¹ Ẽwandamau mʉ khʉʉn iekta thumwe iekhajim: " ² Mʉʉta pʉ Ẽwandamau, Egipto durr eemua dawag pʉ ober autarr, di aigmua dawag am chog atarr. ³ Oob dewam Ẽwandam waisieem mʉ dau ná. ⁴ Pãrau oob pãach ithee edjã ee ʉgthaa chiraajemjoo neminaamden waumiet, agjo mʉg jẽb gaai awieja, agjo do eegar awieja. ⁵ Pãrau oob mag juau wautarr khĩirphee jĩephogkhanaa agʉg jeeumiet, khanjagwie Mʉ, chi Ẽwandam pʉ den, mʉʉn Ẽwandam anemchitʉm. Mua jooin garim khʉʉnjã akhãrag waaujeejim mag gayamuata ewagam khʉʉnjã agjo akhãrag wawaagau, agjo pʉ chaain, pʉ iewaa chaain maigmua agjo ewagam khʉʉn chaain mʉ oomapha aajeer khʉʉn. ⁶ Mamʉ mua oopichirʉm mʉ iek ʉkhatarr khʉʉrag mʉ khõsi nʉm aawai maigmua mʉ iek wajapha jaautarr ʉʉrkha siubat. ⁷ Pãrau Ẽwandam thʉ̃r par oob thʉ̃raag khabam, Ẽwandam pʉ deneu, par chadkhabam, magan par chadkhabam khʉʉnag mua mʉch thʉ̃r aupʉabam. ⁸ Khĩir eyaa abat jua ʉ̃itarr ed, maigmua mʉ ithee mag ed ausiubat. ⁹ Chi phidag khãai seis nʉm ee thumwe aaipa siwaagau. ¹⁰ Mamʉ agnoramam ed ma mʉ ithee jua ʉ̃ʉijem eddau, Ẽwandam pʉ deneu. Mag ed gaai pod phidkhaju khaba nʉm, pʉ, ni pʉ chaain, ni pʉ kha, ni pʉ chog, ni pʉ chog ʉʉija, ni pʉ phaknaan, ni õor dewam durram khʉʉn pʉ di aig jooba sim awieja. ¹¹ Khanjagwia mua khãai seis naawia, chi Ẽwandamau, edau ompaajim, jẽb, maigmua phũas, maigmua thumwe mʉg jẽb gaai thʉnʉm khʉʉn, maigmugua domiget mʉ jua ʉ̃ijim. Maigmuata mua, chi Ẽwandamau, mʉch ithee jua ʉ̃inʉm ed bendisiekherjim. ¹² Pʉch aai dau aukhaubá maigmua pʉch ãdja agjo, mʉg jẽb gaai pãar mʉjo awia dʉrrʉʉ wenʉrram khõsi nʉm khai, Ẽwandam pʉ deneu, muata deechirʉm. ¹³ Pãrau õor pod thõojũ khaba nʉm. ¹⁴ Pãrau pod dich ʉʉi khabam dʉi pekau waujú khaba nʉm. ¹⁵ Pãrau pod õor den njĩgkhajú khaba nʉm. ¹⁶ Pãrau chadam neminaamta pãach bigaau jooba nʉm khʉʉn dʉi jaaubat. ¹⁷ Pãrau pod pãach bigaau di wajapha eusim oowia agjo ewaujú amiet; pãrau pod pãach bigaau jooba nʉm khʉʉn ʉʉin khõsi ajú khaba nʉm, pʉch chib emkhooi, pʉch chib ʉʉi, pʉch phak, pʉch burro, magbamʉn pʉch bigaau jooba nʉm khʉʉnau neminaam wainʉm". ¹⁸ Thumaam khʉʉn õorau oojim anʉm noseg phũ dʉi maigmua pakthʉm, maigmua trompet iekha ũrjierram anʉm, maigmua durr sĩ nathoo thʉnʉm agjo oojierram anʉm. Õorau mag oo athaawai, amach jãphierr nʉmua warpphaa oodʉnʉwãan majierram anʉm. ¹⁹ Amach diu Moiseeg magjim," maarãg iekhabá, maigmua marãu ũrjũ; mamʉ oob Ẽwandamau marãg iekhapim magbamʉn maar meejuarrau". ²⁰ Moiseeu Õorag magjim," oob jãphierrmiet, magan Ẽwandam chadcha beejim maach chach oon maguata chi respeto i den maach gaaita siegau, maigmua magta pãar pekau waubam". ²¹ Magta chi õor warphaa dʉnʉʉukhajierram, maigmua Moisés Ẽwandam aar khĩchag thʉnʉm ee majim. ²² Chi Ẽwandamau Moiseeg magjim," Mʉgʉʉnta pãrau Israelitapieenag jawaagau:" pãach diupai oonʉm mua pãar dʉi edjã eemua iekha chirʉm. ²³ Pãrãu pod dewam Ẽwandam jʉrauju khaba nʉm pãach ithee mʉ bigaau nʉm aig, Ẽwandam phĩr den maigmua Ẽwandam phatkhon den awiekhaija. ²⁴ Pãrãu mʉ ithee ichiita jẽb gaai mesdamjoo waujuarrau, maigmua mag gaaita pãrãu thõowia oprenda phaawia waaujeejú, ofrenda pʉch khapeen den, obeja den, maigmua phak den.Mam mawiekhaija mua mʉch thʉ̃r wajaphata jaaujú, ²⁵ Mʉ pãar aig beewia maigmua pãar bendisieejú. Pãrãu mʉ ithee mok denta mesjoo wau mʉn, oob mokdau thʉʉm den waumiet, pãrãu magan pãach neminaam juau choogjem magʉm gaai thʉmʉn, tag nem igba sisiegau. ²⁶ Pãar pod doig gaai waaidʉbam mʉ mes aar; achamʉʉn mag waupi maaugau pãach diuta khĩuupai wawaagau.