¹ Paan wajaphan durrp pabaaden aig Ẽwandamua paanag deesin ich juakhaar wajaphamta, maig paan agee naajuarrau maig oneeja jooba naaju ag durr ee, ² magbaadewai paanau wainaagau neminag waarpem nemjĩirtaar obertaar chi jẽb een mãg paanau aubeenʉn chi jẽb aram maach Ẽwandan mua deesim eem. Paanau aukheraagau thʉbʉt ee magua arragau chi joobaju aar maach Ẽwandam mua jẽb jʉrwai sim ʉgtharam durr aar. ³ Paan agaar wetaagau Ẽwandam iek jaaujem aar magua paan khaiperju chi ed dichnʉm aar maig okho jaawaagau: "mua khaphʉchirʉm is Ẽwandam mʉ beejim mʉg jẽb gaai Ẽwandan mua ʉkhaju maach jooingarin khʉʉnag deeju aar". ⁴ Chi Ẽwanda iek jaaujem mua pʉr auju chi thʉbʉt pʉ jua igawam maig jiirjop siuju ʉgtha pʉ dauna Ẽwandam. ⁵ Ichita pua jauwaagau ag nawe maach Ẽwandam mag: Mʉ jooin garim khʉʉnan arameo pieenan paroop joobajem khʉʉn ajim. Ich maajim Ejiptoog maig thʉbajim agaar, maig i phobor iag khapan khabata siejim. Magai ich chi porpomaan khabaadejim, jua pa theeg abaadejim maig chi phobor nempom ĩudʉ baadejim. ⁶ Chi egiptopienau maan khaiba waujierram maig maan daphuuja wainaajim. Amachdeu maan waijẽer jejim ãspathʉnʉm pier phidag theeg gamee. ⁷ Maanau ʉgthaag jeeuje jim maach Aaiyag, Ẽwandan maach Aai pomaam, maig ichdeu maan iek ʉrjim maig oojin maan daaphʉʉ naajer, maan phigkhaajeer maig maanau theeg jeujeer. ⁸ Maach Aaiyau maan ober aujim Egipto eemua juapa theeg ausiewei, thumwe odee aujim, jãphiphierrapai, khĩinpier oopimawia maig wajaphaga; ⁹ maig ichdeu maan aubeejim mʉg durr ee maig maanig deejim, chi jẽb wajaphaa sieju leche athee maig miel athee. ¹⁰ Is eerpabat, mua aubeejim waarpem demjĩir jĩirtaar chetaar chi jẽb eem paan Aai Pomaam mua mʉrig deetaar eem. Paanau ichita aukheraagau maach Ẽwandam daunaa maig ʉgthaag jewaagua irig; ¹¹ maig paan thʉnaagau thʉmwe onee wajapha Ẽwandam mua paan athee phigkhataar awai, pʉ maig chi lebita, maig warpham woun paan thunʉmee siewai. ¹² Paanau deenʉm Ẽwandam thʉn gaai khojunem aunʉm nemjĩirtaar eem aaipabadewai ed pomaan tãrjum nʉm ee , mugau, ed pomaam ee ichjãg deejim Ẽwandam thʉn gaai, magbaadewai paanau ichita deegau lebitaag, warpham wounaan nag, wauchnaan aai chukhum khʉʉnaag maig khoopaan ʉʉinaag, magʉm damua aam khonaajeju phobor jã ee khut duugjem aig maig akho ãam biwaa naaju. ¹³ Paanau ichita jawaagau maach Ẽwandam dau naa: "mua aubeejim mʉ di aram khojunem aunʉm nemjĩirtaar eem makhʉʉn nemin maach Aai Pomaam denau, maig makhʉʉn mua deejim lebitaag, warpham wonaan, wouchdamag maig khoopa ʉʉiyag, mad wawia wajapham pua murig deetaar ũrnawia. mua bʉ̃ʉrja paroop iekhaba jim pʉ wawia jautaar den, akho mua khĩin okhooba chirʉm. ¹⁴ mua bʉ̃ʉrjã kho ooba chirʉm mʉch onee khaba chirʉm aig, ichmakha mua igaau ausʉuba chirʉm mʉ khaiba aadem aig, ichmakha mua ageem nemin deeba chirʉm õor meebadem aig. Mua ũurjem mʉch Ẽwandam iek; mʉ pʉ ipierra aajem pua mʉrig jaaubam wawaag. ¹⁵ Eerpaba errag ʉgtharam duurr mua pʉch jooba sim aig, edjã ee mua ʉgtharam do jĩiepheba pʉch pobor Israel ʉ̃r, maig pua manag chi jẽb detaar, ichmag pʉ iek chaar deejim maan Aai nag, chi jẽb wajaphan leche wawaag maig miel athee". ¹⁷ Is pʉ Ẽwandam mau deepʉi sim paanag ʉkhamkhĩirr chi iek agdajoo jooba pinʉm jaau sim gaai maig maach Aai Pomaam iek phãtaar jaausim gaai; paanau ma waithʉnaagau maig thumwe paach thaanbʉdan ee waithʉnaa gau maig akho thʉmwe paach iyäa apiejem akhaar damuacha. ¹⁶ Paanau khau aujierram is paach Ẽwandam, maig akho paan wetaagau paach khʉd eecha maig wainaagau chi iek agdajoo jooba pinʉm den, paach wawie ʉgtharam den, maach Aai Pomaan iek phãtaar den maig paanau ũrãagau Ẽwandam mua iekha sim. ¹⁸ Maig is Ẽwandamua jʉrtheerjim paan phobor paach ãba thʉmwe i thʉn gaai naag, magta ichdeu waisiejim paan athee wawaag, maig paanau wainaagau thumwe Ẽwandam wawia. ¹⁹ Ẽwandam mua jʉrtheerjim is akho ichdeu waisim ʉgthaacha thumaan khʉʉn phobor pomaam khayãu magta ichdeu wautaarrawai, akho ichdeu waujemjo meukhaar awamkhĩin, akho agdaujoo naag maig ipierra aag. Paan phobor siegau warphaa Ẽwandan athee pai, thãar wajapha irua jaautaarjo.