¹ Pʉ naam Aaron thʉ̃ratha maimua ich chain Nadab, Abiu, Eleazar, e Itamar, makhʉʉn Israel naan ẽwandam iek jaujem khʉʉn khamkiin. ² Pʉ naam Aaron ithee waubad pʉt i jʉ̃ankhiin mu athee ʉrkha aunaar. Mug pʉt wautar wajapham pʉ itheemau. ³ Pʉ iekhaagau õr thʉmaamkhʉʉn por upheram khʉʉn dʉi, mua amag khĩrjʉ̃g ajapham deetarkhʉʉn dʉi, Makhʉʉnag peita waupiegau chi khajũa Aaronden maimua i aukherjʉ much chok kha awaag mu iek jaunʉʉrramkhiin. ⁴ Chi khajũa aanau khaag pam mʉ khʉʉnau, chi thʉ̃rgaai jũapiju phinden, sako chaai, chi manto, chi tunika pomaam maimua chi ãikhõrjũajem maimua chi porsir. Amachdeu waujuarrau mʉ khʉʉn khajũa i athee aukherbad. Jãkhʉ̃ʉn pʉ naam Aaron itheemau maimua i chaain ithee mʉ iek jauwe nʉ̃ʉrramkhĩin. ⁵ Chi waujemkhʉʉn jʉ̃ajuarrau put wajapham, phindencha, chi phaun, chi phʉr maimua phurii pamardam paraa. ⁶ Amachdeu wawaag pam thʉ̃rgarim phindenta waujuarrau, chi phãuden, phʉriim, put phuriim pamaan damdʉi, maimua put hilo ajapham pogsiraam. Chi phidag wauju wajaphata siejʉ. ⁷ Piesa numi waisiegau palet ʉ̃r maju ithee mai jʉ̃kha thunaagau akhʉʉn khẽunbi gaai. ⁸ Chi thʉ̃rgaai maju khẽugaai jʉ̃gagkhãu ajaphanta siegau, agʉmkhiinaupeita siegau chi put wauju, phinden, hilo phãuraam, put phuriim, hilo phuriim pamaan dʉyim maimua put ajapham pʉ̃indʉgkham. ⁹ Mogdau por numi pʉrkha auju onice den maimua por ee wai sisieg aan thʉ̃r Israel chaain docemden. ¹⁰ Sei thʉ̃r phãsiegau chi mogdau por un, maimua agjo sei thʉ̃r phãsiegau da ãb mog por gaai, chi naam aiguimua chi ẽudeem ar. ¹¹ Chi phin waujemag phãpiegau chi mog daugaai, phãkeraamkhĩin, mogdau numiin gaaita phãsiegau Israel chain thʉ̃r docenabamden. ¹² Chi mogdau numiingaai phãkhatarkhʉʉn phinden palet ʉ̃rta aukheraagau. Chi mog por daunumi aukheraagau chi sako ʉ̃r, ichmag ẽwandamua israel chaain khĩrjʉ̃g wainʉʉrramkhiim. Aaronau ich opheu ʉ̃r wainuurragau chi thʉ̃r phãsim khĩrjʉ̃g wainuurraag iden. ¹³ Pua khapanta wauju ¹⁴ phinden maimua dau numita khismenkhaa khasiegau phinden jʉ̃gad ju awia, maimua jʉ̃khasiegau chi karen phinden wautargaai. ¹⁵ Pua wauju thʉ̃rgarbi jũaju tabal joo jʉrju khanthee aga, jãg pidag waukhawamuata wauju, phidag efod den wautarju. wauba phinden, put phãuden,phuriim maimua maimua hilo phuriim phʉʉm maim put ajapham. ¹⁶ Agdaujoota chach sitheegau. Numwe. Jua ãb chi durag maimua jua ãb chi pheu. ¹⁷ Mukhʉʉn jayab ẽukhaap pam ee joothʉgkha kerba mʉ khʉʉn mokdau oimʉm. Nacham joothʉgkhaju ee aukherba ãb mokdau rubi thʉ̃rsim, ãb mokdau topasio thʉ̃rsim, maimua mokdau esmeralda thʉ̃rsim. ¹⁸ adgarim joothʉgkhaju sieju ee ãb mokdau turquesa thʉ̃rsim, ãb mokdau zafiro thʉ̃rsim maimua ãb mkdau diamante thʉ̃rsim. ¹⁹ ag eugarim ee joothʉgkhaag pam mʉkhʉʉnau ãb mokdau jacinto thʉ̃rsim, ãb mokdau agata thʉ̃rsim maimua ãb mokdau amatista thʉ̃rsim. ²⁰ Ẽudeecharam joothʉgkhaju ee mukhʉʉnta maagau ãb mokdau berilo thʉ̃rsim, maimua ãb mogdau onice thʉ̃rsim, maimua ãb mokdau jaspe thʉ̃rsim. Mukhʉʉnta chi thʉ̃rjũajemgaai joothʉgkhatunaagau. ²¹ Chi mokdau wajafata phekata thu naagau Israel chain docen ãb thʉ̃r thʉnʉm ju awia, thum ãr thʉ̃r phãkha thʉnaagau aan naam aimua chi ẽudeemcham ar. Jãkhʉʉn thʉ̃r phakha thʉ naagau jakhʉʉn mokdaugaai chi docen ãb chi khodnaan thʉ̃r a ãbdʉ. ²² Paanau wawaagau chi thʉ̃ʉr majugaai karen jʉ̃gad khãujoo pʉ̃idʉkhʉr phinden papʉi. ²³ Waisieju sortig numi phinden chi thʉ̃ʉr majugaai maimua phẽepeyaagau chi khẽu numingaai chi thʉ̃ʉr maju ai. ²⁴ Adjo phẽekha pʉyaagau chi karen numi phinden chi khẽu numiingaai chi thʉ̃ʉr ai majugaai. ²⁵ Adjo phẽekhapʉyaagau chi karen khẽu pʉ̃indʉkhʉr wautar chi dau numi opheu ʉ̃r jũajũ wautargaai. Magan, phẽepʉyaagau chi thʉ̃ʉrgaai jũajũ khĩirphee masimgar. ²⁶ Sortig numi wawaagau phinden , maimua aukheraagau othõom numi ijur khẽugar chi thʉ̃ʉr maju wautar khẽugaai. ²⁷ Adkhien sortig numi waukheraagau phinden, maimua aukherju eegarbi chi opheu numiim wautargaai nagarbi thʉbasimden, maimua chi ãi khõrjũsim dakha ʉ̃rʉ̃ʉkhasim chi sako. ²⁸ Chi jũgad phãurãamua jũkhapeyaagau chi sortik gaai chi thʉ̃ʉrgaai juajem masim wautargaai, ma jũmankiin chi ãi khõrju simgaai. Amʉ ẽrdʉ pimaaugawau chi thʉ̃rgayin chi sako gayim dʉi. ²⁹ Nau Aaron ẽwandam deg dʉb badeewai, Ichmag pua jautarju awia wainʉʉrragau Israel naan chain thʉ̃r pʉch thãr ee, mʉgatat khĩrjũg wainʉʉrramkhiin maach ẽwandam dauna. ³⁰ Pua aukherju chi urim maimua chi tumin chi pectoral gaai mag jautarju awia, ichmag Aaron thãr ee waisiemkhĩin nau imaawei ẽwandam dauna. Aaronau ichmag wainʉʉrraagau ich thãr ee chi nemin wautarkhʉʉn ẽwandamag jawaag ithee Israel pienden ichmaa ẽwandam dauna abaadewei. ³¹ waujuarrau chi tunika chi sako odigaai masim chukhʉ thʉmwe hilokhãu phãurãamua. ³² Jãdacha woosiegau ma por dʉpamkhĩin. Chi woosim siegau phʉʉdʉʉ wajapha khasiegau ẽedʉ pimaagau. Mʉg phidag wawaaga put khaajemuata. ³³ Chi sako ichkharja thʉbaju ai, put phãurãamuata siegau maimua put jʉrchoomua thʉmwe chi igau phʉʉdʉ siegau. ³⁴ Phidag joota khasiegau thʉm chi sako gaai. Chi sako gaai phakha thʉnaagau phidag mai pelot chaidam, thʉm magta khakha werjoogau chi sako gaai. ³⁵ Aaronau chi sako jũagau nau maa aai iek jaubaadem aimua, mag i iek jaubaadem ai ʉ̃ramkhĩin maa aai iek jaujem deg i dauna maimua i oberweija. Amʉ maa ai iek ich eem thõpimaaugau. ³⁶ Adjo wauju phindenpai phuudʉʉ maimua adgaai phãsiegau, chi opheu ũrʉm gayim phãtarju. ¨ ẽwamdam iewaa ¨. ³⁷ Amu jũsiegau jʉ̃gag phãurãamua chi dagai majũ gaai. ³⁸ Aaron dagaita jũasiegau, thʉ maamkhʉʉn pekau burmam ẽwamdauna i ʉ̃rta bʉrju. Idag gayim ichmagta jũasiegau mag ẽwamdamua ich oomkhĩir. ³⁹ chi tunika wawaagau put ajaphamden maimua chi por gaai maju put ajaphamta maju. Adjo wauju chi ãnkhõrjʉ̃ʉg, put khaajemuata khaagau. ⁴⁰ Aaoron chain ithee wauju tunikas, ãinkhõrjũaguithee, maimua put dachiim ajaphamden maimua iek ajapham. ⁴¹ Pʉ naamag chi put jũapigau, maimua ichain nagja adjo. Aan phur apʉi, aan thʉ̃r jurata, mu athee aukherba, maimua mu iek jauwenʉʉrramkhiim. ⁴² Aan ithee waukhaagau kalsonsia aan mor kharsin barkha awaag, bar awaguithee chi ãn aimua chi khupa ai. ⁴³ Aaron ich chain deimua mu khʉʉn put wautar jũagau ãba poordʉ nʉmdeg maag pabadeewai magbamʉm ẽwandamdʉi iekhaan maag pawai. Amʉ amachdeu wauju amachgaai thʉ pi maaugau, magbamun aan thõjuarrau. Amu maa aai iek theeg siegau ichmag Aaron ithee maimua chi khognaan ewag urumkhʉʉn itheepa.