¹ Magta Moisesau maimua chi phobor Israelau mʉg meukhar Ẽwandam gaai aujierram. Amach dʉi meukhar aujierram: "Mu meukhar Ẽwandamag auchirʉm, ʉʉ wajim; chi kawaai maimua chi jinete ich dʉi theupʉijim mar ee. ² Ẽwandam mi juapa au maimua mu meukhar, Ich mu perdʉ ajuag pajim. muta mu Ẽwandamau, murua adoraagau irig, mu aai Ẽwandam, mu onee baudʉ ju. ³ Ẽwandam jempotau; Ẽwandam i thʉnau. ⁴ Ich dʉi theupʉijim Faraón karro maimua i õor thʉajem khʉʉn mar ee. Faraónau chagcha autarrkhʉʉn Mar kayas den ee ogaapuitarr. ⁵ Ier sim ee phʉrdʉ ajim; amach ierpa jierram ierum magwe mod danjo awia. ⁶ Pu juacharr, Ẽwandam, ʉʉwajim pu juapa theeg sim den; pu juacharrau, Ẽwandam, purua thoopʉijim chi dosãd. ⁷ Puch majestad nempomsimua purua ganpʉijim pu dʉi khaiba narrkhʉʉn. Puch maju jaaujim; paja awia purua khopuijim. ⁸ Pu kheu jãisinʉmai chi do aba abaadejim; chi do chorba sier thʉ waaubaadejim; chi do ieram khʉʉn jambaadejim mar thaan ee. ⁹ Chi oomaphasimua jaaujim: 'Murua ondee ẽkhaju, murua ẽkha aju, murua sakeo jigju; mu deseo onee aju aanig; much espada khaju; mu juau thoopuiju'. ¹⁰ Mamu purua phuasirrpuijim puch phuʉ, chi marrau pur ajim; amach ierpajierram doe plomojo awia. ¹¹ ¿Khaita pujoosi, Ẽwandam, dioses naan eepʉi? ¿khaita pujoosi, õor wajãpham monawaag den, meukhar ee honraasim, milagro waauwei? ¹² Purua ẽkhajierram puch jua charrau, maimua chi jeb ee ierpajim. ¹³ Pu pakto chagcham de ee purua guiajim chi phobor purua perdʉ autarr. Puch juapa theeg denau guiajim chi lugar santo pu joobasin ar. ¹⁴ Chi phoborau ʉnaagau, mai amach mon dʉyaagau, chi ʉkhag apoderaagau Filistea jooba nʉm khʉʉ nai. ¹⁵ Mag Edom temerán chi por naan; chi Moab õor thʉajemkhʉʉn mod dʉyaagau; maimua Kanaán joba nʉ khʉʉn thʉnwe dispersaagau. ¹⁶ Ʉkag maimua pabor am ʉn bʉraagau. Pu juapa theegau, amach deeu beegau durrkhʉju awia pu phobor dichamar, Ẽwandam, pu phobor purua perdu autarr dich bamai. ¹⁷ Purua aubeegau maimua jiin puyaagau durr bu gaai pu erensia den, Ẽwandam, khanta purua wauji pu jag gaai jobaag athee, chi santuario, maan Ẽwandam, pu juau neminag waujim. ¹⁸ Ẽwandamau chi por khaagau mugatag awia ichag. ¹⁹ Mag Faraón kawaai majim i karro awia maimua jinete dʉi mar ee. Ẽwandamau deemaai jurpuijim chi do mar den am ee. Mamu chi Israelitapien dʉdʉrag majierram jeb jʉsarsimgaai mar jãdacha. ²⁰ Chi prophetisa Miriam, Arón ʉphʉʉi, aujim tamburina mag chi ʉʉn thʉnwe wetjierram tamburina dʉi, jinkhaawei chi ʉʉi dʉi. ²¹ Miriam nau meukhaar aujim: 'Ẽwandamag meukhar aubad, ich ʉu onee ajim. Chi kawaai maimua chi jinete ich dʉi theupuijim mar ee." ²² Mag Moiseeu Israelpien guiajim naag Mar kayas den ar mua. Amach wetjierram Shur desierto ee. Amach wetjierram khaai thãrjʉpan athee desierto ee mag nibʉʉna do obajierram anʉm. ²³ Magtarr gurr Mara ar barchejierram, mamu pod do dobajierram magai chi do khiyag sietarrraai. Magta mag lugar thʉnpʉijierram Mara. ²⁴ Mag chi phobor Moisés dʉi asaa phubaadejierram maimua iekhajierram: "¿Khanta maan dojʉ aainʉ?" ²⁵ Ẽwandamag Moiseeu jeeujim, mai Ẽwandamau pabʉ oopijim. Moisesau doe chi pabʉ barpʉijim, magtarr gurr chi do khʉwaa abadejim doog athee. Magaita Ẽwandamau aanag chi ley phadeejim, magaipaita ich dʉi aan khaujim. ²⁶ Ich dʉi jaaujim: "Pãar nau Ẽwandam iek unmʉn, idauna neminag wajaphan waumʉn, paach khach damua ʉnmʉn chi mandamiento maimua chi ley gaai jaausin waumʉn, murua pãar gaai mon machag beepibam murua Egipsios naan gaai deetarrjo awia, muta Ẽwandamau pãar monaau jemau." ²⁷ Mag Elim arag chi phobor beejim, mag jua nʉmi awia nʉmi do chorba sin ar maimua sesenta palmeras sin ar. Amach akampaajierram magai do igaau