¹ Besaleleu chi mes dam waujim mag gaai neminaam dee nʉm phaag ithee ajim mag pa akasia den ajim. Chi durag chuchkhẽu sinkota wai sieejim maigmua chi pheeu agjo chuchkhẽu sinkota wai sieejim khĩir jayapta sieejim maigmua chuchkhẽu durag thãrjũpta ʉgthaag sieejim. ² Ichdiu phak kachjoo chi igpor gaai meerphegkha siujim. Chi phak kach mes dʉi ãba neminam khĩir ãbam denpaita wausieejim, maigmua ichdiu bronseuta phuurpʉijim anʉm. ³ Ichdiu chi mes gaai neminaam deejú thumwe waukhajim anʉm-- jarr chi nurr pieeg ithee, pala, jarr pomaam, nemek mod sukhoojem, maigmua parriya. ichdiu mʉkhʉʉn jua choogjem bronse denta waukhajim anʉm. ⁴ Ichdiu mes ithee dau wʉwʉrʉʉ waujim, ma bronse den ajim ma neminaam aukheerjem eegar ausiwaag ajim, jãdacha aukherjim. ⁵ Ichdiu soortik jayap waujim chi kajon igpor jayapam ithee dau wʉwʉrʉʉ ma bronse den ajim anʉm, mag eeta chi pa phĩgkha sieejim anʉm. ⁶ Besalelau chi pa akasia denta waukha aujim maigmua bronseu phuurpʉijim. ⁷ Ichdiu chi pa numi chi soortik ee phĩkhapʉijim chi mes bigaau, ag gaai warrag ithee. Ichdiu chi mes wäa deejim, ma tabal den ajim anʉm. ⁸ Besalelau jarr pomaam bronse den waujim eegar chi juub jemja bronse den ajim. Ichdiu chi jarr espeg den waujim ma ʉʉin ithee ajim ich mapai õor duugjem aig biirdʉag ithee iigjeejim. ⁹ Agjo ichdiu dijãrr wajapha waujim. Chi put pomaam surr bigar dijãrr sierr mag put lino wajapham den ajim, chuchkhẽu duragam khʉʉn wai sieejim anʉm sien. ¹⁰ Chi put pomaam waisieejim anʉm beinte pa daphʉm khʉʉn, mag pa daphʉm eegar maajem khʉʉn beinte naajim anʉm bronse den. Pa durag sim gaai ganchojo sitheem khʉʉn thʉnaajim anʉm, agjo thʉnaajim anʉm baria phatkhon den. ¹¹ Agjo, norte durag sim bigar put pomaam sieejim anʉm ma chuchkhẽu duragam khʉʉn waisieejim anʉm sien maigmua beinte pa duraam khʉʉn, chi eegarim khʉʉn beinte ajim makhʉʉn bronse den ajim, chi gancho chi pa pomaam gaai ãbata sieejim anʉm, maigmua chi baria phatkhon den ajim . ¹² Chi put pomaam edau duupjem garim waisieejim anʉm chuchkhẽu duraam khʉʉn sinkuenta magnaa pa pomaam khʉʉn dies maigmua chi eegarim khʉʉnpa. Chi gancho maigmua chi baria pa pomaam gayam khʉʉn ma phatkhon den ajim. ¹³ Chi di khĩirpheeja durag wai sieejim chuchkhẽu duragam khʉʉn sinkuenta ma edau duupjem bigar ajim anʉm. ¹⁴ Chi put pomaam othoom duupjem bigar wai sieejim chuchkhẽu duraam khʉʉn sinkuenta. Pa pomaam thãrjũp wai sieejim eegar majũ khʉʉnjã thãrjũp ajim. ¹⁵ Othoom duupjem bigar dijãrr agjo wai sieejim put pomaam ma chuchkhẽu duraam khʉʉn kinse wai sieejim anʉm majã agjo pa pomaam khʉʉn thãrjũp sieejim maigmua eegarim khʉʉn agjo thãrjũp ajim. ¹⁶ Thumwe put pomaam khʉʉnau dijãrr ag bigaau thuurkha thʉnarr khʉʉn makhʉʉn put wajapham ajim lino denauta kha sieejim anʉm. ¹⁷ Chi pa pomaam ee gar masitheem makhʉʉn bronsedenta wausieejim. Chi gancho maigmua chi baria pa pomaam khʉʉn ithee ma phatkhon denta wausieejim, maigmua ʉgthaam bigar chi pa pomaam den agjo phatkhon denta wausieejim. Thumwe chi pa pomaam khʉʉn dijãrr thʉnarr maja phatkhon denta wausieejim. ¹⁸ Chi put ierrag dug nʉm aigim jer chuchkhẽu duraam khʉʉn beinte waisieejim..Mag put pomaam chi phãaur denta wau sieejim, púrpura anʉm maigmua lino eskarlata anʉm, Chi lino wajapham kisnekta kha sieejim anʉm maigmua chuchkhẽu duraam khʉʉn beinte waisieejim anʉm. Chi warphag wai sieejim anʉm chuchkhẽu duraam khʉʉn beinte maigmua chuchkhẽu duraam sinko chi ʉgthaag, mamʉ chi put pomaam dijãrrajo. ¹⁹ Jayap pa pomaam ee gar maajem wai sieejim anʉm makhʉʉn bronse den ajim maigmua chi ganchoja phatkhon den ajim. Chi igawam khʉʉn maigmua chi ʉ̃rʉm khʉʉn Chi baria magʉʉn wautarr phatkhon den ajim. ²⁰ Thumwe chi pa daig neminaam peerjem aiggim õrag jaaukhaag chi neminaam wajapha ʉʉrkhajem aig maigmua dijãrr makhʉʉn broseuta waukha thʉnaajim. ²¹ Mʉgta chi neminaam wajapha ʉʉrkha sim khapaagau chi baaudi ʉʉrkhaajem eem, chi baaudi Moiseeu jaautarrjoota waumaajim. Mag phidag lebitanaanauta waujim anʉm mamʉ Itamarta wajapha jaaumaajeejim, Arón iewaa ajim anʉm, maigmua phad ajim. ²² Besalel, Urim iewaa ajim, Ur iewaa ajim, Judá khodnaan eem khʉʉn, Ẽwandamau thumwe Moiseeg jaautarrjoota waujim. ²³ Aholiab, Ahisamak iewaa ajim, Dan anʉm khodnaan eem, Besalel dʉi phidkhajim ich grabador ajim, phidag waukhõchag siejeejim, maigmua ich diu put chi phãaur igaaita khaajeejim, chi put khĩir phʉphʉisipaita siejeejim ( púrpura), lana eskarlata anʉm maigmua put lino den wajapham.. ²⁴ Thumwe chi phĩr wainarr khʉʉn makhʉʉn neminaam gaai wauphʉijierram, makhʉʉn phidag thumwe Ẽwandamag sieju aigta waukhajim, chi phĩr jãsene deeju den waisiejim anʉm beintinuebe talento anʉm 730 siklos, magta chaachwai chi santuario siklos wai sieejim anʉm. ²⁵ Chi phatkhon phoborou deetarr chi chʉgag waisiejim sien talentos maigmua 1,775 siklos, magta chi santuario siklos wai siejim anʉm. ²⁶ Ãhãbdum khʉʉnag siklos jãdach deemajim anʉm, ma siklos jãdachpayiu, santuario siklos chaachwai. Thumwe senso gaai thʉnarr khʉʉn, makhʉʉn 20 ãyõ ʉgthaag wai nʉm khʉʉn 603, 550 thumwe õor khapanag. ²⁷ Sien talentos phatkhon den chi santo majũ aig jʉʉrthʉgjierram anʉm maigmua chi put pomaam eegar majũjã agjo: eegar majũ sien ajim, talento ãhãbdu eegar majũpierr. ²⁸ Chi soptarrau 1,775 siklos phatkhon, Besalelau waujim chi gancho pa pomaam gaai deeg, ma khʉʉnta pa pomaam gaai ʉgthaa deejim anʉm, agjo chi barieja waujim aajem. ²⁹ Chi bronse neminaam deejem waisim anʉm setenta talentos maigmua 2,400 siklos. ³⁰ Mʉ khʉʉnau ich diu waujim chi eegarim khʉʉn duugjem aig biirdʉju aig, chi mesja bronse den ajim, thumwe neminaam mes gayam khʉʉn bronse den ajim, ³¹ Chi eegarim di khĩirpheeja maigmua duugjem aigja bronse den ajim anʉm, thumwe chi pa daig neminaam ʉʉrkaajem aig maigmua chi pa daig duugjem aig thʉnarr khʉʉn makhʉʉnja bronse den ajim anʉ.