¹ Ẽwamdamua iekhajim Moiseek,irik magjim: ² " iekhaba Aronag mai i chaanag, aanag magba, warpaita thʉbapiba Israel ay neminag thʉnʉm aiguin, jãgum amachdeu bigau aunum mu athee. Aanau jãg mu thʉ̃rgaai jaujukhabanʉm. mu ẽwamdamau. ³ Aanag jauba: "abankhaija i chain eem ewag thaabutarkhʉ̃ʉn ag dakha masim Israel phoborau ẽwamdam bigau wautar ai, ich akhãrãg waisiman, mag woun mudauna thuap peyaagau: muta ẽwamdamau. ⁴ Ni abam Aron chain eemkhʉʉm mõr machag waisitheen khʉʉn aan morgai, mai agjo aan mõrgai chandauju sitheem, magum khʉʉnau khojukhabanum chi neminag ẽwamdamag deetarkhʉʉn ich monaubam ai. Abamuakhaija purmun neminaangaai õr mõr meesitheem gaaija, mag bamun õr mõrgaaija nemju waisitheemkhʉʉn, ⁵ õr abamuaja pursim nemchaai bujã ee thõsitheemgai, magbamun õr akhãrãmua i gaai pursim, ne minaam parobamua akhãrãmua igaai pursim- ⁶ magan chi phad neminag akhãrãgam gaai pursim, ma akhãrãasiegau kheurad garbi pui. Ichdeu khoju khabasim nemin abam chi khoojem thunum aiguim, ich domerbam ai i mor dodamua. ⁷ Nau chi edau oberwai, magai ich monakha siaju. ya kheugarbi abaadewai ich chi neminag agaiguim khoju aaisim, makhʉʉn i opod aawai. ⁸ Ichdeu khoju khabasim nemchain thõsitheen mai agjo dewam nemchaanau thõotar, magai ichdeu pʉi ich akhãram wausim. Mu ẽwamdamau. ⁹ Chi phad naanau mu iek ta ʉ̃rjeegau, magbamun amach akhãrãagueeman mai aan meejuarrau mu iek ũrba tar aai. Mu ẽwamdamau paan pekau chugpai. ¹⁰ Chi phad khognaan igaunumkhʉʉnau, agjo chi phad agai jooba numkhʉʉn, agjo ich chognaan jooba num khʉʉn, khoju aainum neminag ajapham. ¹¹ Magsim ee chi phadau ich phagkhonau ich choogjem peraumun, aan chogau khoju aaisim neminag ẽwamdam bigawam. Chi phad khognaan maimua chi chognaan ag di ay thabutarkhʉʉn, makhʉʉn khoju ainum chi nemin i dʉi chi neminag. ¹² Chi phad kha jaai jʉrmʉm emkhooi phad khaba simdʉi, chi ʉʉyau khoju khabasin chi neminag ajaphan deetar. ¹³ Magsimee chi phad kha khoopar amʉm jaai pʉatar amʉn, mai chi ʉʉi chai chukhʉ siman, mai ich joobaan mamun ich aai di ar dauper ju awia, chi ʉʉi opod khoju aisim ich aai di aiguim. Mai ni abanja chi phaad khognaan ee khabasim opod khoju khabasim chi phad aiguim. ¹⁴ Emkhooi abamua opod kho apem khauba aiguim, mag barwai ichdeu deegau agjũr dewam opod chi phatad; ichdeu doochata deegau agkhãyãu mai deen magau phad ar. ¹⁵ Israael phoborau akhãrag waujukhabanum machdeu neminag deetar ẽwamdam dauna, ¹⁶ maimua amachdeupeita amach akhãrãg thʉba ausim irig neminaam jauban khowia ag degam, mʉta ẽwamdamau mua paan mag auchirum." ¹⁷ Ẽwamdamua Moiseed iekhajim mʉg: ¹⁸ "Jauba Aronag maimua ichaanag, maimua Israel phoborag. Aanag jauba: "Õr abam Israelam, magbamun õr israel aiguin khabam joobasim, magum õraun nemin deeg paawai-- ichgarmua ich thãarãuta khõsi nemin deegau, magbamun ẽwamdam dauna phaawiata deegau, ¹⁹ maita i jua eem auju, amachdeu neminag deeg pamai mag nemchai monakhata siegau chi phak denkhaija, chip den mai kabra den. ²⁰ Pʉa neminaan akhãragam deeju khabasim. Magun mua igbam pʉden. ²¹ Õr abamua neminag deen urum ichtãrãucha ẽwamdam ar, ich khaper deyimju ich pekau chukhuju siegau, memerkhog chukhu ta siegau magta igsim. Chi nemchaai morgaai akhãrãg chukhʉta siegau. ²² Paanau nemchain daukhĩsum khʉʉn deejukhabanum, eyeukhitheemkhʉʉn, por phʉʉ thar sitheemkhʉʉn, magbaman khãdau parsitheemkhʉʉn, mai chandau waisitheem khʉʉn. Magum nemchain deemajukhabasin thõowia deen majukhabasim ẽwamdam di ar. ²³ Magum paanau deegpam phaaich thãarãuchata deeba phakchaai magbaman chib barãamdam monakham, magsim ee paanau murig jãgum deemun mua magum aubam. ²⁴ Ẽwamdamag nemchain akhãrãasitheem demied phãar pogphe sitheem, piyiu sitheem, phãphãgdu sitheem, magbamun thʉap sitheem. Paach phobor ee mag waumieg. ²⁵ Paanau deejukhabanum ẽwamdamag neminag õr oobajem jua eem. Magum nemchain akhãrãasitheem maimua ãr morgaaikhaija agjo ãr sitheem, ẽwamdamua pʉ jua eem aubam." ²⁶ Ẽwamdamua Moiseeg iekhajim maimua irik magjim: ²⁷ Nau phak chaaikhaija, magbamʉm chib chaaikhaija magbamum cabra chaaikhaija thaabumʉm, siete ed ta siegau ich amig dʉi. magbarwai, khãai ocho ed naawia, makhʉʉn igjuarrau egdau ee phaaguithee ẽwamdam ithee ²⁸ Oothõom phak magbamʉm chib khaija ich chaaindʉi ãba, ag ed khaai papʉi. ²⁹ Nau paanau thõowei neminag par deewai ẽwamdamag, pʉch thãarãu khõsita deegau. ³⁰ pʉchdeu ag ed puita khopeyaagau chi nemchaai thõotar. Paanau aukherju khabanum chi sob ag noram ithee. Ẽwamdamuata jausim. ³¹ Magan, mu iek paach ee aukherbad maimua waubad. Ẽwamdamuata jauchirum. ³² Paanau mu jautar ʉkhabam amiek. Mu thʉ̃r phobor Isrsael ee thʉm khaphʉ naagau. Mu ẽwamdamau, muata paan pekau chukhʉ waidʉnʉm, ³³ ar paan jẽu autar Egipto phobor eemua paan ẽwamdam khaag: muta ẽwamdamau.