¹ Pua pod thõojú khaba sim Ẽwandam pʉ Aai phakjo awia magba mʉn obejajo awia neminaam i gaai ãkhãrag wai sim gaai muakhaja, mag gayamua oomapha aag chi Ẽwandam pʉ Aai. ² Pãach eepai oomʉn, ierr pãach phobor duugjem aig chi Ẽwandam pʉ Aayau pʉrʉg deetarr, paroobam emkhooi magba mʉn ʉʉikhaija khĩirjũg ãkhãrag wau sim Ẽwandam pʉ Aai dau ná maigmua i iek ʉkhabatarr gaaimua, ³ ãbamja maba maigmua dewam Ẽwandamagta jeeu nʉm maigmua am khĩirphee jĩephõgkha imanʉm magba mʉn jeeu nʉm edaug, edau edaramʉg, magbamʉn papannaan edjã ee nʉm khʉʉnag khaija, magʉmja mua deepʉibatarr, ⁴ Maigmua pʉrʉg magʉm den jaautarrkhai, magba mʉnmagʉm den pua ũrtarrkhai magbanʉawai pua wajapha umar jewaagau. ma chadá maigmua chadcha Isrelpien aarta oomapha aji; ⁵ Magan pua aubeejú mag woun o mag ʉʉi, mag neminaam ãkhãrag wautarr khʉʉn, chi phobor dug nʉm aig, ich mag wounaupai mag ʉʉiraupai, pua mokou barwai simua thõopʉijú. ⁶ i numiim khʉʉn iek, o chi iek jaaujem khʉʉn trãrjũp, ich o makhʉʉn ichiita thõogau, magʉʉn ichiita thõõpʉyaan warraagau; mamʉ chi jaaujú ãppai muata jawaagau, amach diu pod thõojú khaba nʉm. ⁷ Chi jaau nʉm khʉʉn juata nacha thõopʉyaagau mokou barwainʉmua, magtarr khur chi phoborpienau agjo juau mok pʉrauwia barjuarrau; maigmua pãrãu jʉrpʉijú chi ãkhãrag pãach eemua. ⁸ Chadcha neminaam phithurgam dich mʉn pãar ithee i ãkhãrag waujú nawe, magbamʉn jeeujú chi thõtarr den, wa degolp meetarr den, mag woun iekhõr chukhu sierkhaija maigmua dewam khʉʉn iekhõr chukhum khʉʉn khaija, magba mʉn neminaam ãntarr den jeeu nʉm magba mʉn dewam iekhõrkhaija, o dewam iekhõr pʉch phobor duugjem aig, magan pʉ mam maagau chi Ẽwandam pʉ Aayau chi naaju aig jʉr autarr aig mag degta jewaagau. ⁹ Pʉ phadnaan aar maagau, chi Lebí khodnaan aar maigmua chi juesnaanauta maagwai oojeejim; pua pʉch konsejo jʉrjú maigmua amach diu deejú chi beredikto. ¹⁰ Pua am leita igaagau pʉrʉg deetar, mag aigta Ẽwandamau jʉrauwia di eu aujú ag deg jewaag. Pʉ khĩirkhaphʉ abá thumaa neminaam waunʉm aig amach diu jaau nʉm. ¹¹ Am leita igbá amau pʉrʉg jaau nʉm maigmua deejú amach diu khĩirjũg wainʉm. Oob paroob neram amau jaau nʉm eeta petá, jua chargar magbá mʉn jua wegarkhaya. ¹² Par oob ʉ̃nchapai aajem khʉʉn phad iekha ũrba aajem khʉʉn ich bʉʉu oodʉnʉm Ẽwandam pʉ Aai khĩirphee, magba mʉn jues ieka ũrba aajem khʉʉn, mag woun ichiita thõjú. Pua Israelpien ãkhãragam khʉʉn dawag jʉrpʉijú. ¹³ Chi phobor pieenau thumwe ũrãagau, jãphierwia maigmua warag ʉ̃nchapai aagkhabam; ( ũrãag ithee ʉ̃nchapai am maigmua chi lei ʉkhaagau). ¹⁴ Maagwai pʉ mʉg jẽb gaai beewai chi Ẽwandam pʉ Aayau pʉrʉg deetarr, mag nʉm ee chi por khaawai maigmua aig pʉ jooba sisiewai, maigmua magan pua magjú: " Mua mʉch gaaipai rei aukherjú, jãg thumwe phobor mʉ igaau thʉnʉm khʉʉnjo awia", ¹⁵ maagwaita pʉ ichiita chadcha pʉ igaau reita siegau õorjo chi Ẽwandam pʉ Aayau jʉraujú. Pʉʉta reijo jʉrawaagau pʉch ẽudeem khʉʉn eem. pua oob jʉrawam durr chaauram khʉʉn, pʉ khodja khawam, pʉ den. ¹⁶ Mamʉ ichdiu pod kabaai khapan ompaajú aai khaba sim ich itheepai magba mʉn õor Egiptog beepim khĩir magta ichdiu kabaai khapan ompaajú, magta chi Ẽwandamau pʉrʉg jaaujim: " Pʉ mʉʉgwaipai pod mag khʉdau ee dichjú khaba sim deeu". ¹⁷ Maigmua ichdiu pod ʉʉin khapan ompaajú aujú khaba sim ich ithee, i thãrãu magta Ẽwandam aigmua warphaa pod mabam; agjú ichdiu pod ompaajú khaba sim ich itheepai phatkhon magba mʉn phĩr. ¹⁸ Ich Ẽwandam aar jubwai, ichdiu ich ithee esãp gaai phã aujú kopia ãb mag ley den, mag ley phadnaa den khãyau mawemau, khainaan aga Levitas. ¹⁹ Chi esãp ich dʉita siegau maigmua ichdiu ichiita leejú edeem pierr, magta ichdiu khaugmajú neminaam wajapham chi Ẽwandam pʉ Aai dʉi, jãg ley iek thumwe ʉʉrkhaagpamjo awia maigmua chi estatutos oog ithee. ²⁰ Ichdiu magta waujú aai sim magta i thãrãu pod ich naam jʉ̃rjã pod dichjú khaba sim maigmua magta ich pod chi mandamientos aigmua warphaa mabam ni juachargarja ni juawegarja; mag neminaam wawaag ithee ichdiu chi edta jʉraujú ich reino aig, ich maigmua chi iewaan Israel jãdacha naajú.