¹ chi di waujuarrau 10 pʉg wajaphan den,mai chi pʉg chiphãun, maimua pʉg chi phʉr khĩin dawaan pamaan dam dʉi. Mʉg phidag wawaag pam ajaphata thʉbaagau. ² Chi durag chi pʉg den siegau 28 codos, mai mua chi pheeu daujayab codos siegau. Thʉ̃nwe chi pʉg agdaujoo sitheegau. ³ Jua ãb pʉg naagau abam ai khĩin thẽukha da ãb dʉi, ãaun khʉ̃ʉnja agjo naagau ãba khĩinthẽukha abamdʉi. ⁴ Pʉa wauba jʉ̃gat khãu pʉt chi phãuden bithʉrgau phʉudʉ pʉyaag. Ichmag akhoopeita waujuarrau chi pʉt bithʉr bigau phʉrdʉ pʉyaag ẽundeemcham adgaram ãba thʉ̃num ar. ⁵ Waubat 50 jʉ̃gatkhãu pʉt nacharam masim aram ithee, maimua deu waubat 50 jʉ̃gat khãu ẽudeecha poordʉ thʉnum ithee. Ãba khĩin thẽukha mag waukherbat ãukhʉ̃ʉn thʉnum dʉi. ⁶ Agjo waujuarrau 50 sortig phinden maimua pʉt khĩin thẽukha majʉ aguapapʉi mag chi di dam agdaujoo sisiem khĩin. ⁷ Waujuarrau pʉt chib euden chi di wawaagpam joo thʉba juden. magden paanau wauju 11 theerjʉ. ⁸ Chi durag pʉt den siegau 30 codos, maimua chi pheu pʉt a ãbdumden waisieju 4 codos. Chi pʉt 11 wautarden agdau joota sitheegau. ⁹ Khaba 5 pʉt da ãb dʉi ãba maimua ãunkhʉ̃ʉn 6 pʉtja adjo. maimua jʉ̃ apʉi jãdachpapʉi chi pʉt khĩinpheen oberjẽnden. ¹⁰ Waujuarrau 50 jʉ̃gadkhãu chi pʉt bithʉrgau tʉ̃adugkhaag nachamden. maimua 50 jʉ̃gad chi pʉt bithʉrgau ẽundeencham sim aram. ¹¹ Waujuarrau 50 argooidam phinden maimua maimua ãba khapuiju chi jʉ̃gad khãudʉi. ¹² Chi put sobtarden, Mʉgta jaausim, jãdacha chi put sobbaaden den, aukheraagau chi di eugarbi. ¹³ Othoom garbi chi put durag naagau 46 centimetros maimua adjo othoom bigar naagau 46 centimetros, jãg put duragden sobbaaden den chi di waujuden deeba pʉiju othoom bigar chi di ʉ̃r maimua othoom bigarja adjo, thum borr awaag. ¹⁴ Wawaagau chi di ithee therjʉ pak euden khĩin phuriim, maimua dewam theerju eu ajapham agʉ̃r aukheraag. ¹⁵ Paanau waujuarrau agjo chi di ithee tabal pabʉ sittim anum den, khajaphamdam. ¹⁶ Chi durag joothʉgkha juden siegau 460 centimetros, maimua chi pheu siegau 46 centimetros maimua jadacha. ¹⁷ Igjo adjo pakhẽumiig numi merpheeguithee tabal da ãb khẽudʉi. Tabalau pʉita thumwe waukhapui ju. ¹⁸ Paanau chi di wauwei, waujuarrau veite tabal joothug khaag ithee edau burjem garbi. ¹⁹ Waujuarrau adjo 40 kʉ̃idam phagkhõndauden makhʉ̃ʉn joothʉgkhaag pam majukhʉ̃ʉn ad eegarbi. Nacha joothʉgkhaju eegar naaju kʉ̃ʉi numi makhʉ̃ʉn igjʉ joothʉgkhaag aan ithee maimua agjo kʉ̃ʉi numi dewankhʉʉn numi joothʉgkhaju ithee. ²⁰ Ẽudeem di ithee, edau bu burgem garim ithee, makhʉ̃ʉn joothʉgkhaag naagau tabal maimua chi 40 khʉ̃ʉi phagkhõndauden. ²¹ Naagau khʉ̃ʉi numi nacha joothʉgkha jʉ eegarr, khʉ̃ʉi numi dewam joothʉgkha jʉ eegarr, maimua agjo dewan khʉʉn dʉi. ²² Chi di eujʉ eugarim edau burjem garbisim, paanau woujuarrau 6 tabal. ²³ agjo tabal numi waujuarrau eugaram bigawam ithee. ²⁴ Mu khʉʉn tabal joothʉg khaagpam khĩkhĩegdʉ ta thʉnaagau nagarbi, magsimja eugarbi khĩĩg thẽukhata thʉnaagau, chi sortig dam ee. agjo peita waukhaagau eugaram bithʉr ithee. ²⁵ Agjo naagau 8 tabal, khẽu joothʉgkha chi kũin phag khondauden sim gaai. Chi tabal jothʉgkha ju eegar kʉ̃ʉin numi naagau, agjo aunkhʉʉn tabal joothʉgkha ju eegaar chi kʉ̃ʉin numita thʉ naa jeegau, maimua magta thu naagau ãukhʉʉnja. ²⁶ Paanau waujuarrau pa phogsiiraam duraam pabʉ acacia den, cinco igjuarrau khẽu joothug khaap othoon garam di bithur ithee, ²⁷ maimua agjo cinco pa phuuduum duraam tabal joothugkhaap edau burgen garsim ithee. ²⁸ chi Jãdacham pa bʉthʉ peita siegau chi tabal joothugkha judei, mugta jausim, jãdacham pa aimua, othõon bi garbi barsiegau. ²⁹ Thumwe phurpeyaagau chi tabla phinau. agjo waukhagau sortig phinden, makhʉʉn igjuarrau aguee joothʉgkhaag chi pa duraam pogsiraam ag jã ee dugkhaag maimua agjo phurpeyaagau phinau makhʉʉn pa. ³⁰ Paanau waujuarrau chi di durbʉ ʉ̃r paanag jautarjʉ. ³¹ Waukhaagau pʉt phãuraam ajaphamden, khichphemarkhĩin maimua phuriim, pamaandam phãkitheemdʉi, chi phidag waukhaphum. ³² Chi pa jayap acacia phinden phʉrkhathunum ʉ̃r debagkha pʉyaagau. Mu khʉ̃ʉn pa waisiegau jõikhaajem phinden chi kʉʉin phagkhõndem wausitheem pier. Chi pʉt jõikha pʉyaagau chi sortig phĩnden thʉnum gaai, maimua arjuarrau chi baudi phinden ich deu jautarju. ³³ Chi pʉt khĩkhĩegduta phaikhasiegau santo sim hay mai chi ẽwamdam baudi phĩnden sim ar. ³⁴ Panau barpeyaagau chi ẽwandam baudi sim ʉ̃r, chi ẽwandam baudi ithee thʉr tar ar. Chi mes aukher juarrau chi pʉt thursim daugarbi. ³⁵ Chi lampara aukher juarrau eugaram mes khẽu thʉnum gar do khier burgen gar si mag. Chi mes siegau dokhẽun bigar bi. ³⁶ Chi di puerti dʉʉg jem ai pʉt waujuarrau hilo phãuraan dem, pʉt khichphemar maimua phuriim maimua pʉt ajapham chuchutharam, phidag chi ijurgau waujem. ³⁷ Jõikhaaguite, wawaagau cinco dibʉ pa acaciaden phinau phur sitheem, maimua cinco kʉ̃ʉin phagkhonden wautar ãan atheem.