¹ Paanau di waujuarrau nemin phaaguithee. pa acacia thʉ̃r simden. ² Chi durag siegau codo ãb maimua chi pheuja codo ãbta siegau. kajondam joota siegau mai chi ʉkthaad codo numita siegau. Chi khẽun phak kach joota jujuruu sieju. agum khʉr paupapeita siegau. ³ Chi phaajem wautar phin chaarauta phʉrsiegau-jãemkhʉ̃r, bithʉgraban khʉʉnpa, maimua chi pa jayab khẽun jujurunumkhʉʉn. ⁴ Chi ijurgau waujuarrau phinchaarau. paanaun sortig numita wau ajuarrau phin charden chi bithʉr numiingar joothʉ kherar. Chi sortig chi pa joothʉajemta khasiegau aggai jir wainʉʉrraag chi phaajem. ⁵ Paanau agjo waujuarrau pa dasiim phʉdʉʉm acacia den maimua phinau phʉrpeyaagau. ⁶ Chi kajon chi khʉrden aukheraagau chi put paisim nagaraapai chi phinsim dakha. Chi nemchain chi thʉajemkhʉʉn chi tab ʉ̃rta jʉgkha naanau, magaita paandʉi mu ooju. ⁷ Aaronau ãspa thʉnʉm pier edaupheerre phaagau paker thʉ̃pham. ⁸ Ichdeu phaajegau nau chi lampara paagpamai. Nau Aaronau deu chi lampara paag pabadeewai edar, deu phaagau chi kher thʉ̃pham chi kajon ʉ̃r. Ichmag phaawenurraagau mu da khiin maimua, ẽwandam dauna, ichmag ewag urumkhʉʉnau phaawenʉʉrragau. ⁹ Panau chi phaajem ai dewam phaak khabarram, ni nemin phaamja khaba mai padau deenʉm agjo. Chi dijã eeja doojemjã weegkhabarram ãr ʉ̃r. ¹⁰ Aaronau maach pekau jʉ̃r phaag jeegau khʉ̃r ʉ̃r phak kachsimgaai ayõ ãbam ee. Ichdeu waujeegau nemchaain bagauto deethʉnaajegau maach pekau jũr. Chi phad kasimua mugta waujeegau ich phobor eemkhʉʉn chain ewag urundʉi awiaja. Mug paanau murig deenum mu ithee papeyau, pʉ ẽwandam. ¹¹ Maach Ẽwandamua iekhajim Moiseet mai irig magjim: ¹² Nau paanau Israel khapanag phãag pabadewai, mag barwai õr a ãbdʉmua ichmor jʉ̃r phagaagau ẽwandamag. mag wawaagau bertarkhʉrta, nau ichdeu beerwai aangai akhãran burpimaugau. ¹³ Thʉm chi khapanag phãkeraatarkhʉʉnau phagagau chi phagkontam oonuu anawia. Magueem jãdach murig deebandam mu denau, mai ẽwandam itheeja. ¹⁴ Thum chi bertarkhʉʉn, beite ayõ mua ʉgthaag, makhʉʉnauta murig deejeegau. ¹⁵ Nau chi õr damua mag deesim ay ich pekaudam jũrta phag thʉnʉm, paraamkhʉʉnau awia murig nempom deejukhabanum, mai aphʉʉm khʉʉnau awia barãaja dejukhabanʉm. ¹⁶ Thʉm mug phagkhondam Israel pienau deenumdam amach pekaujũr phagnumdam chi por dʉjem di arta akhakeraagau. Israel pien phobor ichmag mua oo auchitaagau, amach pekau jʉ̃r phagnʉm jũr. ¹⁷ Maa Ẽwandamua iekhajim moiseet mai irig magjim: ¹⁸ Paanau agjo wawaagau ajim jardam bronce den mai i jubpijudamja bronce den, jardam juachogaaguitee. Chi jardam aukeraagau chi di pordujem di ar mai chi paajem ai, mai dodam aguee aukerbad. ¹⁹ Aaron mai ich chaindʉi maguee amach juadam mai amach bʉ ʉajeegau. ²⁰ Nau aan chi di pordʉajem ee dʉpaagpaai magbaman maach aayag deeguithee phaag pan ai, amach dodamua sũgaagau amach tõpimaugau. ²¹ Amach juadam ʉʉgau mai agjo aan bʉdam amach meepimaugau. Amʉg ley ichmag thʉbaagau Aaron ithee mai agjo ichain ewag urumkhʉʉn ithee mai idʉi jooba nʉm khʉʉn itheepa. ^{22 25} Ẽwandamua moiseet iekhajim mai irig magjim: ²³ Khoojem ee pʉijem jurkha athad: 11 gramo de mirra thʉpham jʉrathad, 250 gramo kanelden khʉ̃waam mai thʉ̃pham, 250 gramo chojõ khʉ̃waam mai chipham, ²⁴ 500 gramo pa acasia den, chi chugag chachwia chi gramo den thʉbaju ai, maimua litro ãb aceite olibaden. ²⁶ Pʉa nemkhawau phʉraagau pordʉajendi, agjo chi baudi phinden, ²⁷ chi mesdam mai chi jar agun thʉnʉm, chi lampara ich jardamdʉi, agjo chi khʉrdi. ²⁸ agjo chi khʉrdi phaajem mai thʉm jardam dʉi, maimua chi balde thʉm chi eegarim jʉʉphen dʉi. ²⁹ Mʉ athee bigau aukherba chi phʉrtarkhʉʉn. Chi neminag gaai paanau agjo phʉrban ajaphata ʉkhitheegau. ³⁰ Aaron gaai phʉraagau maigmua agjo i chain gaaija maigmua aukherba mu ithee mʉ iek jaunʉʉramkhiin. ³¹ Israel pienag paanau jawaagau: "Amʉ mʉ nemkhawau phʉrjẽm ẽwandam ithee autar pʉ chain ewagam khʉʉn ithee. ³² Õr morgai phʉraag khabam, ni mʉg joo wawaag khabam, jã ẽwandam ithee pʉitasim. Magta paanau wainaagau. ³³ Õr abamuaja waumʉn mug joo pomarju awia, o abamuaja õr morgaai phʉrmug, mag wom mach phobor eemua jʉr peyaagau." ³⁴ Ẽwandamua moiseet magjim: "Jurata khapan thupham khʉʉn apha, chi khau thupham, uchkʉkʉndʉ thupham maimua kher thupham-agdaujoota ãba chachkha sitheegau chi kher thupham khʉʉn chi phaajem ar. ³⁵ Phaagui theeta wauba, chi õr pomãr waujemuata waareguagau, khakhaarau waareuwia maimua aukherba bigau. ³⁶ pua wajapha daii pĩisi puyaagau. Aukherba chi baudi phinden sin kĩinphee, ar chi di porduajem sim ai, magai mu pudʉi ooju ai. ma oowaisiegau mu itheemju awia. ³⁷ Pua mug thuphamkhʉʉn waubam, da abamuaja mug joo wawaagkhabam paach ithee. Pua wajaphata oowainʉʉrragau. ³⁸ Chi õrau mugjoo waumun pomaar jurpeyaagau chi pobor eemua."