¹ Besalelau chi baaudi paden akasia anʉm denta waujim anʉm. Chi pheeu sieejim anʉm chuchkhẽu numinaa maigmua chuchkhẽu jãdach; maigmua chi ʉgthaag sieejim anʉm chuchkhẽu ãbnaa maigmua chuchkhẽu jãdach. ² Ichdiu chi jã ee jʉʉrthʉg wia maigmua daaugarja agjo phĩr charauta jʉʉrthʉg pʉijim anʉm chi i gaaija phĩrauta dachĩi erba deejim anʉm. ³ Ichdiu phĩr den soortik jayap waujim anʉm bʉ jayapam khʉʉn ithee, soortik numi i bigaau, maigmua agjo soortik numi othoom bigar. ⁴ Ichdiu waujim anʉm pa duraam khʉʉn numi akasia anʉm den maigmua phĩrau phuurpʉijim anʉm. ⁵ Ichdiu chi pa numi chi baaudi bi gaau soortikjoo phẽekha thʉnʉm ee jẽenthẽukha pʉijim anʉm mag gaaita chi baaudi warraag aawai. ⁶ Ichdiu chi baaudi tap phĩr denta waujim aajem. Chi durag sieejim anʉm chuchkhẽu numi awia maigmua chuchkhẽu jãdach, maigmua chi pheeu chuchkhẽu ãb awia maigmua chuchkheu jãdach sieejim anʉm. ⁷ Besalelau ángel numi phĩir den waujim anʉm chi tap numiim ithee ajim ma khʉʉn juau pĩisitarr ajim. ⁸ Angel ãb othoom bigar chi tap gaai maagau maigmua ángel ãb othoom bigarim itheyau.Maata chi tap gaai ãba aggaaipai wautarrjoo sieejim anʉm. ⁹ Chi ángel ich ichpa ʉgthaag ʉa waisisijim magua chi tap thuur waisisijim anʉm.Chi ángelnaan ãba agkhĩirphee amach numi naajim anʉm maigmua chi tap jãdach eerpanaajierram anʉm. ¹⁰ Bezalelau akasia anʉm paden mes waujim anʉm. Chi warphag sieejim anʉm chuchkhẽu numi, chi pheeu sieejim chuchkhẽu ãb, maigmua chi i ʉgthaag waisieejim chuchkhẽu ãb awia jãdach ¹¹ Ichdiu ma phĩr chaarauta phuurpʉijim anʉm maigmua chi igaaija phĩrauta chi itap phʉʉrdʉ phuursiejim anʉm. ¹² Ichdiu marko waujim anʉm mag marko chi pheeu 21sm waisieejim anʉm chi marko i agjo phĩrauta phuur sieejim anʉm ¹³ Ichdiu soortik jayap bʉ̃ʉu aujim anʉm maigmua chi baaudi igpor pierr chi soortik khaarpʉi majim anʉm chi bʉ jayap nʉm aar. ¹⁴ Chi soortik chi marko gaai pheekha thʉnaajim mag eeta chi pa jẽerthẽukha thʉnaajim, mag ʉ̃rta chi mes waiwenʉrragau. ¹⁵ Ichdiu chi pa akasia anʉm denta waujim maigmua phĩrau phuurpʉijim,mag gaai chi mes warraag ithee. ¹⁶ Ichdiu chi neminaam mes gaai deeju waujim: chi thep, kusarr, jarr oduraam maigmua kopa mag eeta neminaam choonaa jĩgaag ajim. Ichdiu makhʉʉn phĩrdenta waukhajim. ¹⁷ Ichdiu phĩrden pĩisiwia bel paajem waujim. Ichdiu chi bel paajem ich bʉdam dʉita waujim anʉm maigmua ma. Chi thãu pomaam, chi kopa maigmua chi pamaar dʉi makhʉʉn neminaam thumwe phĩrdenpai ajim. ¹⁸ Dawag ĩch ãdeem 6 chach auwia, ichpa thãrjũp othoom gar maigmua ĩch ãdee thãrjũp bel paajem aigmua othoom bigar. ¹⁹ Warrpem ĩch ãdeenʉm gaai thãu pomaam khʉʉn thãrjũp naajim pamaar almendro den wautarrjoota khitajim , mag eegar chi kopa thʉnaajim maigmua pamaarja agjo, maigmua thãu thãrjũp pamaar almedro anʉm den wautarr othoom ĩch ãdeenʉm gar, agjo ag eegar thʉnaajim kopa maigmua pamaar. thumwe agjota waujim chi ich ãdeenʉm 6 nʉm ithee chi bel paajem aigmua dawag. ²⁰ Chi bel paajem eepai, ich jadachta sieejem, maig naajim thãu jayap pamaar almendro den wautarr, ag eegar sieejim anʉm kopa maigmua pamaar. ²¹ warrpem ichpa ãdeenʉm eegar kopa numi naajim anʉm, ma neminaam khĩir ãbpaimuata wausieejim anʉm, maigmua ich ãdeenʉm numiim eegar agjo kopata sieejim anʉm, majã nemiinaam khĩir ãbpaimuata wausieejim anʉm. agjo ich ãdeenʉm thãrjũpam eegar kopata sieejim anʉm, majã neminaam khĩir ãbpaimuata wausieejim anʉm. ich ãdeenʉm 6 makhʉʉn thumwe bel paajem aigmua dawag masieejim anʉm. ²² chi kopa thʉnarr khʉʉn maigmua chi ich ãdee chachkhatarr khʉʉn thumwe makhʉʉn neminaam khĩir ãbpaimuata waukhajim, chi phidag wautarr phĩr den ajim ma martiyouta pĩisinaa waukhajim. ²³ Besalelau bel paajem waujim maigmua siete lamparas , chi pinsas maigmua chi thep duraam khʉʉn ma phĩr den ajim anʉm. ²⁴ Ichdiu chi bel paajem waujim m aigmua ich khĩirjũg eemua wajim chi bel paajem aukheraag ma phĩr den ajim anʉm ²⁵ Besalelau chi mes waujim thũpha khitʉm phaag ithee. Ichdiu akasia padenta waujim. Chi durag chuchkhẽu durag ãbta siejim, maigmua chi pheeu chuchkhẽu ãbpai sieejim. khĩir jayapam ajim, maigmua chi ʉgthaag chuchkhẽu numiim ajim anʉm. Chi kach neminaam khĩir ãbpai muata waujim. ²⁶ Ichdiu chi mes phĩrau thũpa khitʉm dʉi mua theerpʉijim anʉm, chi ʉ̃rʉm, chi igabam, maigmua chi kach. Ichdiu agjo chi bi igaau phʉʉrdʉ phĩrau ich ithee waupʉijim. ²⁷ Ichdiu soortik numi waujim chi mes bigaau inunwe phẽekha siwaag ithee . Chi soortik eeta chi pa phĩgkha mam mag gaaimuata chi mes warrag ithee. ²⁸ Ichdiu chi pa numi akasia anʉm denta waujim, maigmua phĩrau phuurpʉijim. ²⁹ Ichdiu nemkhau Ẽwandam thʉ̃r gaai wau aujim jeeunʉm aig phuraag maigmua chi jĩgdee thũpam, chi phidag jĩgdee waaujemua wautarr.