¹ Ẽwandamau Moisesag iekhajim maimua jaaujim, ² "Israelitapieenag jaauba deeu ewag mapinʉm aba maimua Pi Hahitot na akampaa piba, Migdol maimua chi mar Baal Sefón na. Pãar akampaagau chi mar khiin phee Pi Hahirot sin aig. ³ Faraonau Israelitapien eugar jawaagau, jakhʉʉn chi jeb gaai phʉririetanʉm. Chi desiertoou am tab kherjim. ⁴ Murua Faraón thaan enduresee pʉyaagau, maimua ich dʉi omdee ekhãagau. Mu honraagau Faraón gayamua maimua thʉnwe i õor thʉajem khʉʉn gayamua. Egipsios pieenau khawaagau muta Ẽwandamau." Magta akampaa jierram Israelitapien amachig jaautarro awia. ⁵ Mag Israelitapien majim aawei Egipto pien Reyag, Farón pormot maimua i serbientanaan pormot am dʉi meeukha jierram. Amach dʉi jaaujierram "maach dʉi waujierram Isarel phidag chukhʉ aupuawei maach athee?" ⁶ Mag Faraonau ich karruaje preparaajim maimua ich õor thuajem khʉʉn ich dʉi arjim. ⁷ Ich dʉi 600 karruaje meen ajim maimua dewam karruaje thʉnwe Egipto den, chagcham amachden thʉnwe. ⁸ Ẽwandamau endureceepuijim Faraón thaan, Egipto Rey, maimua chi Reyau Israelitapien ẽkhajim. Mag Israelitapien onee wetjierram. ⁹ Mamu chi Egipsios pienau am ondee ẽkhajierram, ich kabayo awia maimua ich karruaje dʉi aba, chi emkhooin kabaai gaai, maimua chi õor thʉajem khʉʉn. Chi Egipsiospienau ẽkha ajierram Israelitapien mar khiin phee akampaanʉm ee Pi Hahirot igaau, Baal Zefón igaau. ¹⁰ Mag Faraón dakha beewei, mag onee ajierram Israelitapienau ʉgthaag erpaawei. Chi Egipsiospien majierram am eugarr bi, mag amach okhinjʉg pom naajierram. Chi Israelitapienau Ẽwandamag jeeujierram. ¹¹ Moisesag jaaujierram, "Egipto ai õor beegjem chukhʉ aaweita, purua maan ober ausim desierto ee maan meem khiin? Khanawia purua maan da aphuu wausi, Egiptomua maan ober ausi? ¹² Mamu mukhaba purig maanau jaaujim Egipto ar? Purig maanau jaaujierram, 'idiu maan kherba, Egipsiospien dʉi maach phig khaagau.' Desierto ee thoju khayaau maan athee wajausiejim Egipsiospien dʉi phig khaag." ¹³ Chi õor nag Moisesau jaaujim, Ʉgkhamiethʉ. Nanaa abad mai paanau chi reskate oojuarrau Ẽwandamau is pãar probeeraapuiju. Tag pãar nau oobam Egipsiospien is oonʉmjo. ¹⁴ Pãar athee Ẽwandam khʉkhaju, maimua pãar nanaata naaraagau" ¹⁵ Maimua Ẽwandamau Moisés thʉnjim, "Moisés khanawiata purua mu thʉnweei si? Israelita pienag jaauba na mamkhiin. ¹⁶ Ʉgthaag jirr atha puch bara, maimua mar ee uapi atha magwia dibidii apui nʉmi, õõr jeb gaaicha dichan khiin. ¹⁷ Puch khiin eyaa ausisi murua endureseepuyaagau Egipsios thaan pããr aan eugarr mamkhiin. Murua awaagau honra Faraón gayamua maimua i õor thʉajem khʉʉn gayamua, i karruaje, maimua emkhooin kabaai gaai thʉnʉm khʉʉn. ¹⁸ Magta Egipsiospienau khapaagau mʉta chi Ẽwandamau murua chi honra aau wei Farón gayamua, i karruaje, maimua emkhooin kawaai gaai thʉnʉm khʉʉn." ¹⁹ Ẽwandam angel, ta Israelitapien na majim, aan eugarr. Chi nube columna duuijim aan na maimua majim aan eugarr. ²⁰ Chi nube beejim Egipto kampamenton ee maimua Israel kampamento ee. Egipsiospien athee chi nube khisita siejim, mamu Israelitapien athee edar araraasiejim, magta pod edar dakha khaba naajim. ²¹ Moiseeu mar ich juau jʉu pʉijim. Ẽwandamau ewag mapijim chi mar biento theeg gayamua mag edar maimua jeb gaai tornaajim chi mar. Magta chi do dibidiipʉjim. ²² Chi Israelitapien wetjierram mar jadacha jeb jʉ̃sar sim ee. Chi do dʉnʉukhabaadejim am jua char garr awia maimua am jua wegarr. ²³ Egipsiospienau am omdee ẽkha najierram. Mar jadacha aan ondee ekhajierram, Faraón kawaai thʉnwe, karruaje, maimua chi emkhooin kawaai gaai nʉm khʉʉn. ²⁴ Mamu ed pherre, Ẽwandamau Egipsiospien õor thʉajem khʉʉnag erpa jim. Ich japhierbaadejim Egipsiospien ee. ²⁵ I karruaje bu ojab baadejim maimua chi jinete khaiba abaadejim. Mugta Egipsiospienau jaaujierram, "Israel mua maan idʉraa mapiba, am athee Ẽwandam meeukhasin maach dʉi." ²⁶ Moisesag Ẽwandamau jaaujim, "Puch jua mar ee uaba Egipsiospienag chi do beem khiin, i karruaje, maimua chi emkhooin kawaai gaai nʉm khʉʉn." ²⁷ Mag Moiseeu ich jua uajim mar ee, maimua chi mar ich sierjoo abaadejim edaupherre. Chi Egipsios pien mar ee ʉʉr nʉrajierram mai Ẽwandamau am arjim mar ja ee. ²⁸ Chi do ich sierjoo abadejim maimua Faraón karro tab ajim, emkhooin kawaaigaai nʉm khʉʉn, maimua i õor thʉajem khʉʉn thʉnwe karruaje ondee ekha ʉdʉram khʉʉn mar arag. Ni bʉʉna perdʉbajim. ²⁹ Mag, chi Israelitapien jeb gaai mar jadacha dʉdʉragmajierran. Chi do pared ajim aajem am athee am jua chargarbi maimua jua wegarr. ³⁰ Magta Ẽwandamau perdʉ ajim Israelpien mag khaai ee Egipsiospien jua eem, Israelau Egipsiospien mon oojierram mar do igaau. ³¹ Mag Israelau Ẽwandam juapa oowei Egipsiospien dʉi wautarr, chi õor nau Ẽwandam honraapuijim, mag amach dʉi conphiajierram Ẽwandam maimua i chog Moisés.