¹ Ẽwandamua Moiseet iekajim mai magjim: ² "Ooba, mua thʉ̃rjim Bezalel Uri iewaa, Hur iewaa, Juda khod naan eem. ³ Bezalel mor ee much akhar phẽs deejim, i khĩirjug pom amkhĩin, khau amkhĩin maigumua waukhawamkhĩin, thum neminag artezania ithee, ⁴ dibujaakhau amkhiin maimua phin gaai phidkham khiin, phatkhondau gaai mai bronce gaai; ⁵ agjo thuap khawamkhiin maimua mokdau joothut khaag maimua pa waukhawaag, thum neminaam artezania den wawamkhiin. ^{6 7 8 9} Agjo dewan, jʉraujim Aholiab Ahisamac iewaa, Dan khod naan eem. Mua ãr thãr owia much akhaar phẽsdeejim ãr khĩirjũg pom oowia mua aanag jautar thumwe wawankhiin. Mu khʉʉnta dubsim chi di porduaguithee, chi baudi phinden, chi tab thuapar aajem baudi ʉ̃rsim maimua thumwe padi jubjemkhʉʉn di aiguin: chi mes mai thum chi neminag, chi lamparadam thum chi neminag dʉi, ⁹ chi jardam kher thʉpham phaajem, chi khʉr memeg mog phaajem thʉm chi neminag dʉi, maimua chi dob pomaam chi jubjemdʉi. ¹⁰ Agjo mukhʉʉn put jũaju khaag dubsim: chi khajũa Aaron ithee autar chi phad ithee maimua ichainden, mu athee jurautar phad khamkhiinju. ¹¹ Chi nemkhau phʉrjemja dʉi dubsim maimua chi kher thupham aukhertar di ithee. Chi waujemkhʉʉnau thum mukhʉʉn wauju mua jautarju. ¹² Ẽwamdamua moiseet iekhajim maimua jaujim: ¹³ "Jhauba Israel naanag: "Chadcha paanau ukhaagau ẽwandamua jautar sabaro ed ʉ̃yamkhiin, jã señal mudei paandʉi ewad chain urum khʉʉn dʉi paan phobor eem paanag khaphu amkhiin jãta maa ẽwandamau, paan jurausim ich chain khamkhiim. ¹⁴ Magan mag ed ʉ̃yãagau, mag ed paan i ithee puita naagau. Thumaam khʉʉnau i iek jautar sabaroden ukhabamun thõopeyagau. Thum chi õr sabaro ed phitkhasim chi phobor eemua jur peyaagau. ¹⁵ Chi phidad phitkhaagau seis ed maimua domingo ed ʉ̃yãagau ẽwamdamag jewaagai. Õr abamuaja mag ʉ̃ʉyjem ed phitkhamun, chadcha ma thõopeyaagau. ¹⁶ Ichmagan, Israel pienau mag ed ʉyãagau. Ichmag wauwenʉʉragau chai ewag wedurumkhʉʉn dʉi mag ley ichmag siegau. ¹⁷ Chi ʉ̃injem ed ichmag seyãl oonurragau ẽwamdan mai Israel dʉi, mag ẽwandamua sies ed eemua meguer ethãdui ompa aujim, maimua domigued ʉ̃injim maimua werbasisijim." ¹⁸ Mai Ẽwandam iekha otarkhʉr Moise dʉi dʉrkhʉ̃ Sinai ai, irig deejim tabal numi i iek phãsimden, wawam mobdauden, ich juapau phãtar.