¹ Chi phoborpien Elim mua majierram anʉm maigmua thumwe Israelita phobor eem khʉʉn wetjierram anʉm Sin anʉm aar weug ee, magan makhʉʉn nʉm Elim maigmua Sinai dʉi, khãai jua thãrjup nʉm ee ed numiim ee majierram Egipto durr eemua. ² Israelita phobor eem khʉʉn thumwe Moisé dʉi maigmua Aarón dʉi begkhajierram weu thʉnʉm ee. ³ Chi Israelitapienau magjierram: "chadcha maan meetarr amuan Ẽwandam jua ee Egipto durr maagwai maach jujupdú thʉnajierram nemek mod perol ee sim bigaau maigmua pan khonʉmua biwaaujierram. Mamʉ pãrau maar aubeejierram weug durr jãdau maar phobor thumaa khechpimkhĩir". ⁴ Magtarr khur Ewandamau Moiseeg magjim:" Mua pãar ithee panta edjã eemua nosegjo awia burrpiegau, Chi phoborpien pan pheen obeerjeejú khãai abam ithee edeempier maita mua khapaagau maigmua oogau chadcha mʉ ley dʉita pãar wenʉrrajú o wenʉrrabá. ⁵ Mag khãai sestom ee, amach diu ʉ̃ncha nempom phe autarr khãyau phe aujuarrau edeempierr nabe phe autarr khãyau maigmua ʉujuarrau amach diu aubeetarr". ⁶ Mag nʉʉpai awia Moisés maigmua Aarón dʉi mua Israel phoborpienag thumaam khʉʉnag jaaujim:" kheeurag khap ajuarrau Ẽwandamauta Egipto durr ee mua pãar mapijim. ⁷ Edaupherr gar Ẽwandam juapa pãarau oojú, ich diu ũrjim pʉ begkhatarr Ẽwandam khĩirpai. ¿Khainaan agá maar mag pãrau maar khĩirpai begkhaag?" ⁸ Moiseeu agjo jaaujim:"Pãrau khap ajuarrau Ẽwandamau nemek mod deewai kheeurag maigmua chi pan edaupherr gar magua jãdau meeuwia biwaa sisijierram anʉm, magan Ẽwandamau ũrjim am begkhatarr i gaai mua. ¿Khainaan agá Aarón maigmua mʉ ? Pãar begkhatarr maar dʉi khabam; jã Ẽwandam dʉyiu". ⁹ Moiseeu Aaronag jaaujim:" Thumaam khʉʉnag Israelita phoborpienag jaaubá:" Ẽwandam bigaau biirdʉbat, magan Ẽwandamauta pãar bepkhatarr ũrjim". ¹⁰ Mag nʉm ee, Aarón Israelita phoborpien dʉi iekha siejim, amach diu oonʉʉ ajierram weu thʉnʉm ee maigmua, mʉig giu, Ẽwandamau ich iiu aawai edjã bauthʉnʉm ee oompajim anʉm. ¹¹ Mag nʉʉ awia Ẽwandamau Moiseeg iekhajim anʉm maigmua magjim: " ¹² Mua ũrjim Israelitapien phobor bepkhatarr. iekhabá maigmua jaaubá: "K heeurag nemek modta khojú abá maigmua edau pherre khojuarrau pan. Magta pãrãu khaugjuarrau mʉʉta Ẽwandamau pãar Ẽwandam. ¹³ Kheeurag pabaadewai nemchaai kodornis anʉm khʉʉn bardʉgkha chewia di aig biirdʉ barchejierram anʉm. Edaupherre warag chi nemchaain di aig bardʉgkha chejierram anʉm. ¹⁴ Makhʉʉn nemchaain jĩerreu thʉnʉʉ awia ooba aphobaadejierram, maig weug ee thʉnajim chi eujir jẽb gaai. ¹⁵ Maagwai Israel phoborpienau oojim, magbarwai ãbmua ãbamʉg jaaujeejim:" ¿Jã khan agá?"Amach diu khaugba naajim jã khan agá. Moiseeu jaaujim :" jakhʉʉn pan Ẽwandamau dee sim khopim khĩir. ¹⁶ Ẽwandamau magta amag deejim: pãach pipied phekha athat, pãach diu phekha atham aig khoog ithee. boteedi numi õor ãhãbdum ithee chi phobor khapan thʉnʉm pierr. Magta amau phekha aujuarrau: dʉʉcha khoog ithee phekha athat, õor ãhãbdu amach di aig nʉm khʉʉn ithee". ¹⁷ Magta Israel phoborpienau waujim. Eemkhʉʉnau dʉʉcha pheaumajierram, dewam khʉʉnau barãa pheaumajierram. ¹⁸ Maagwai amach diu boteedeg chaachwai boteedi numi aujierram, makhʉʉnau nem pom pheaujierram, ma bʉʉrjã sobbajim maigmua barãa pheautarr khʉʉnden dʉyiita burrjim. Õor ãhãbdum khʉʉnau dʉʉcha pheumajierram amach jãdau waupimaaugau. ¹⁹ Magbaarwai Moiseeu amag jaaujim: " Ni ãbam khʉʉrauja nanum ithee oob aukhermiethʉ ". ²⁰ Magnʉm ee Moisés i iek ʉkhabajierram. Ãauram khʉʉnau ee aukherjierram agnorãmam ithee, Mamʉ mag ee odomie dikhajim ma khuyiupʉijierram. Magbaarwai Moisés am dʉi meeukhajim. ²¹ Amach diu pheen majeejierram edaupherre maigmua agnoram edpherre . Õor ãppaimua dʉʉcha pheaujeejim anʉm mag ed khoog ithee.Magnʉm ee edau wʉʉbaadewai, amau phekha autarr dorrdʉbaadejim. ²² Magwai khãai sestom ee amach diu pan pheaujem khãai nem pom pheaujierram, boteedi dʉʉcham khʉʉn numi õor ãbpaim ithee. Mag phobor eem chi por daphʉm khʉʉnau Moiséeg jawaan bardʉgkha chejierram. ²³ Ich diu magjim: " Mʉgta Ẽwandamau jaaujim :" Nanum ed jua ʉ̃yãag itheeyau, mag ed jua ʉ̃i nʉm Ẽwandam thʉ̃r gaaimua. Phaabat pãach diu phaaju khĩirjũg nʉm, joobat pãach diu joojú nʉm khai. Thumwe soptarr khʉʉn, khĩet ãkha siubat pãach ithee nan khoog". ²⁴ Magbaarwai noramam ithee khĩet aukherjierram anʉm, Moiseeu jaautarrjoo awia. Magta ãrbajim odomieujã ag ee dikhabajim. ²⁵ Moiseeu magjim: ĩs jag opod khobapʉit, isim ed Ẽwandam thʉ̃r gaai jua ʉ̃ʉ̃ijem ed au. ĩs pãrãu chi pheejem aar oobam. ²⁶ Pãrãu pheaujuarrau khãai seis nʉm ee, mamʉ khãai siete nʉm ee mag ed jua ʉ̃yãagau. Mag jua ʉ̃inʉm khãai ee maná chukhum". ²⁷ Khãai septimo ee, ãauram khʉʉn õor majierram maná pheen, Mamʉ amach diu bʉʉrjã oobajim anʉm. ²⁸ Magbaarwai Ẽwandamau Moiseeg magjim:"¿khãai kharrnaawieta mʉ iek jaautarr maigmua mʉ ley ʉʉrkha siwaag agá? . ²⁹ Oobat, Ẽwandamau maachig khãai ãb jua ʉ̃ipim khĩir deejim. Magwia khãai sestom ee ich diu khãai numiim ithee pan deejim. Pãar ãhãbdu pãach nʉm aigta naajú aai nʉm; ni ãbam khʉʉnjã pod oberju khaba nʉm khãai septimo ed pãach nʉm aigmua". ³⁰ Maagwaaita chi wounaan septimo ed jua ʉ̃ijierram. ³¹ Chi Israel phoborpienau jãg opod thʉ̃rjierram, " maná". Silandro daujoota bäphä khitajim anʉm maigmua chi sipag horejuela miel dʉi waureu simjota siejim anʉm. ³² Moiseeu jaaujim: " Mʉgta Ẽwandamau jaaupʉijim: Ausiubat Omer maná den anʉm phoborpien ewagam khʉʉn ithee ʉʉrkhaag, ich khodnaarag oopim khĩir chi pan mʉguata mua pãar kheejim durr weug thʉnʉm ee, Egipto durr eemua pãar waibeetarr khur. 2 ³³ Moiseeu Aaronag magjim:" Thãu jʉrauwia omer maná dau ag ee aukherbat. Wajapha aukherbat Ẽwandam dau ná ewagam khʉʉn wedurum ithee ". ³⁴ Mag Ẽwandamau Moiseeg jaautarrjo awia, Aaronau phesiujim anʉm decreto thʉnʉm bigaau baaudi pa dem ee i iek ʉkhatarr aawai. ³⁵ Israel phoborpien kuarenta ãyoo maná khojierram anʉm ichmag barjierram anʉm jẽb õor thʉnʉm aar. Amach diu khopʉijierram chi maná mag jẽb Kanaan durr khĩir thẽu nʉmaig. ³⁶ ĩs omer ãb desimau ma warrkhur lib chach ajim maná chaachjem (efa).