¹ Ed trãrjũp nʉm ee Israel phoborpien 0berwia Egipto durr eemua, mag ed gaaipai, Sinaí weug ee beejierram. ² Rephidimmua oberjierram maigmua Sinaí weug ee beejierram, mag weug ee bardʉgkha chewia durr sĩ khĩirphee maig nʉʉ aigchejierram. ³ Moisés Ẽwandam aar waidʉjim. Ẽwandamau durr sĩ gaai mua ithʉ̃r auwia maigmua irig majim:" Magta pua jaaujú Jakob di aar, chi Israelpien phobor:. ⁴ Pãrau oojierra mua egipciopien gaai wautarr, nemjãu ich ich gaai aubeetarrjo awia maigmua mʉch aig aubeejim. ⁵ Isin chadau, chadcha mʉ iek ũrwia ʉkha nʉm akhiin maigmua mʉ iek wajapha ãkha siubat, magan pãar phobor mʉ phoborou thumaam khʉʉn phobor khãyau, khanjãgwia agá jẽb thumwe mʉ den aawai. ⁶ paanta chi pornaan phadnaan den khajuarrau mʉg jẽb gayam khʉʉn den. Mʉ khʉʉn iekta Israel phoborpienag iekhajú aai nʉm". ⁷ Magbarwai Moiseeu ich phobor aigʉm khʉʉn jooin biidʉ aujim. Chi iek Ẽwandamau jaautarr thumaa amag jaaujim, ⁸ Thumwe chi phoborpienau ãba ʉkhajierram:" Marãg Ẽwandamau thumwe waujú jaautarr ". Magbarwai Moisés Ẽwandam aig beewia jaaujim Ẽwandamag chi iek phoborpien den. ⁹ Chi Ẽwandamau Moiseeg jaaujim:" Mʉ pʉ aig beejú edjã bauthʉnʉm eemua magta chi phobor eem khʉʉnau ũrjú pʉ dʉi iekhaawai maigmua agjo pʉ iek chadcha ʉkha wenʉrram khĩir". Magbarwai Moiseeu jaaujim chi iek phoborpien den Ẽwandamag. ¹⁰ Ẽwandamau Moiseeg jaaujim: phobor aar petá. ĩs awia maigmua nanjã agju, mʉ ithee khĩet ausiupibá, maigmua am put jãkha pibá. ¹¹ Khãai thãrjũpam ithee khĩir khaug pibá, mʉg khãai thãrjũpam ee, chi Ẽwandam, eeg beejú Sinaí sirphʉg aig. ¹² Durr sĩ bigaau õor ithee phʉrdʉ dau chachsiubá. Amag jaaubá: Oob durr sĩ bithurg eegar mamiet abá. Ãbmuakhaya durr sĩ gaai pʉrmʉn ma meejũ". ¹³ Ni ãbam khʉʉnaujã mag woun gaai pʉraag khabam. magbamʉn, mokou barwainʉmua thõojú magbamʉn choo khierraukhaija. Ichiita woun awiekhaija nemchaain awiekhaija, thõjũ. Maagwai chi trompeta jẽbthʉnʉʉ awia, amach durr sĩ eegar dakha majierram. ¹⁴ Magbarwai Moisés durr sĩ gaaimua ʉʉrbawia phoborog beejim. Chi phobor Ẽwandam ithee thorrkhawia maigmua amach put jã jierram. ¹⁵ Khãai thãrjũp nʉm ee khĩir khaubat; oob pãach ʉʉi gaai pʉrmiet". ¹⁶ Khãai thãrjũp nʉm ee, maagwai agnoram, maig pakthʉm theeg daumir ahaukhaajeejim anʉm maigmua durr sĩ ʉ̃r jʉ̃ʉnthumia theeg nathoo thʉnaajim anʉm, maigmua trompet iek jẽbagan. thumaam khʉʉn phobor aig thʉnarr khʉʉn japhierrjierram anʉm. ¹⁷ Moiseeu chi phobor didam eukha thʉnarr aigmua agbigaau aubeejim Ẽwandam dʉi ãba oog ithee, maigmua durr sĩ eegar naaimajierram. ¹⁸ Sinaí durr sĩ bigaau thumwe narãu nathoota aadejim mag eeta Ẽwandam eeg beejim anʉm. Chi naar ʉgthaata nathoo thʉnaajim orrno eemua oberthʉnʉmjota, maigmua chi durr sĩ thumwe theeg duuijim anʉm. ¹⁹ Magbaarwai chi trompeta iek warag jẽbagcha aadejim anʉm, Moiseeu iekhajim, maigmua Ẽwandamau i iek upom pakthʉm iekjo ʉkhajim anʉm. ²⁰ Chi Ẽwandam eeg beejim Sinai jẽb gaai, mag beewia durr sĩ ʉ̃rpai sisijim, maigmua Moisés durr sĩ ʉ̃r thʉ̃rpʉijim. Maigmua Moisés durr sĩ ʉ̃r waaidʉwia. ²¹ Chi Ẽwandamau Moiseeg magjim: " Eeg beewia phoborog jaaumamí mʉ aig dakha õor beepimaaugau, magbamʉn khapan meejuarrau. ²² Idiu chi phadnaan mʉ aig agjo beepibá am jĩgpʉyaag ithee, maigmua khĩir khaubat mʉ barcheju ed mag gayamua mua am akhãrag ee mapimaaugau. ²³ Moiseeu Ẽwandamag magjim: Chi phobor eem khʉʉn õor durr sĩ dakha majukhaba nʉm, ya pua jaaubarm: " durrbʉ igaau dauchachkha siubá maigmua Ẽwandam warphaapai naabat". ²⁴ Chi Ẽwandamau magjim:" Oobá durr sĩ gaaimua eeg ʉrbabá, maigmua pʉch dʉi Aarón aupidú, mamʉ phadnaan maigmua chi phobor eem khʉʉn ar dauchach thʉnʉm aig dichpimiet mʉ aar beepimaaugau, magba mʉn mua akhãrag ee barpʉijú". ²⁵ Mag ajim Moiseeu phobor aig beewia maigmua iekhajim.