¹ Israelitapien Sin anʉm weug ee thʉʉnarr khʉʉn thumwe wetjierram anʉm, Ẽwandamau jaautarrjoo awia. Refidim bardʉgkhajierram, mamʉ maig do chukhu ajim õor dodopieg. ² Magbaarwai, Moisés gaaita thʉphobaadejierram mag wautarr maigmua magjim: " Maarag dodoog ithee do deebá ". Moiseeu magjim: " ¿ Khãnjawia pãar mʉ dʉi iekhõr wainʉ? ¿ Ẽwandamau wau sim ʉkhaba nʉm ? " . ³ Chi õor ubichkha thʉnajierram, maigmugua iekhõr waunaajim Moisés dʉi. Amach diu magjierram: " ¿ khanjãgwia Egiptomua pua maar chawag aubeeji ? ¿ Maar thõopʉyaag ajieb, maar chaain maigmua maar nemchaain ubichkhau ? " ⁴ Magbaarwai Moiseeu Ẽwandamag jeeujim anʉm : " Mʉkhʉʉn waunaan dʉi jãgata mua aag agá ? ya mʉ mokou baraag ithee khĩir khaug nʉm ". ⁵ Chi Ẽwandamau Moiseeg magjim :" Am ná phoborag igbaad, maigmua Israelam khʉʉn jooin pʉch dʉi athaad. Pʉch pa phʉch dʉi athaad ar pua do ee wʉtarr maigmua igbaad. ⁶ Mʉ pʉ khĩirphee oodʉnʉʉujú durr khudau Horeb anʉm gaai, maigmua pua durrkhu gaai photphot ajú. Magbaarwai do ageemua oberjú am dodopimkhĩir". Maigmugua magta Moiseeu waujim Israelpien jooinaa khitheem dau ná. ⁷ Mag am narr aig thʉ̃rjim Masah maigmua Meriba Israelitapienau iekha nʉʉ aadeewai maigmua amach diu Ẽwandam oojim maigta magjim : ¿ Ẽwandam chadcha maach dʉita si o maach dʉi khaba si ?". ⁸ Magbaarwai werbʉajem khʉʉn amalesita phobor eem khʉʉn beewia maigmua werbʉjierram Israelpien dʉi Rediphin anʉm aig... ⁹ Magbaarwai Moiseeu Josueg jaaujim: õor jʉrtheer auwia maigmua petá. Amalek dʉi werbʉan igbaad. Nan mʉ ʉgthaa durr sĩ gaai oodʉnʉwãan majú Ẽwandam pa dʉi mʉ jua ee "... ¹⁰ Josue werbʉjim Amalekpien dʉi Moiseeu irig jaautarrjoo, magnʉmich Moisés, Aarón maigmua Hur dʉi durr sĩ gaai ʉgthaa waaidʉjierram anʉm. ¹¹ Magbaarwai Moiseeu ich jua numwe ʉgthaag ʉajim, Israelau werbʉ nʉm aig gan maajim ; Maig eeg ich jua ʉ̃yaag ithee aawai, Amalekpienau ganbaadejim. ¹² Mag nʉm ee Moisés jua chʉgthooga aadejim, Aaronau maigmua Hur dʉi mua durrkhu dau jʉrauwia i eegar aukherjierram i jubpimkhĩir. Magbarm bʉrre, Aarón maigmua Hur dʉi mua i jua nunwe ʉgthaag ʉʉaujierram, ãb i bigaau maigmua ãb othoom bigar. Magta Moisés jua numwe ʉgthaag ʉawai sisijierram anʉm inanaa edau dubbaadem aar. ¹³ Magta Josueu ganpʉijim Amalek phobor thuthuyiupai.( espada ) ¹⁴ Ẽwandamau Moiseeg magjim:" Esãp gaai mʉ khʉʉn phãsiubá maigmua Josueeg ũrpimkhĩir ag gayam jaaubá, khanagwia mua thumwe chuppa pʉyaag agá Amalek khĩirjũg edjã thʉnʉm eegar". ¹⁵ Magbaarwai Moiseeu wau aujim mesjoo maigmua magdam thʉ̃rjim" Chi Ẽwandam mʉ dau aukhaujemʉu ". ¹⁶ Ich diu magjim :" ãbmua Ẽwandam tronog jua ʉgthaag ʉajim, Ẽwandamua werbʉeju ajim Amalekpien dʉi maigmua ewagam khʉʉn dʉipa".