1 Ẽwandamua iekhajim Moiseeg jẽb Sinai ar jaumajim: 2 "Iekhaba phobor Israelag maigmua aanag jauba: "Nau pʉ dʉʉgwai chi jẽb ee mua deeg pam arr, mag barwai chi jẽb aaipasiegau chi khãai waidu nuwaag ʉ̃ijũden Ẽwandam ithee. 3 Pʉa pʉch jem ee jĩrãagau seis ayõta, mai seis ayõta thʉʉrpheejeegau chi piu maigmua abamag pordu awaag chi khojʉ. 4 Mai siete ayõ abadeewai, paanau oo awaagau khãai ãb khaija chi jẽb ʉ̃yãwamkhiin, khãai ãb ʉ̃yãwankhiin Ẽwandam dauna, pʉ jĩrãagkhaban puch jẽb ee mai thʉrpheeg khabam chi piu. 5 Abamag pordu awaagau chi nemjõdau ichkhĩrãu obertarkhʉʉn, mai abamagja pordu auban chi nemjõ chi piu thʉab basim gayam. Ayõ ãbta ʉ̃yãwaagau chi jẽb. 6 Mag sim ee chi jẽb ee phigkhaba num ee chi nemjĩir ichkhĩrãu oberbaaden mag ayõm ʉ̃yãutar ee ma paandenau. Pʉ, pʉ chognaan ẽmkhoon mai chi ʉ̃ʉn chi chognaan, pʉ chognaan phigkhaajemkhʉʉn maimua pʉdui joobanumkhʉʉn warphamkhʉʉn makhʉʉnau poordu awaagau chi khoju. 7 Mai pʉ phak mai pʉ nemchaan pabʉ eemkhʉʉn agjo khojuarrau paroobam chi jẽb ee oberbaaden. 8 Pʉa beraagau siete seman ãb ãyõ den, siete apha siete ayõm den, mag barwai, naaju siete ayõ ʉyãwaag, naaju cuarentay nuebe ayõ. 9 Mag barwai pua theeg phua sirju chi trompeta thumaam phobor ar ed septimo ee khãai dies num ee. Chi khãai nemchaai thõonum ed siraagau chi trompeta thʉmwe chi jẽb pʉ den ee. 10 Pʉa santiphikaagau chi ayõ sincuenta Ẽwandamag maimua jewaagau khõinaa naamkhĩin chi jẽb ee thʉm chi jooba ju khʉʉn athee. mag ed onee naju paan, paach di ai mai chognaan oojuarrau paach khognaan dʉi. 11 Chi ayõ sinkuenta aju chi ayõ deeu murig deemkhĩin. Mag ee pʉ jĩrãag khabam mai agee arjukhabasim chi nemjir jĩrãag. Khobathʉ̃n ichkhĩrau obersim, maimua pordu athag chi ubas oberthʉnum chi pabugaai chi piu thʉrpheba sim gayam. 12 Jã jẽb ʉ̃yãwamkhĩin aawai, jã paan ithee akhãrãgam chukhʉta siegau. Pʉa chi nemjõdau jẽb ee obertarkhʉʉn puita khojʉ. 13 Pua deeu deekhaagau thʉmaam khʉʉnag amach jẽb dam mʉg ayõ ʉ̃yãutar jẽb ee. 14 Pua khaija permʉg puch jẽb puch khaper pu bigau jooba simag mag baman peraumug parooba jẽb puch khaper juagaai, pua akhãrãg wawaag khaban mai seukhaag khabam da ãbãmua da ãbag. 15 Pua peraumug jẽb puch khaper pu bigau jooba sim juagaai, ooba chi ayõ khapanag mai chi nemjõ pordʉ aujuden da ãb ayõ ʉ̃yãuju arr. Pu khapeerau jẽb persim ai magum oomagau. 16 chi ayõ nempom oowia jẽb ʉ̃yãuju arr bãuduugau chi jẽb, mai chi ayõ eegaapui oowia chi jẽb ʉ̃yãuju arr eeg pui siegau chi jeusim, mai ooju chi jẽpau khoju deesim chi khug ewaa simua oomaagau chi ayõ khapanag den chi ayõ ʉ̃yãuju nabe. 17 Pua akhãrãg jaubam mai sekhabam da abamuua da abag, mag ju khãyãu, puch ee Ẽwandam atha, muta pu Ẽwandamau. 18 Maagwai pʉa ʉkhaagau mu decretos mai waidʉnuwãagau mu ley mai mag gaai jausimju. Mag barwai, Pʉ jag jẽb gaai thʉa parta jooba sisiju. 19 Chi jẽpau deethu naagau chi khoju, mai pu agueem khoju mai thʉapar thʉ num ee joobaju. 20 Pua jaau jeeju:"¿khanta maa khoojeegauma septimo ayõm ee? Ooba, maachdeu jĩrjukhabanʉm mai maach khojudam poordu awaagja khabam. 21 "Mua deepuiju much bendicion paan ithee sexto ayõm ee, mai nempom oberkhaju khoju ayõ thãrʉ̃pan ithee. 22 Pua jĩrãagau ayõ octabon ee mai ichmag khosisieagau chi khoju dam ag ayõ eepui mai chi khoju ʉrkhatar. Ayõ nobeno den chikhoju barchem ar, pua khoogau chi khoju ʉrkhatar ag ayõ gaim. 23 Chi jẽb pua per nʉʉrraag khabam ich mag dewam khʉʉnag, jã mu jẽb aawai. Thʉmwe paan warphan khʉʉnau mai khũchpeita maan jẽb ainum. 24 Pua khĩrjʉ̃g auju chi khʉg chaarauta auju aaisin deu ich jẽb perawaag pabaadeewai; Idʉraa chi khognaanag chi jẽb perautar den deeu aanag peraupiju. 25 Pu khaper Israel pier da aphʉʉ aadeewai mai mag gaaimua ich jẽb dam eem permun, magan magai i khognaan dakham khʉʉn beeju aainum mai deu aanau per auju aainum chi jẽb ichdeu purig pertar. 26 Naun õrkhaija khog chukhusimun deu chi jẽb peraguaag, magsim ee phagkhon ausimag mai deu ich jẽb perauju, 27 mag barwai ichdeu oogau chi ayõ jãag weyamua chi jẽb perjierra mai phagaaguithee chi pagkhon chi wounag ichdeu pertaarrag. Mag barwai ich beeju aaisim ich jẽb arr. 28 Mag sim ee ichdeu ich jẽb pod aubamun, magan ichdeu chi jẽb pertar chi woun perautaarrau waisiegau chi ayõ jubileo arr. Chi ayõ jubileo ee, chi jẽb deu irik deu deegau chi woun pertaarrag, mai chi khʉg chaar beeju ich jẽb dam arr. 29 Chi wondamua khaija ichdi permun phobor enter thʉrsim aram, magan ichdeu deu per auju aaisim ayõ ãbamua pertar khʉr. Ayõ enteruu ausim ichdeu deu ich jẽb awaaguithee. 30 chi di deu ichdeu aubamun ayõ ãb ʉdthʉrthar ee, magan chi di phobor thʉrsim aram chi khʉg aju ichmag chi woun perautaarrau, ichmag ichaain ewag thaabuju khʉʉnden. Mag di deeg khabam ayõ jubileo ee. 31 Mai chi di aldea aram thʉrbasitheem khʉʉn ag bigau dau aukhau juarrau chi jẽb thunum ai. Makhʉʉn deu auju, makhʉʉn deu deegau ayõ jubileo ee. 32 Mag barwai, chi di Lebita pien den amun chi phobor eem makhʉʉn deeu auju khãai aban ee. 33 Da abam Lebita eemkhʉʉnau peedu aubaman ich di ich deu pertar, magan ichdeu chi di pertar chi phobor sim aram deu deegau chi ayõ oba deewai, mai aan di phobor eem Lebita pienden aan denau phobor Israel eepʉi. 34 Mai chi jẽb phobor bigawam perju khabanum, Jãkhʉʉn chi khʉgnaanau ichmag Lebita den. 35 Mai pʉ khaper khaija da aphʉʉ aadeewai, pu aikhaija barcheewai, magbaadeewai pua i khaiperawaagau ar õr warphamua khaiper numjʉ magbamun õr parooban joobanum ar paan ee thunum warphamkhʉʉnju. 36 Agʉ̃r jewaagkhabam magbamun pua i gaaimua aprobechaag khaban mag deija, Ẽwandamagta jeuba pu naam puch ai joobankhiin. 37 Pua irik phagkhon deeg khaban mai agʉ̃r jewaag khaban, puch khoojemja peraag khaban akgaaimua ganaan khaija. 38 Mʉta Ẽwandamau pʉ Ẽwandam, ar paan jẽu autar jẽb Egipto mua, magdeija mua deegpam jẽb kanaán aram, mai mʉta paan Ẽwandamau. 39 Si pu naamkhaija da aphʉʉ aadewai ich pu aikhaija phigkhamun, oo pʉch chokju awia iphigkhapin. 40 Pʉch chok ajapham juta idʉi aba. Jã pʉdʉi aju õr khʉ̃chpapui jooba simju awia. Jãgua pu khaiperju da ãb ayõ beenum ar. 41 Magbarwai, ich pu aimua wab maju, ich maimua ich chaain dʉi, maimua ich maju ich khok naan archa maimua ich dennaan jẽb archa. 42 Jãkhʉʉn mu choknaan aawai ar mua aan Egipto dʉʉrmua jẽun autarkhʉʉn. Jãkhʉʉn perju khabanum chook jemkhʉʉnju khaag. 43 Oo aan ʉ̃rcha chogam, magan pua puch Ẽwandam ipierraata aagau. 44 Mai ar pu choknaan emkhoon mai chi ʉ̃ʉn, ar pu bigaau joobanum khʉʉn eeman auju aaisim, jãkhʉʉn choknaan eeman perauju aainum. 45 Paanau agjo perauju aainum chognaan oram naan eem paam ee ãba jooba sitheem khʉʉn eem, magau, paan khoknaanden paan dʉi num khʉʉn, chaan paach jẽb aicha thaabʉ nʉm khʉʉn. Jãkhʉʉnan chi pab khaju aainʉm. 46 Paanau aupuaju aainum jãkhʉʉn chognaan juakhaarju awia paach chaan ithee paan eugar, amach denjʉ̃ wainaan. Jãkhʉʉn den eeman ichmag paanau perauju aainum aan chognaan, paanau ʉ̃rcha theeg chogaad khabarram paach naamkhʉʉn gaai phobor Israel ee. 47 Abam orankhaija magbamun õr pʉ ai khʉ̃chpapai joobasim parpakhaija aadewai, mai ãb khaija pʉ khapeen eem Israel pier da aphʉʉ aadeewai mai ichkhaija permun mag oranag, magbamun õr abankhaija aan khodnaan eem oran eemkhaija, 48 magtarkhʉrkhaija pʉ khaper Israel pier per atham ai, deeu paanau i per auju aainum. Paan khodnaan eemua peedʉ auju aainum. 49 Magbamun chi woun ãaijooyau, magbamun pʉ ãaijooi iewaau, peedu auju, magbamun õr abamkhaija pu khodnaan eem dakham. Magbamun, ich phatkhon waisim ai, ichdeu peeudu auju aaisim. 50 Ich iyʉʉ aagau chi woun perautardʉi, amachdeu beraagau chi ayõ chi ayõ mua i perautar ar agjo papui chi perautar ayõ beenum ar. Oonuu anaawiata phagaagau ipeedu artar i phigkhaag panden, chi ayõ oowia ich phigkhasisiegau chi perau tar ai. 51 Agatha chi ayõ thʉnuman da ãb ayõ beenum ar, ichdeu phagju aaisim ewagam, irig jeutar ich peedu autarden, phatkhon pom chi ayõ oowia. 52 Oowai ayõ bãrãasiman da ãb ayõ beenum ar, magan ich iyʉʉ aju chi perautardʉi ooguithee chi numero ayõ den thʉbatar chi ayõ da ãb beenum ar, mai ichdeu phagju ich peedu autar jũr onee chi ayõ oowia. 53 Jã jãseneta wainaagau paach ai chogam khiin autar ayõ beethunum pier. Pua i thʉapar aju igaai akhãrãn waupimaugau. 54 Maachdeu mʉg ee peedu aubamun, magan paan ai phig khaagau mʉg ayõ ee, ich mai ichaain y dʉi. 55 Mu athee Israel pien mu chaanau. Jãkhʉ̃ʉnau mu chaan Egipto dʉʉrramua wab aan jẽudeetar. Mu Ẽwandamau paan den.