¹ Muiguimuansi, amuta paanau aunum mu athee aan bigau auqueramkiin maimua mu iek jauwenʉʉrramkhĩin. Jʉrkha athad phak ãb maimua chib numi paayam chukhʉm, ² maimua arin ajaphamua wauba pan lebadʉr chukhʉ, pan roska den lebadʉr chukhʉ neukhaudʉi maimua galleth nasupapei lebadʉr chukhʉ neukhaudʉi paai. Mu khʉʉn poorthʉba arin ajaphamua. ³ Abam thʉbʉt ee aukherbad, aarraagau chi thʉbʉt maimua ãba oopibad chi phak dʉi maimua chi chib numiin dʉi. ⁴ Pua Aaronag oopijʉ maimua agjo chi chainaanagja chi di poordʉjemdi dʉʉg jem ai. Aan dʉmerpiba dʉdamua Aaron maimua chi chainja agjo. ⁵ Chi khajũa athaadeg maimua Aaron morgaai jũapiba chi tunika, agjo chi tunika o chukhʉ efod den wautarja, chi efod anum maimua chi pectoralja agjo. ⁶ Maimua chi aingayim khatar chi efod thʉ̃rsierdenau wajapha jũpeyaagau i aingaai. Paanau i porgaai jũapupeiju chi turbante anʉm maimua jũapiju chi porsir santa anum chi turbante ʉ̃r. ⁷ Magtarkhʉr nemkhau jurauwia i por pẽe apʉi, magai ya ipor phʉrsisim. ⁸ Pua i chain aubeegau maimua ãr morgaai jũapiigau chi put. ⁹ Aaron morgaai put jũapigau maimua i chaingaai put phajadam maimua i por gaai aukheraagau cintadam. Chi phidag phagden aan denau ma aai iek ichmag thʉbaagau. Mug joopapʉi, Aaron ithee siegau maimua i chain ithee, murig jewamkhiin. ¹⁰ Agnabe pʉita aubeegau chi phak chi di pordʉ jem ar, maimua Aaron ich chain duimua maggai pur awaagau. ¹¹ Mu daunata chi phak thõogau, chi di poordʉjem ai agkier. ¹² Chi phak bag ãupapʉi awaagau maimua chi phak kachgaai phʉrjʉ, maimua chi bag sobtaarrau jĩephegau chi di jãhee. ¹³ Thʉnwe awaagau chi nemkhau i morgaai thʉnʉm, maimua agjo awaagau chi tastas maimua chi phimi numi chi nemkhau igaai thʉnʉm dʉi; thʉm makhʉʉn chi di ai phaakha apʉi. ¹⁴ Maimua chi phak mog, agjo chi eudam mai thum agueenaarkhʉʉn, makhʉʉn pua phaapeyaan maju warphaa chi di aimua. Maach pekau jʉ̃rta pu dauna phaanʉm. ¹⁵ Magan pua chi phak pʉrauju mai Aaron ich iewaan dei mua chi phak por kachgaai pʉr juarrau. ¹⁶ Pua chi phak thõo apʉi, magtarkhʉr chi bagau chi di jãhee weapʉi. ¹⁷ Magtarkhʉr chi phak chi mogdam dayii khõgkha apʉi, thʉm i buch ẽem jẽutarkhʉʉn ʉ apʉi maimua i bʉ, thʉm i mõrgaaim bichthʉtargain abamag pordʉ awaagau mai chi porja akhʉ, maimua deen magau ¹⁸ chi di ar. Magtarkhʉr thʉn urpeyaagau. Magai panau mu ithee phaanum mai ẽwandam ithee. Mag thʉ̃amthʉnum sĩpha mua ʉ̃ʉchirʉm; mag uu thʉnʉm mu ithee au. ¹⁹ Mag baawai, dewam phak pʉratha maimua Aaron ich iewaan dʉimua chi pordamgaai pʉrjuarrau. ²⁰ Magtarkhʉr chi phak thõo apʉi maimua achkhʉn auwia chi bag. Aaron kach gaai pʉr apʉi juachar masimgar maimua ichain kach gaaija agjo juachar bigar, agjo ãr jʉ̃gkhẽu amiggai juachar bigarbi maimua agjo aan bʉkhẽu amig garbi bʉchar garim. Magtarkhʉr chi bag weapʉi chi di khʉ igau. ²¹ Chi bag achkʉn awaan magau ẽwandam di aram maimua nemkhaudam pʉraag ithee maimua Aaron gaai pʉr peiju agjo i putgaija maimua chi chaindam gaaija mai aan put damgaaija. Mag, Aaron ya mu itheemau, agjo i khajũadamja, i chain maimua chi put ichaainden ideyau. ²² Chi phak nemkhau auju, nemkhau chi dʉr aiguimja, chi nemkhau maa buchdam ee thʉnaarkhʉʉn gayimja, thʉm chi tastasdamja, agjo chi phimi numi numdamja maimua chi nemkhau i mor ee thʉnʉmja agjo maimua maa khupa juachargarimja, magan mug phak damuata por choosisim mug phagdam mu athee. ²³ Maimua agjo atha pan phʉdʉʉm, mai pan pʉ̃idʉkhʉr sitheem nemkhau dʉyum mai pan gallegden nasum thʉbʉt ee thʉnʉm eem lebadʉr chukhʉmden , mu dauna mai ẽwandam daunaja agjo. ²⁴ Mu khʉʉn Aaron jua ee deeba maimua chain jua eeja agjo maimua wigpheba mu dauna murig deesimjo awia ẽwandam dauna. ²⁵ Magtarkhʉr aan juaeem auju aan opogdam maimua chi di ar phaapʉiju aunkhʉʉn phaatardʉi. Sipag thʉan aju mu athee; mag nathoothʉnʉm murig deenʉm dam aju. ²⁶ Magan, chi phak i atheem thõotar Aaron phad khamkĩinau, chi thʉ̃r aiguin auwia maimua ʉa ʉa aba achumag mai othõomag ẽwandamag nemin ʉasimjo maimua ma pʉa deesimau. ²⁷ Chi phak panau thõotar Aaron phad khamkĩr maimua i chainja agjo, mu khʉʉnta ʉgthaag ʉa ʉa naai jewaagau chi thʉ̃rpa ,chi bu maimua thʉ̃m chi bʉch eem jẽutarkhʉʉn. Mukhʉʉn Aaron denau maimua ichain ewagamkhʉʉn itheemau. ²⁸ Israel pienau mʉg phak mog deenum ichmag Aaron denau maimua ichain ewagamkhʉʉn itheemau. Ichmagta mug ley siegau, mug khoojem deenum Israel pienau phagnaan jurautar khʉʉn itheeu, murig deenum mai ẽwandamagja. ²⁹ Aaronau akha ausiegau ichkajũa ẽwandamag jeujem ich chain ewagankhʉʉn urum ithee. Mua aan por chooweita maimua aanag jauweita makhʉʉn put juajuarrau. ³⁰ Chi phad khaagpan chi chain eem juratham, ar chi dupaagpam chi deg pordujem ar mu iek jawaagpam, magua chi put jũasiegau jua ãb awia agun jĩgpir numi khãin. ³¹ Paanau chi phak awaagau jãaguay instalanawai chi phad naan mu ithee maimua chi mod jooguithee chi pordʉʉjem kier. ³² Aaron mai ich chain deimua chi phakmod khoogau mai agjo chi pan thʉbʉt ee thʉnʉm khʉʉn chi pordʉjem kier thʉnʉm aiguim. ³³ Amachdeu chi mod khojuarrau mai chi pan aanag deetar phad khamkhĩrju maimua jawaaguithee, aan phad khamkhiin. Dewamkhʉʉnau jãg opod khoogkhabarram, paanau wajaphata ʉrkha aunaagau mu itheen awai, mai muata deegau. ³⁴ Mu khʉʉn phakmod deetar mai agjo chi panja sobmun agnoram edaupheerre, magan makhʉʉn panau phaapeyaagau. Panau khojukhabanum, mu athee wainaarrawai. ³⁵ Jãgju papeita, thʉmwe pʉrig mua jautarju peita wawaagau, ajaphata aagau Aaron mai ich chain dui. Siete diata aan wawaagau. ³⁶ Ãspampier paanau phak deenagau paach pekau jũr chi phad naanag. Chi di jã eem ierrum wepeyaagau chi bagau chi phad naanaupei maimua nemkhawau phʉr juarrau mu athee. ³⁷ Ichmag siete diata waunaajeegau chi di maimua ẽwandam ithee aukheraagai. Magtarkhʉr chi di mu athee wausisiju. Chi neminag thun agdeg thʉnʉm ẽwandam itheeau. ³⁸ Ichmag chi di ay deenurraagau, ãspampier, phak chain numi ãyo ãban. ³⁹ Edau pheerre phak ãb deen maagau maimua de wam kheurag deen maagau. ⁴⁰ Nacharam phak dei, lib diesta deeba harin ajaphan nemkhau olivos litro guarewandui maimua agjo litro vino aan domkiin. ⁴¹ Deen magau phak dewam edau kheurag, edaupheerram deen matarjoopeita deen magau maimua chi vinoja agjo. Amʉʉn mu khẽugar khʉ̃waata ʉ̃ʉchiragau; paanau obdau uu aunum ẽwandam itheeta. ⁴² Ichmag chi obdau uu waiwenuurra jeegau chi chain ewag wedurum khʉʉnauja chi di por dujen ai mu dauna mai, ẽwandam dauna, mai mu paandui ooju iekhaag. ⁴³ Jãgaita Israel piendei mu ooju, ar chidi mu ithee wautar mu iek jewaag. ⁴⁴ mua chi porduaguithee aukherju ag deg papei mu deipapei oom khĩir. Maimua agjo mua aukherju Aaron mai ich chain dʉi aukherju phad khamkĩir. ⁴⁵ Mu paan dʉi chitaju maimua mu paan ẽwandamau. ⁴⁶ maimua amachdeu khau aujuarrau mu paan aayau, paan ẽwandam, ar paan jẽu autar Egipto phobor eemua paan ee jooba chitaag, mu paan aayau, paan ẽwandam.