¹ Maa Ẽwamdamua moiseeg jaujim:"iekhaba pad naandʉi, Aron chaindʉi, maimua aanag jauba:" Paan eemkhʉʉanau waumiethʉn paach phobor ai õr meewai, ² paach khognaan dakham awieja pʉ ãd, pʉ ai,pʉ iewaa,pʉ kha, pʉ naam, ³ magbamʉn pʉ ʉphʉi enkhõon khaubasim pʉ dakham, ich jaai chuku siawai, jãg gaaimua awiaja paan paaijuarrau. ⁴ Ich akharan sieju khabasin ich khog naan gaimua, akhãrag wausiewieja. ⁵ Pad naan amach por phʉʉ taraag khabarram maimua ich iekhajar khõyãag khabam, mai ich mor gaai jiriguag khabam. ⁶ amach pekau chukʉta naagau ẽwamdam ithee, maimua ẽwamdam thʉ̃rgaai akhãrag jaumiethʉn, mag chi padnaanau ʉa ʉa nʉm khoojem ẽwamdamag, ẽwamdam opod. Maag wai, chi padnaan pekau chukʉ tanaagau. ⁷ Jãkhʉʉn õr magʉm ʉʉi pithier sim dʉi pa jukhabanum maimua akhãrag waunʉm dʉi, maimua agjo jãkhʉʉn pa jukhabanum ʉʉn amach jaai puatardʉi, makhʉʉn õr maach ẽwamdam dʉita naawai. ⁸ Pua ãr jʉrther auju, jãguata maach ẽwamdamag pan oopigau. Ich pekau chukhʉta siegau pʉ athee, mu pu, aayau, pu pekau chukhu ausim mu pu aai pekau chukhusim. ⁹ Parooban kha pad khasitheemden ich mor jawam khĩrju awia magumag pam khõchagau ich aaita akhãrag ee bar peisim. Magum phaapeyaagau thõm ar. ¹⁰ Jãg pad aan por khasim ich ẽunpeendʉi, ich por gaai nemkhau phʉrpitar, maimua i jʉrther aujierram mag put juamkhĩr chi phad por pomaam awai, pʉ phõbʉ ẽrẽu ausieg khabam mai phuch put gaai chawaagkhaban. ¹¹ Ich majukhabasim magum õr mor thõsitheem ar, maimua ich mor akhãrãg ee barpeyaag, ich aigaimua mai ich ãd gaimua. ¹² Chi phad por pomaam khasimua maa aai por duajem di barpuajukhabasim mai maa aaidi igbam ju awia, ich jurther autar aai phad chi por khamkhĩr maa ẽwamdam nemkhawau phʉr tar aai. mu ta ẽwamdamau. ¹³ Chi phad paju aisim ʉi pekau chukhʉ̃n duita. ¹⁴ Ich paju aai khabasim khoopardʉi, ʉi ich jaai pʉatar dʉi, agjo ʉi ich mõr paroob deejemdʉi. Jã pajukhabasim magum khʉʉn ʉ̃ʉndʉi. Ich ʉʉi auju aaisim pekau burba simdʉi ich khʉr eemdʉi, ¹⁵ magan, mai akhãrag oopimaugau ich chain ich khodnaanag, mag mu ẽwamdamau, muata pu thʉa parchirum. ¹⁶ Maa ẽwamdamua moiseet iekhajim, magjim: ¹⁷ Aronag iekhaba mai irig magba: "pu khognaan eem abam khaija ewag thaabutar khʉʉn eem akhãrãa siman aan mor gaai khaija, mag õr majukhabasim nemin khoojem deen ẽwamdam ar. ¹⁸ Õr abam khaija imorgaai wachak ausitheemkhʉʉn majukhabanʉm ẽwamdam sim ar, Ar wom daukhĩsum, magbaman ar won wedʉ wedʉsim, ¹⁹ magbamʉm khĩin thʉthʉdum, ²⁰ won jua apapʉm, mai bʉ akhãrãam, ar won bʉ mai jua eyewam, won phõpa busim, mai jophoram mai õr barãam, magbamun õr dau akhãrãam, mai mõr machak waisitheem khʉʉn, machagam, jajadum mõrgaai, magbamun phãrdau pĩisi tarkhʉʉn. ²¹ õr abanja chain ewad thabutarkhʉʉn eem phad Aronden ãr mõrgaai waisitheem; makhʉʉn õr dakha majukhabanum khoojem deen ẽwamdam ar. ²² Ich ẽwamdam opod khoju aisim, mach aai di ai thõotar nemchain magbamun mach ewamdamag nemchain deetar õrau. ²³ Magumjã, ich dʉb jukhabasim put thʉr simgar mai chi di dakha, mag ich mor machak ausiewai, mag ichdeu mu di gaai akhãrãg burpimaugau, mʉ ẽwamdamau, muata paan pekau chuku auchirum." ²⁴ Magta, moiseu iekhajim mug iek Aronag, chi iewanaanag, mai Israel phoborak.