¹ Agjo waujuarrau mes khaduraam pa ajapham den, jua ãb codos duraam maimua jua ãb codo pheuree. Chi mes budam cuadrata siegau ʉgthaag codo thãrjʉ̃b ta siegau. ² Paanau wawaagau chi bʉ agdaujoota si theegau chi mes khẽupier phak kach joo. Chi kach phak khõndaudenta wausiegau chi mes dʉi maimua phinau phʉʉr phʉyaagau. ³ Paanau wawaagau chi neminaamkhʉ̃ʉn chi mes ithee, agjo waujuarrau baldedam khʉʉr mephor phieguithee, maimua palaja agjo, jardam, tenerodam chi mod ithee maimua nasapdam. Phagkõndaudeuta mu khʉ̃ʉn wausiegau. ⁴ Agjo jua bʉʉr wuwuruu wawaagau chi mes ithee, phagkõndaudenden. Wauju sortig phagkõndauden chi kẽupierraam ithee. ⁵ Panau chi mes bithʉr bigau juabʉʉr aukher juarrau, jãdach aimua ʉgthaag. ⁶ Paanau woujuarrau pa dasiim chi mesdam ithee, pa acacia thʉ̃n simden, maimua phʉʉr juarrau bronceu. ⁷ Chi pa duraam woutaar joothʉgkha pʉyaagau chi sortig thʉnum ee, maimua chi pa joothugkha thʉ naagau chimes bithʉr numiig garbi, jiraak ithee. ⁸ Paanau chi mesdam jãwoota waujuarau, tauladen. Pʉa akhoota waujʉ pʉrig dʉrsigaay opitarju awia. ⁹ Adjo waujuarrau khʉgjã chi di ithee. Phut thunaagau chi khʉg dokhier garbi, chi put lino ajaphamden chi durag siegau cien codos. ¹⁰ Chi put pa dʉita thʉ naagau, veite kʉ̃ʉi thunaagau phagkhõnden. Adjo sortig jʉ̃khathʉnaagau chi pa gaai, agjo bariaa phagkhonden. ¹¹ Agjo dokhẽubi garbi, naagau put 100 codos chi durag veinte dibu dʉi, veite kʉ̃i phagkõndauden, sortig joothugka thunaagau di bu pier, maimua pa duraam phagkondauden. ¹² Agjo edau bu bursimag naagau put duraam cincuenta codos. ¹³ Naagau 10 dibu maimua 10 kũin. Chi khʉgjã agjo siegau cincuenta codos durag edau oberjem garbi. ¹⁴ Chi put thoophemag siegau duug jem ai chi durag sigau quince codos. Waisiegau thãrjʉ̃b dibu mai agjo kʉ̃ʉi thãrjʉ̃b. ¹⁵ Othõom garbi agjo waisiegau chi put quince codos durag. Waisieju thãrjʉ̃b dibu maimua thãrjʉ̃b kʉ̃i. ¹⁶ Waujuarrau chi puerti tab ithee put veite codos chi durag siegau. Chi put wausiegau chi phãawauta, chi phurau maimua khichphemaarãu maimua put phuriim pamaan dam dʉi. Chi phidag chi khajerden. Waisiejʉ dibʉ jayab mai kʉ̃i jayab. ¹⁷ Thʉ̃mwe chi dibu thʉnumkhʉʉn waisiegau pa duraam pagkõndauden, sortig phagkhõndauden, maimua chi kʉ̃ʉi phagkondauden. ¹⁸ Chi durag digeragam den siegau cien codos, chi pheewag siegau cincuenta codos, maimua chi ʉgthaag cinco codos ta siegau chi put pamaan apha khitheemuata phuudʉ thʉʉr sitheegau, maimua chi kʉ̃ʉi phagkõndauden. ¹⁹ Thʉ̃mwe chi neminag wautar chi digaai magau maimua thʉmwe chi 10 di mothogkhaag ithee wautar maimua chi bujã phagkhõnda uata wausiegau. ²⁰ Panau paach phoborag Israelag jaujʉ aubeen khiin aceite olivaden, agchaar maimua thethe, lampara ithee aipa pei khĩin uu amkhiim. ²¹ chi poordu jem aar, daugarbi chi put thunum ar chi baudi fin den sim ai, Aaron mai ich chaain deimua chi lampara paa wainaagau ẽwamdam na kheubaadem aimua ãspam ar. Mua paanag mug jauchirum ich mag waunaamkhĩim phobor Israel ewagam khʉʉn chainag oomkhĩin.