akhãrãg chukhʉ siegau Ẽwandam iek jaujem khʉʉn ithee. ²¹ Mag khãai edpai paanau irig jewaagau. paan poordʉ juarrau khĩirjũg deeguithee, mai paan phigkhabarram deewam pidag. Amug mua jauchirum ich mag thubaagau chaai ewag urum khʉʉn ithee thumaam phobor arr joobanum pier. ²² Nau paanau pordu aawai chi jĩirtar jẽb eem, paanau warre aujukhabanum chi nemjĩir chi jẽb bigawam khʉʉn, mai paanau chi dau eugar thubamag awaag khabarram. paanau aupʉagau da aphʉʉn khʉʉn ithee mai warpham khʉʉn ithee. Mu ta paan Ẽwandamau." ²³ Ẽwandamua iekhajim Moiseeg, magjim: ²⁴ "Iekhaba chi õr Israelam khʉʉnag mai jaauba: "ed sietem ee, nacham khãai mag ed den, mag ed paan ʉgthaag peita jewaagau, khĩirjʉ̃g aumaju chi trompeta sirmamdui, maimua poorduagau khĩirjũg ajapham deeg. ²⁵ Paan dewam pidag wawaag khabarram, maimua paanau deegau nimin thõom phaawia Ẽwandamag." ²⁶ Magbarwai Ẽwandamua iekhajim Moiseeg, magjim: ²⁷ "Ĩs, khãai 10 ee ed 7 den mag khãai ee thõojʉ̃ mach pekau jʉ̃r. mag poorduagau khĩirjũg deeg, maimua paan paach ee pʉi oomajuarrau maigmua jãsene deegau phaanaai Ẽwandamag. ²⁸ Paan mag ẽd pidag phig khaag khabaarran, mag ẽd onee naag aawai, ãba onee naag paach ee papʉi Ẽwandan dauna. ²⁹ Abamkhaija aakharãg wauusim ich ee oobamum mag khãai ee, maach aimua jʉr peyaagau. ³⁰ Õr ãbamkhaija mag khãai ee phigkhamun, mua, paan Ẽwandamua, paan eemkhʉʉn mua opʉijʉ. ³¹ Mag khãai ee paan ãbam phidagja phigkhaag khabaarram. Mʉg estatut ich mag sisiegau chaai ewag urum khʉʉn ithee paan õr den paach joobasitheem arr. ³² Mag khãai paan itheeu ʉ̃i awamkhiin nemkhoo pomaam ee, maimua paan paach ee papʉi oobad chi nobeno khãai ee chi ẽd kheeuragam den. Kheeuragamua ag noram kheeragam den, mag khãai ee paan onee thʉnaagau. ³³ Ẽwandamua moiseeg mug iekhajim: ³⁴ "Isarael pienag jauba, mug: "chi khãai kinse ee ẽd sietem den chi nemkhoo pomaamau biirdʉajem di ai Ẽwandam ithee. khãai siete thʉbaagau. ³⁵ Nacharam khãai ee paan biirdʉagau. Paan paroobam phidag phigkhaag khabaarram. ³⁶ Khãai sieten ithee paanau thõowia phaawia deegau Ẽwandamag. Khãai oktabon ee naagau nemkhoo pomaam, maimua paanau thõowia phaawia deegau Ẽwandamag. Amu nemkhoo pomaamau, maimua mag khãai ee phigkhaag khabaarram. ³⁷ Mu khʉʉn nemkhoo pomaamta thʉ naagau Ẽwandam ithee, magsimduija paanau jaujuarrau ãba porduaguithee deeguithee nimin thõowia phaawia Ẽwandamag, jãseneta phaanaai deeju maimua padauja jãsene deeagau, thõowia maimua deegau domkĩin, a ãbdu khãaipier. ³⁸ Mug nemkhoo pomaam waujuarrau chi khãai ʉ̃yãju ed Ẽwandam den, maigmua irig deeju, thʉmwe irig deed atarr, maigmua thʉmwe paach thãarau deenʉm Ẽwandamag. ³⁹ Chi nemkhoo pomaam oonuuawia chi biirdʉajendi den, chi khãai kinse ee chi septimo ẽd, nau paachdeu chi nemjõ abamag poordʉ auwia chi jẽb aiguim, paachdeu chi nemkhoo pomaam waidunuwaagau khãai siete eg. Nacham khãai ee paan ʉ̃yãagau, maigmua obtabo khãai ee agjo ʉ̃yãwaagau. ⁴⁰ Nacham khãai ee, paanau chi nemjõ ajapham auju chi pabʉ gayam khʉʉn, dikher pabʉ gayam, pabʉ chi piu pomaam kherapham, maigmua pabʉ dobigawam, maig paan onee naagau Ẽwandam dauna khãai siete eg. ⁴¹ Khãai siete ãyõ pier, mʉg nemkhoo pomaam wawaagau Ẽwandam ithee. Mʉg iek ichmag thʉbaagau paach chaai ewag urumkhʉʉn ithee thʉmwe paach jooba sitheem arwe. Paanau mʉg nemkhoo wawaagau septimo ẽd. ⁴² Paan joobagau di bãrãan dam ee khãai siete. Thʉmwe Israel pien nawem khʉʉn joobaagau di bãrãam ee khãai siete, ⁴³ mag aan chaai ewagamkhʉʉn, ewag wedurumkhʉʉnau, khau mam khĩin jãga mua wauji Israel pien joobamkhĩin mua aan jẽwaawei jẽb phobor Ẽgipto eemua. Muta paan Ẽwandamau." ⁴⁴ Mʉgta jaujim, Moiseu Israel pien oonag jaujim chi nemkhoo pomaam bʉʉrraagpam Ẽwandamua jautarr.