¹ Moisesag wandamau iekhajim maimua jaaujim: ² "Separaa apʉi thʉnwe primogenito Israel pien, emkhooin maimua memeg khoojem khʉʉn. Chi primogenito mu denau. ³ Phoborag Moisesau jaaujim: "Khin jʉg ee aupidu, chi khaai eeta pãar Egiptomua oberjierra, di esklabitud khiet, Ẽwandam ich juapa theegau pu ober ajim jag eemua. Pod pu khobam pan lebardurr dʉi. ⁴ Pãar Egiptomua oberaagau mug khaai gaai, Abib ed gaai. ⁵ Mag Ẽwandamau pu arwei Cananeos jeb gaai, Hitita den, Amorreos den khʉʉn, Heveos maimua Jebuseoden khʉʉn, chi jeb juraatarr pu antepasado naanau purig dee gatarr, chi jeb gaai deesim leshe maimua miel, mag sim aawei purua wajãpha oogau mug akto adoracion den mug ed gaai. ⁶ Pu khoogau pan lebadurr chukhʉ kaai jua ab awia nʉmi; selebraa pʉyaagau Ẽwandamag khaai jua ab awia thãrjʉb. ⁷ Pu khoogau pan lebadurr chukhʉ nug khaai ee jua ab awia nʉmi; pãar ee pod ooju khabanʉm pan lebadurr chukhʉ. Pod oobam lebadurr pãar dʉi ni pãar limite eeja akho. ⁸ Mag khaai ee purua jawaagau puch chaanag: "Mag Ẽwandamau waujim mu dʉi Egiptomua mu oberwei. ⁹ Pu athee rekuerdo au puch jua ee, maimua rekordatorio aju pu khiin fee. Mug neminag waubam Ẽwandam ley pu iek ee sim khiinnau, ich jua pomaamau Ẽwandamau pu Egipto eemua pu ober autarraai. ¹⁰ Mag sim aawei mug ley purua urkhaagau ich dʉi jaaupua tarr ar, ayo beethʉnʉm pier. ¹¹ Maimua Ẽwandamau pu Cananeo jeb ee pu arwei, ich dʉ purig juraatarrjo maimua pu antepasado pienag maimua ich dʉi purig chi jeb deewei, ¹² purua awaagau thʉnwe primogenito i athee maimua thʉnwe pu primogenito memeg khoojem den. Chi emkhoon Ẽwandam denau. ¹³ Thʉnwe primogenito ber den purua per awaagau deemaai korderoou. Mag purua peraubamʉn, i odi thʉab puyaagau. Mamu primogenito ãabdʉ pu chaan eem khʉʉn, purua per awaagau deemaai. ¹⁴ Mag pu chaanau purig jeeuwei: "¿Khanta mugua jaausi?" mag banaawei purua jawaagau: "juapa theegau pu ober ajim Egiptomua, esclabitud di eemua. ¹⁵ Mag Faraónau maan mapimaagau seukhaawei, Ẽwandamau thʉnwe primogenito thoopʉjim Egipto jeb gaai, primogenito ãba, enkhooin den awia memeg khoojem khʉʉn den. Mag sim aaweita murua sakriphikaa chirʉm Ẽwandamag primogenito thʉnwe memeg emkhoon den, maimua murua perawaagau deemaai thʉnwe primogenito much chaan den." ¹⁶ Pu athee rekordatorio au pu jua ee, maimua rekordatorio pu khiin phee, mag ich juapa bomaamauta Ẽwandamau maach ober ajim Egipto eemua. ¹⁷ Mag Faraónau chi phobor mapiewei, Ẽwandamau am arjim Filisteos khʉdau jeb ee, mag chi jeb dakha sier awiakhaya. Mamu Ẽwandamau jaaujim: "Mu phobor arepentii khayaju gerra ee arpem maawei deemaai Egipto eekha beejuarrau." ¹⁸ Mag baawei Ẽwandamau ich phobor arjim desierto ee Mar cayas den ar. Chi Israelita pien majierram Egipto jeb eemua ther panapha khʉkhaag athee. ¹⁹ Moisesau José ipa arjim ich dʉi, mag Joseeu juraajim Israelitapienan mag jaaujim: "Ẽwandamau pãar awaan maagau, maimua pãar nau mi pa arjuarau paach dʉi." ²⁰ Chi Israelitapien majierram Sucot mua maimua akampaajierram Etam ar chi desierto kheu ar. ²¹ Chi Ẽwandam amna maajim etha ee am khʉdau ee jaau nʉrraag. Edar og khiin ʉʉsim dʉi lus deg athee. Magta amach majieram astaau awia maimua edarja akho. ²² Chi Ẽwandam chugpabajim chi phobor khiin phee eemua chi kolumna astaau den magbamun chi kolumna edarag den.