¹ Moisésag maimua Aarónag Ẽwandamau iekhajim Egipto durr gaai. Ich deu iekhajim: ² "Mug ed thʉnwe pãar athee warpemai mug ed den, warpem ed ayo den. ³ Õor Isarael pien iekhajem khʉʉn nan jaauba: "Khaai jua nʉmiim gaai mʉg ed den pãar nau ãb obeja pur awaagau mag bamʉn kabron chaaidam aan athee, khõd naan pierr mug wawaagau, obeja ãb chaain weinʉm pierr. ⁴ Chi kordero athee chi chaain wei nʉm khʉʉn bʉnʉʉsiman, pãar nau kordero mod nemkhapan awaagau magbamʉn nemkhapan kabritodam chi õor khapanag pierr. thʉmaam khʉʉn khomkhiin nemkhapanta siegau, magsim aawei chi mod pãar nau nemkhapan weinaagau thʉmaam khʉʉn khom khiin. ⁵ Neminag chukhʉ siegau pu kordero maimua pu kabritos naan, chi emkhooi ayo ãb am. Pãar nau auju aainʉm obeja ãb magbamʉn kabros. ⁶ Wajãpha oo wei narraagau jua nʉmi awia jayab mag ed gaai. Magtarr khur õor Israel pien iekhajem khʉʉnau khechpuiyaagau memeg khoojemkhʉʉn khĩchag ee ãspajuag. ⁷ Chi memeg thothar bagau peepuiyaagau di duug jem gaai maimua chi markos chi di duug jem di den magaita pãar khoogau chi memeg mod. ⁸ Mag edarta pãar nau khoogau chi memeg mod, ogkhiin ʉ̃u thʉnʉm ee phaatarr gurr. Pan lebadurr chukhʉ sin dʉita kho aupuithʉ, kher achag sitheem dʉi ãba. ⁹ Dopech ee jooba maimua Õgotho khomiethʉ. Ogkhiin ʉ̃u thʉnʉm eeta phaagau chi por dʉi aba, chi bu, maigmua chi jã eem. ¹⁰ Neminag chukʉ aukheraagau ãspaawai. Pãar nau neminag achkun edpheere sobtarr khʉʉn phapuyaagau. ¹¹ Pãar mʉgta khoogau: phõsĩa jũawia, sapad jũawia, maimua puch pa jua ee weisiagau. jʉkhaata khoogau. amʉta Ẽwandam paskua au. ¹² Ẽwandamau mugta jaausim: Egipto jep gaai memeg khoojemkhʉʉn maimua chaain amach garamcham khʉʉn mua khʉkhaju edar. Dioses naan Egipto pien athee aubeeju neminag akhanagam. Muta Ẽwandamau. ¹³ Pãar di gaai bag sim mu seyalau mu beeju den pãar arag. Mua chi bag oowei, egipto jep gaai mu pãar igaau dich ju. Mug nemchaain pãar agar beebam maimua pãar akhanag waubam. ¹⁴ Mug khaai pãar khinjug ee beejegau, maimuagua pãar nau oogau phiesta joota Ẽwandamag. Pãar athee leyau, mugatag chaain thaa bugkhamam khʉʉn chi phobor ee khinugaagau mug khaai. ¹⁵ Khaai jua ãb awia nʉmi pãar pan lebadurr chukhʉ khoogau. Pãar nau chi lebadurr paach di eem deeu weiphiriwaagau khaai ãb gaai. Khaai ãb gaai maimua jua ãb awia nʉmiim ar chi õor paroobam khʉʉn chi lebadurr khosim mag õor Israel mua thʉab pʉiyaagau. ¹⁶ Mu athee siagau õor iekhajemkhʉʉn khaai ãbam gaai, maimua khaai jua ãb awia nʉmiim gaai õor ãba pos awaag. Mʉg khaai ee phidag jom waubam, akho õor thʉnwe khoog athee joo gau atarrjo. Mag phidagau pãar nau waubad. ¹⁷ Pãar nau oogau mug phiesta pan lebadurr chukhʉ mamau mug khaai eeta murua aubeejim pãar phobor, õor thʉajemkhʉʉn õor thʉajemkhʉʉn dʉi pai, Egipto jeb igaau. Magsim aawei pãar nau oogau mug khaai ee mʉg atagam khʉʉn chaain ʉdurʉm khʉʉn gaai. Pãar athee mug lei ich magsiegau. ¹⁸ Pãar pan lebadurr chukhʉ khoogau khaai jua nʉmi awia jayabam gaai ed warpem ayo den gaai khĩchag ee ãspajuag jua nʉmi awia nʉmi ãb mug ed den. ¹⁹ Mug khaai jua ãb awia nʉmiim ee, pãar di ee lebadurr chukhʉ siegau. Pan lebadurr ee wausim khomʉn õor paroobam khʉʉnau Israel phobor eemua thʉab puiyaagau, õor dewam durr eem khʉʉn awiaja maimua chi jeb ee thabutarr khʉʉnja akho. ²⁰ Lebadurr eem wausim pãar nau pod khobam. Paach jooba baadem ar awiakhaya pãar khoogau pan lebadurr chukhʉ". ²¹ Maimua Moiseeu aukherjim Israel pien jooin nan maimua jaaujim : "Mamia phe athat obeja khabamʉn kabrito paach khodnaan thʉnwe khomkhiin maimua thoo apʉid kordero Paskuam. ²² Magtarrgur pʉr athat manojo hisopo den maimua cuenca ar bag sim ee dom apʉid. Di ee duug jem ee ʉgtarrgarbi maimua poste nʉmiim gaay chi duug jem ee bag pukherba jar poree. Edpheere khabasim ee pod pãar eem nibʉʉna ober bam puerta eemua. ²³ Mag Ẽwandam dichaagau maimua Egipsios pien dʉi werbuagau. Mag pãar puerta gaai bag oowei, pãar puerta igaau ich dichaagau mamʉ ichdʉi pod pãar di anpibam destructoorag. ²⁴ Pãar athee awia maimua pãar desendiente pien athee mʉg phiesta lei aju. Magsim aawei pãr nau wajãpha oogau mug phiesta. ²⁵ Pãar nin iekhatarrjo awia, pãar chi jeb ee duug wei Ẽwandamau pãar nig deeju, muy akto adoracion den pãar nau wajãpha oogau, ²⁶ ¿Mug akto adorasion den khanta iekhasi aawei? mag pãar chaain nau pãar nig jeeuwei ²⁷ magbanaai mugta pãar nau jawaagau: 'Phithʉrr atarrau Ẽwandam Pascua den, mag Ẽwandam Israelitapien di igaau dich wei Egipto durr ar Egipsios dʉi werbʉrrwei. Ich dʉi Israelitapien ober pʉijim."' ²⁸ Ẽwandamau jautarrjo awia Moisesag maimua Aaronan chagcha Isaraelitapien wet jierram maimua waujierram. ²⁹ Ẽwandamau werburjim chaain amach garam khʉʉn Egipto jeb ee edaram khaai dich wia, Faraón chaain amach garig khʉʉn aimua, trono gaai jʉb siar, karsel ee chaain amach garin khʉʉn maimua chaain amach garimam khʉʉn thʉnwe ganado den. ³⁰ Edar phidujim Faraón, thʉnwe ich sierbo naan dʉi maimua thʉnwe Egipsios pien akho. Mag di chukhʉ siejim õor chi meem oog athee. Magta Egipto õor akhinʉʉ ajierram, ³¹ Moiseeg maimua Aarónan edar Faraónan thʉnjim maimua jaaujim: "Phiidʉgkhabad, maimua mi phobor eemua ereuphʉbaad, Isaraelitapien maimua pãar. ereuphʉbaad, khochag abad Ẽwandam, paach dʉi neminag wawaag atarrjo. ³² Paach rebayos maimua paach khoojem khapanag akho athat, paach dʉi jaautarrjo maimua ereuphʉbaad, maimua akho mʉ wajau apapʉid". ³³ Chi Egipsios pienau iekhajeejim: "Thʉnwe maach chi thomau" magsim aaweita jupeita oberpʉiyaaganaajim chi jeb eemua. ³⁴ Maigmua chi phoborau waujim arep nibʉʉna lebadurr pʉiba. Jusiejim i thep amasar den, i pʉtgaai maimua i palet gaai. ³⁵ Mag Moisesau jaautarrjo chi phobor Israelau waujim. maimua Egipsios pienag jeeujierram neminag jierr wajaphan den, neminag oroden, maimua putja akho. ³⁶ Ẽwandamau Egipsios pien anee apʉijim Israelitapien complasee gathee. Mag Egipsios deejim thʉnwe amach dʉi jeeutarr. Magta, Israelita pienau oberpʉijim Egipsios pien. ³⁷ Israelitapien wetjierram Ramsés mua Sucot ar. Amach naajim 600,000 emkhooin buʉ mamkhʉʉn, ʉʉn den awia chaain denja akho. ³⁸ Israelitapienden khabam khʉʉn mixta khapan wetjierram amdʉi, aan rebayos awia manada dʉi ãba, phag khapanan. Amach dʉi phaajierram pan lebadurr chukhʉ Egiptomua arep auber dʉi. ³⁹ Lebadurr chukhʉ ajim mag amach dʉi Egiptomua auber ajim magta pod thʉwaaubajierram khhoojem joog. ⁴⁰ Israelitapien jobajierram Egipto durr gaai 430 ayos. ⁴¹ Mag 430 ayos obamar, mag khaai ee, thʉnwe õor thʉajemkhʉʉn Ẽwandam den oberjierram Egipto durr eemua. ⁴² Mag mug edarta khaiba aag ajim, Ẽwandam athee Egipto durr mua aberpʉyaag ajim. Onee ag athee ajim mug edar Ẽwandam athee Israelitapien thʉnwe generasion phobor den eemua. ⁴³ Ẽwandamau jaaujim Moiseeg maimua Aarónag: "Muta Paskuau jaautarrau: extranjero naan nibʉʉna pod khoojem ee khobam. ⁴⁴ Mag bamʉn, Israelita pien esklabo, phag khonau per autarr, khoogau neminag ãkhar mon ee dʉg wia. ⁴⁵ Estranjero pien maimua jornalero pien pod neminag khoojen khʉʉn khobam. ⁴⁶ Degta siegau chi khoojem. Pod chi memeg mot pãar nau di igaau aukherbam, maimua pod chi pa nibʉʉna thoob pʉi bam. ⁴⁷ Chi phiesta ee thʉnwe phobor Israel pien onee aagau. ⁴⁸ Estranjero ãb pãar dʉi mamʉn maimua Ẽwandam Paskua onee aagasiman, thʉnwe chi khodnaan emkhooin sirkunsidaa gau. Mag khan ich dʉi beeju aai sim oog athee. Beeju õor ich durr thabu tarrjo awia. Mag bamun, nibʉʉna chi õor insirkunsisa pod khobam neminag khobam. ⁴⁹ Mug leypeita chi chi natibo pien athee awia estranjero pien athee pãar ee jooba nʉmkhʉʉ athee". ⁵⁰ Mag thʉnwe Israelitapienau chagcha waujierram Ẽwandamau Moisesag maimua Aarónan jaautarrjo awia. ⁵¹ Mag khaai ee poid, Ẽwandamau obeer pʉijim Israelitapien Egipto durr mua therr jirr jem khʉʉn gayamua.